ਬਾਲੀਵੁਡ ਅਦਾਕਰ ਪ੍ਰਾਚੀ ਦੇਸਾਈ ਦਾ ਅੱਜ 12 ਸਿਤੰਬਰ ਨੂੰ ਜਨਮਦਿਨ ਹੈ। ਉਹ ਅੱਜ ਆਪਣਾ 30ਵਾਂ ਜਨਮਦਿਨ ਮਨਾ ਰਹੀ ਹੈ। ਉਨ੍ਹਾਂ ਨੇ ਆਪਣੇ ਕਰਿਅਰ ਦੀ ਸ਼ੁਰੂਆਤ ਏਕਤਾ ਕਪੂਰ ...
ਬਾਲੀਵੁਡ ਅਦਾਕਰ ਪ੍ਰਾਚੀ ਦੇਸਾਈ ਦਾ ਅੱਜ 12 ਸਿਤੰਬਰ ਨੂੰ ਜਨਮਦਿਨ ਹੈ। ਉਹ ਅੱਜ ਆਪਣਾ 30ਵਾਂ ਜਨਮਦਿਨ ਮਨਾ ਰਹੀ ਹੈ। ਉਨ੍ਹਾਂ ਨੇ ਆਪਣੇ ਕਰਿਅਰ ਦੀ ਸ਼ੁਰੂਆਤ ਏਕਤਾ ਕਪੂਰ ਦੇ ਸੀਰੀਅਲ ‘ਕਸਮ ਸੇ’ ਵਿਚ ਬਾਨੀ ਦੇ ਕਿਰਦਾਰ ਨਾਲ ਕੀਤੀ ਸੀ। ਉਹ ਇਸ ਸੀਰੀਅਲ ਵਿਚ ਬਤੋਰ ਲੀਡ ਕਿਰਦਾਰ ਵਿਚ ਸੀ। ਪ੍ਰਾਚੀ ਦੇਸਾਈ ਨੇ ਛੋਟੇ ਪਰਦੇ ਤੋਂ ਸਿੱਧੇ ਬਾਲੀਵੁਡ ਵਿਚ ਐਂਟਰੀ ਕੀਤੀ ਸੀ।
prachi desai
ਟੀਵੀ ਸੀਰੀਅਲ ਤੋਂ ਬਾਲੀਵੁਡ ਵਿਚ ਕੰਮ ਮਿਲਣਾ ਬਿਲਕੁੱਲ ਵੀ ਆਸਾਨ ਨਹੀਂ ਹੁੰਦਾ ਹੈ ਪਰ ਪ੍ਰਾਚੀ ਦੇਸਾਈ ਨੂੰ ਉਨ੍ਹਾਂ ਦੇ ਟੇਲੇਂਟ ਅਤੇ ਚੰਗੀ ਐਕਟਿੰਗ ਕਾਰਨ ਆਪਣੇ ਪਹਿਲੇ ਸੀਰੀਅਲ ਤੋਂ ਹੀ ਸਿੱਧੇ ਫਿਲਮਾਂ ਵਿਚ ਕੰਮ ਮਿਲ ਗਿਆ ਸੀ। ਜੇਕਰ ਪ੍ਰਾਚੀ ਦੇਸਾਈ ਦੇ ਫਿਲਮੀ ਕਰਿਅਰ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੂੰ ਸਾਲ 2008 ਵਿਚ ਫਰਹਾਨ ਅਖਤਰ ਦੀ ਫਿਲਮ ‘ਰਾਕ ਆਨ’ ਦਾ ਆਫਰ ਦਿੱਤਾ ਗਿਆ ਸੀ। ਪ੍ਰਾਚੀ ਨੂੰ ਜਦੋਂ ਇਸ ਫਿਲਮ ਲਈ ਅਪ੍ਰੋਚ ਕੀਤਾ ਗਿਆ ਸੀ ਤਾਂ ਉਨ੍ਹਾਂ ਨੂੰ ਭਰੋਸਾ ਨਹੀਂ ਹੋਇਆ ਸੀ ਕਿ ਕਿਸੇ ਬਾਲੀਵੁਡ ਫਿਲਮ ਲਈ ਆਫਰ ਮਿਲਿਆ ਹੈ।
prachi desai
ਇਸ ਫਿਲਮ ਤੋਂ ਪ੍ਰਾਚੀ ਨੇ ਆਪਣੇ ਫਿਲਮੀ ਕਰਿਅਰ ਦੀ ਸ਼ੁਰੂਆਤ ਕੀਤੀ ਸੀ। ਉਨ੍ਹਾਂ ਨੇ ਫਿਲਮ ਲਈ ਆਪਣੇ ਸੀਰੀਅਲ ‘ਕਸਮ ਸੇ’ ਨੂੰ ਵਿਚ ਹੀ ਛੱਡ ਦਿੱਤਾ ਸੀ। ਦੱਸ ਦੇਈਏ ਕਿ ਫਿਲਮ ‘ਰਾਕ ਆਨ’ ਫਰਹਾਨ ਅਖਤਰ ਦੀ ਡੇਬਿਊ ਫਿਲਮ ਸੀ। ਫਿਲਮ ‘ਰਾਕ ਆਨ’ ਤੋਂ ਬਾਅਦ ਉਨ੍ਹਾਂ ਦੇ ਕੋਲ ਫਿਲਮਾਂ ਦੇ ਆਫਰਸ ਦੀ ਲਾਈਨ ਲੱਗ ਗਈ ਸੀ।
ਪ੍ਰਾਚੀ ਨੇ ਫਿਲਮ 'ਵਨਸ ਅਪਾਨ ਟਾਈਮ ਇਨ ਮੁੰਬਈ', 'ਪੁਲਿਸਗਿਰੀ', ‘ਲਾਈਫ ਪਾਰਟਨਰ’, 'ਆਈ', 'ਕੋਸ਼ਾ', ਮੀ ਅਤੇ ਮੈਂ, 'ਬੋਲ ਬੱਚਨ', ਇਕ ਥਾ ਵਿਲੇਨ, ਰਾਕ ਆਨ 2, ਤੇਰੀ ਮੇਰੀ ਕਹਾਨੀ ਅਤੇ 'ਅਜਹਰ' ਵਰਗੀ ਫਿਲਮਾਂ ਵਿਚ ਕੰਮ ਕੀਤਾ ਹੈ। ਦੱਸ ਦੇਈਏ ਕਿ ਇਨ੍ਹਾਂ ਸਾਰੀਆਂ ਫਿਲਮਾਂ ਵਿਚ ਫੈਂਸ ਨੂੰ ਪ੍ਰਾਚੀ ਦੀ ਐਕਟਿੰਗ ਖੂਬ ਪਸੰਦ ਆਈ ਪਰ ਪ੍ਰਾਚੀ ਨੇ ਜ਼ਿਆਦਾ ਫਿਲਮਾਂ ਵਿਚ ਕੰਮ ਨਹੀਂ ਕੀਤਾ ਹੈ। ਪ੍ਰਾਚੀ ਨੂੰ ਉਨ੍ਹਾਂ ਦੇ ਪਹਿਲੇ ਸੀਰੀਅਲ ‘ਕਸਮ ਸੇ’ ਲਈ ਹੀ ਕਈ ਅਵਾਰਡ ਦਿੱਤੇ ਗਏ ਸਨ।
