ਪਾਪੂਲਰ ਰਿਐਲਟੀ ਸ਼ੋਅ 'ਖਤਰੋ ਕੇ ਖਿਲਾੜੀ' ਜ਼ਲਦ ਹੀ ਟੀਵੀ 'ਤੇ ਸ਼ੁਰੂ ਹੋਣ ਵਾਲਾ ਹੈ। ਇਸ ਵਾਰ ਵੀ ਸ਼ੋਅ ਨੂੰ ਡਾਇਰੈਕਟਰ...
ਮੁੰਬਈ : ਪਾਪੂਲਰ ਰਿਐਲਟੀ ਸ਼ੋਅ 'ਖਤਰੋ ਕੇ ਖਿਲਾੜੀ' ਜ਼ਲਦ ਹੀ ਟੀਵੀ 'ਤੇ ਸ਼ੁਰੂ ਹੋਣ ਵਾਲਾ ਹੈ। ਇਸ ਵਾਰ ਵੀ ਸ਼ੋਅ ਨੂੰ ਡਾਇਰੈਕਟਰ ਰੋਹਿਤ ਸ਼ੇੱਟੀ ਹੋਸਟ ਕਰ ਰਹੇ ਹਨ। ਸ਼ੋਅ ਵਿੱਚ ਇਸ ਵਾਰ ਤੁਹਾਨੂੰ ਕਈ ਨਵੇਂ ਤਰ੍ਹਾਂ ਦੇ ਮੁਸ਼ਕਿਲ ਸਟੰਟਸ ਦਿਖਾਈ ਦੇਣਗੇ।ਸ਼ੋਅ ਦੀ ਸ਼ੂਟਿੰਗ ਬੁਲਗੇਰਿਆ 'ਚ ਸ਼ੁਰੂ ਹੋ ਰਹੀ ਹੈ। ਸ਼ੋਅ ਦੀ ਸ਼ੂਟਿੰਗ ਦੇ ਪਹਿਲੇ ਦਿਨ ਹੀ ਸੈੱਟ ਤੋਂ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਲੀਕ ਹੋ ਗਈ ਹੈ।
ਵੀਡੀਓ 'ਚ ਸ਼ੋਅ ਦੇ ਕੰਟੈਸਟੈਂਟ ਅਤੇ ਟੀਵੀ ਅਦਾਕਰ ਕਰਨ ਪਟੇਲ ਦੋ ਵਿਦੇਸ਼ੀ ਲੜਕੀਆਂ ਦੇ ਨਾਲ 'ਉਹ ਹਸੀਨਾ ਉਹ ਨੀਲਮ ਪਰੀ' , 'ਕਰ ਗਈ ਕਿਵੇਂ ਜਾਦੂਗਰੀ' ਗੀਤ 'ਤੇ ਡਾਂਸ ਕਰਦੇ ਹੋਏ ਵਿਖਾਈ ਦੇ ਰਹੇ ਹਨ। ਸ਼ੋਅ ਦੇ ਦੂਜੇ ਕੰਟੈਸਟੈਂਟਸ ਕਰਨ ਦੀ ਡਾਂਸ ਨੂੰ ਕਾਫ਼ੀ ਇਨਜੁਆਏ ਕਰਦੇ ਹੋਏ ਨਜ਼ਰ ਆ ਰਹੇ ਹਨ।
ਉਥੇ ਹੀ ਦੂੱਜੇ ਵੀਡੀਓ 'ਚ ਧਰਮੇਸ਼ ਯੇਲੰਡੇ ਜ਼ਮੀਨ ਤੋਂ ਬਹੁਤ ਉਚਾਈ 'ਤੇ ਕੇਬਲ ਨਾਲ ਬੰਨੇ ਹੋਏ ਡਾਂਸ ਕਰਦੇ ਹੋਏ ਨਜ਼ਰ ਆ ਰਹੇ ਹਨ। ਵੀਡੀਓ ਦੇਖਕੇ ਲੱਗ ਰਿਹਾ ਹੈ ਕਿ ਧਰਮੇਸ਼ ਦਾ ਇਹ ਵੀਡੀਓ ਸਟੰਟ ਕਰਨ ਦੇ ਦੌਰਾਨ ਦਾ ਹੈ। ਸ਼ੋਅ ਦੇ ਪਹਿਲੇ ਦਿਨ ਦੀ ਸ਼ੂਟਿੰਗ ਵਿੱਚ ਹੀ ਕੰਟੈਸਟੈਂਟ ਖੂਬ ਮਸਤੀ ਕਰਦੇ ਹੋਏ ਦਿਖਾਈ ਦੇ ਰਹੇ ਹਨ।
ਦੱਸ ਦਈਏ ਕਿ ਸ਼ੋਅ ਦੀ ਸ਼ੂਟਿੰਗ 5 ਅਗਸਤ 2019 ਨੂੰ ਸ਼ੁਰੂ ਹੋਈ। ਰੋਹਿਤ ਸ਼ੇੱਟੀ ਨੇ 'ਖਤਰੋ ਕੇ ਖਿਲਾੜੀ' ਦੇ ਸੈੱਟ ਤੋਂ ਸੋਸ਼ਲ ਮੀਡੀਆ 'ਤੇ ਆਪਣੀ ਫੋਟੋ ਸ਼ੇਅਰ ਕਰਦੇ ਹੋਏ ਸ਼ੋਅ ਸ਼ੁਰੂ ਹੋਣ ਦੀ ਜਾਣਕਾਰੀ ਦਿੱਤੀ ਹੈ। ਰੋਹਿਤ ਨੇ ਫੋਟੋ ਦੇ ਨਾਲ ਕੈਪਸ਼ਨ ਲਿਖਿਆ, EVERYTHING YOU EVER WANTED IS ON THE OTHER SIDE OF FEAR . . . Khatron ke khiladi season 10 begins today in Bulgaria .
ਇਸ ਵਾਰ 'ਖਤਰੋ ਕੇ ਖਿਲਾੜੀ' ਸ਼ੋਅ 'ਚ ਕਰਨ ਪਟੇਲ, ਕਰਿਸ਼ਮਾ ਤੰਨਾ, ਸ਼ਿਵਿਨ ਨਾਰੰਗ, ਅਦਾ ਖਾਨ, ਆਰਜੇ ਮਲਿਸ਼ਕਾ, ਬਲਰਾਜ ਸਮੇਤ ਕਈ ਦੂਜੇ ਪਾਪੂਲਰ ਟੀਵੀ ਸਟਾਰਸ ਨਜ਼ਰ ਆਉਣਗੇ।
Entertainment ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ
