ਲਤਾ ਮੰਗੇਸ਼ਕਰ ਦੇ ਗਾਣੇ ‘ਇਕ ਪਿਆਰ ਕਾ ਨਗਮਾ’ ਨੂੰ ਅਪਣੀ ਆਵਾਜ਼ ਵਿਚ...
ਮੁੰਬਈ: ਰਾਨੂੰ ਮੰਡਲ ਦਾ ਨਾਮ ਅੱਜ ਕੌਣ ਨਹੀਂ ਜਾਣਦਾ। ਪੱਛਮ ਬੰਗਾਲ ਦੇ ਰੇਲਵੇ ਸਟੇਸ਼ਨ ਅਤੇ ਰਾਣਾਘਾਟ ਦੀਆਂ ਗਲੀਆਂ ਵਿਚ ਘੁੰਮ-ਘੁੰਮ ਕੇ ਗਾਣਾ ਗਾ ਕੇ ਕਿਸੇ ਤਰ੍ਹਾਂ ਪੇਟ ਪਾਲਣ ਵਾਲੀ 60 ਸਾਲ ਔਰਤ ਰਾਨੂੰ ਨੂੰ ਇਕ ਵੀਡੀਉ ਨੇ ਰਾਤੋਂ ਰਾਤ ਇੰਟਰਨੈਟ ਸਟਾਰ ਬਣਾ ਦਿੱਤਾ ਸੀ। ਲਤਾ ਮੰਗੇਸ਼ਕਰ ਦੇ ਗਾਣੇ ‘ਇਕ ਪਿਆਰ ਕਾ ਨਗਮਾ’ ਨੂੰ ਅਪਣੀ ਆਵਾਜ਼ ਵਿਚ ਗਾ ਕੇ ਰਾਨੂੰ ਅਜਿਹੀ ਮਸ਼ਹੂਰ ਹੋਈ ਕਿ ਮਸ਼ਹੂਰ ਸਿੰਗਰ ਅਤੇ ਮਿਊਜ਼ਿਕ ਕੰਪੋਜ਼ਰ ਹਿਮੇਸ਼ ਰੇਸ਼ਮਿਆ ਨੇ ਖੁਦ ਅਪਣੀ ਫ਼ਿਲਮ ਵਿਚ ਗਾਣਾ ਗਾਉਣ ਦਾ ਆਫਰ ਦੇ ਦਿੱਤਾ।
ਉੱਥੇ ਹੀ ਹੁਣ ਕੁੱਝ ਅਜਿਹਾ ਹੋ ਗਿਆ ਹੈ ਕਿ ਹਿਮੇਸ਼ ਰੇਸ਼ਮੀਆ ਉਸੇ ਰਾਨੂੰ ਮੰਡਲ ਤੇ ਸਵਾਲ ਸੁਣਦੇ ਹੀ ਨਾਰਾਜ਼ ਹੋ ਗਏ। ਦਰਅਸਲ ਹਿਮੇਸ਼ ਮੁੰਬਈ ਦੀ ਇਕ ਈਵੈਂਟ ਵਿਚ ਲਾਈਵ ਪਰਫਾਰਮੇਂਸ ਦੇਣ ਲਈ ਪਹੁੰਚੇ ਸਨ। ਇਕ ਮੀਡੀਆ ਰਿਪੋਰਟ ਮੁਤਾਬਕ ਇਸ ਦੌਰਾਨ ਉਹਨਾਂ ਤੋਂ ਉੱਥੇ ਮੌਜੂਦ ਮੀਡੀਆ ਨੇ ਰਾਨੂੰ ਨੂੰ ਲੈ ਕੇ ਸਵਾਲ ਕੀਤਾ ਤਾਂ ਹਿਮੇਸ਼ ਤੁਰੰਤ ਬੋਲ ਪਏ ਕਿ ਉਹ ਉਹਨਾਂ ਦੇ ਮੈਨੇਜਰ ਨਹੀਂ ਹਨ ਜੋ ਤੁਸੀਂ ਉਹਨਾਂ ਬਾਰੇ ਉਹਨਾਂ ਤੋਂ ਪੁੱਛ ਰਹੇ ਹੋ।
ਹਿਮੇਸ਼ ਨੇ ਕਿਹਾ ਕਿ ਉਹਨਾਂ ਨੇ ਇੰਡਸਟ੍ਰੀ ਵਿਚ ਬ੍ਰੇਕ ਸਿਰਫ ਰਾਨੂੰ ਨੂੰ ਨਹੀਂ ਬਲਕਿ ਕਈ ਸਾਰੇ ਸਟਾਰਸ ਨੂੰ ਦਿੱਤਾ ਹੈ। ਜਿਵੇਂ ਕਿ ਆਇਰਨ, ਦਰਸ਼ਨ, ਸ਼ੈਸਨ, ਪਲਕ ਮੁੱਛਲ। ਹਾਲਾਂਕਿ ਹਿਮੇਸ਼ ਨੇ ਰਾਨੂੰ ਦੀ ਤਾਰੀਫ ਵੀ ਕੀਤੀ। ਹਿਮੇਸ਼ ਨੂੰ ਪੁਛਿਆ ਗਿਆ ਕਿ ਕੀ ਰਾਨੂੰ ਤੁਹਾਡੇ ਕਿਸੇ ਆਉਣ ਵਾਲੇ ਪ੍ਰੋਜੈਕਟ ਦਾ ਹਿੱਸਾ ਹੋ ਸਕਦੀ ਹੈ। ਇਸ ਤੇ ਹਿਮੇਸ਼ ਨੇ ਕਿਹਾ ਕਿ ਉਹਨਾਂ ਦਾ ਗਾਣਾ ਕਾਫੀ ਵਧੀਆ ਹੈ।
ਉਹ ਕਈ ਹੋਰ ਮਿਊਜ਼ਿਕ ਡਾਇਰੈਕਟਰਸ ਅਤੇ ਪ੍ਰੋਡਿਊਸਰਸ ਨਾਲ ਗੱਲ ਕਰਨਗੇ ਕਿ ਰਾਨੂੰ ਨੂੰ ਇੰਡਸਟਰੀ ਵਿਚ ਕੰਮ ਮਿਲੇ ਕਿਉਂ ਕਿ ਉਹਨਾਂ ਦੀ ਆਵਾਜ਼ ਬਹੁਤ ਸ਼ਾਨਦਾਰ ਹੈ। ਇਸ ਤੋਂ ਇਲਾਵਾ ਹਿਮੇਸ਼ ਨੇ ਰਾਨੂੰ ਦੀ ਟ੍ਰੋਲਿੰਗ ਤੇ ਵੀ ਰਿਐਕਸ਼ਨ ਦਿੱਤਾ। ਹਿਮੇਸ਼ ਨੇ ਇਸ ਸਵਾਲ ਦੇ ਜਵਾਬ ਵਿਚ ਕਿਹਾ ਕਿ ਬੀਤੇ ਕੁੱਝ ਸਮੇਂ ਤੋਂ ਉਹਨਾਂ ਦੀ ਕੋਈ ਟ੍ਰੋਲਿੰਗ ਨਹੀਂ ਹੋਈ।
ਰਾਨੂੰ ਦੀ ਸੈਲਫੀ ਵੀਡੀਉ ਵਾਲੀ ਟ੍ਰੋਲਿੰਗ ਬਾਰੇ ਉਹ ਜਾਣਦੇ ਹਨ ਪਰ ਇਸ ਤੇ ਉਹਨਾਂ ਨੂੰ ਨਾ ਪੁੱਛਿਆ ਜਾਵੇ ਬਲਕਿ ਰਾਨੂੰ ਤੋਂ ਜਵਾਬ ਮੰਗਿਆ ਜਾਵੇ। ਦਸ ਦਈਏ ਕਿ ਹਿਮੇਸ਼ ਰਾਨੂੰ ਦੀ ਉਸ ਵੀਡੀਉ ਬਾਰੇ ਗੱਲ ਕਰ ਰਹੇ ਹਨ ਜਿਸ ਵਿਚ ਰਾਨੂੰ ਇਕ ਔਰਤ ਫੈਨ ਤੇ ਇਸ ਲਈ ਭੜਕ ਗਈ ਸੀ ਕਿਉਂ ਕਿ ਉਸ ਨੇ ਰਾਨੂੰ ਨੂੰ ਮੋਢੇ ਤੇ ਹੱਥ ਰੱਖ ਕੇ ਉਹਨਾਂ ਨਾਲ ਸੈਲਫੀ ਲੈਣ ਦੀ ਰਿਕੁਐਸਟ ਕੀਤੀ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।