ਤੁਰਕੀ ਵਿਚ ਹੋਵੇਗਾ ਵਿਆਹ
ਨਵੀਂ ਦਿੱਲੀ: ਟੀਐਮਸੀ ਦੀ ਨਵੀਂ ਸੰਸਦ ਮੈਂਬਰ ਅਤੇ ਬੰਗਾਲੀ ਫ਼ਿਲਮਾਂ ਦੀ ਅਦਾਕਾਰਾ ਨੁਸਰਤ ਜਹਾਂ ਜਲਦ ਹੀ ਕੋਲਕਾਤਾ ਦੇ ਕਾਰੋਬਾਰੀ ਨਿਖਿਲ ਜੈਨ ਨਾਲ ਵਿਆਹ ਕਰਵਾਉਣ ਵਾਲੀ ਹੈ। ਉਹਨਾਂ ਦਾ ਵਿਆਹ ਤੁਰਕੀ ਦੇ ਬੋਡਰਮ ਵਿਚ ਹੋਵੇਗਾ। ਨੁਸਰਤ ਕੁੱਝ ਮਹੀਨੇ ਪਹਿਲਾਂ ਚਰਚਾ ਵਿਚ ਉਦੋਂ ਆਈ ਸੀ ਜਦੋਂ ਟੀਐਮਸੀ ਨੇ ਉਹਨਾਂ ਨੂੰ ਲੋਕ ਸਭਾ ਦੀ ਟਿਕਟ ਦਿੱਤੀ ਸੀ। ਨੁਸਰਤ ਟੀਐਮਸੀ ਦੀ ਟਿਕਟ 'ਤੇ ਬਸ਼ੀਰਹਾਟ ਲੋਕ ਸਭਾ ਸੀਟ ਤੋਂ ਚੋਣਾਂ ਜਿੱਤ ਕੇ ਸੰਸਦ ਪਹੁੰਚੀ ਹੈ।
ਇਸ ਸੀਟ 'ਤੇ ਉਹਨਾਂ ਦਾ ਮੁਕਾਬਲਾ ਭਾਜਪਾ ਦੇ ਸਯੰਤਨ ਬਸੁ ਅਤੇ ਕਾਂਗਰਸ ਦੇ ਕਾਜੀ ਅਬਦੁਲ ਰਹੀਮ ਨਾਲ ਸੀ। ਮੀਡੀਆ ਰਿਪੋਰਟਸ ਮੁਤਾਬਕ ਨੁਸਰਤ ਦਾ ਪਰਵਾਰ 16 ਜੂਨ ਨੂੰ ਤੁਰਕੀ ਲਈ ਰਵਾਨਾ ਹੋਵੇਗਾ। ਨੁਸਰਤ ਦੇ ਵਿਆਹ ਦੀਆਂ ਰਸਮਾਂ ਤੁਰਕੀ ਦੇ ਇੰਸਤਾਨਬੁਲ ਵਿਚ ਹੋਣਗੀਆਂ। 17 ਜੂਨ ਨੂੰ ਪ੍ਰੀਵੈਡਿੰਗ ਫ਼ੰਕਸ਼ਨ ਹੋਵੇਗਾ। ਉਹਨਾਂ ਦਾ ਵਿਆਹ ਬੰਗਾਲੀ ਰੀਤੀ ਰਿਵਾਜ਼ਾਂ ਅਨੁਸਾਰ ਕੀਤਾ ਜਾਵੇਗਾ। ਨੁਸਰਤ ਜਹਾਂ ਦੇ ਵਿਆਹ ਵਿਚ ਟਾਲੀਵੁੱਡ ਦੇ ਸਿਤਾਰੇ ਵੀ ਸ਼ਾਮਲ ਹੋਣਗੇ।
ਨੁਸਰਤ ਦਾ ਜਨਮ ਪੱਛਮ ਬੰਗਾਲ ਦੇ ਕੋਲਕਾਤਾ ਵਿਚ 8 ਫਰਵਰੀ 1990 ਨੂੰ ਹੋਇਆ ਸੀ। ਨੁਸਰਤ ਨੇ ਸਾਲ 2010 ਵਿਚ ਫੇਅਰ ਵਨ ਮਿਸ ਕੋਲਕਾਤਾ ਬਿਊਟੀ ਕਾਨਟੈਸਟ ਦਾ ਖ਼ਿਤਾਬ ਅਪਣੇ ਨਾਮ ਕੀਤਾ ਸੀ। ਇਸ ਤੋਂ ਬਾਅਦ ਉਹ ਮਾਡਲਿੰਗ ਦੇ ਖੇਤਰ ਵਿਚ ਚਲੀ ਗਈ। ਸਿਨੇਮਾ ਤੋਂ ਬਾਅਦ ਹੁਣ ਸਿਆਸਤ ਵਿਚ ਵੀ ਨੁਸਰਤ ਨੇ ਦਮਦਾਰ ਐਂਟਰੀ ਕੀਤੀ ਹੈ।
ਨੁਸਰਤ ਨੂੰ ਚੋਣਾਂ ਵਿਚ 7,82,078 ਵੋਟਾਂ ਮਿਲੀਆਂ ਸਨ। ਇਹ ਵੋਟਾਂ 56 ਫ਼ੀਸਦੀ ਹਨ। ਭਾਜਪਾ ਦੇ ਉਮੀਦਵਾਰ ਸਯੰਤਨ ਬਸੁ ਨੂੰ 4,31,709 ਵੋਟਾਂ ਮਿਲੀਆਂ ਸਨ। ਨੁਸਰਤ ਨੇ ਬਾਲੀਵੁੱਡ ਵੀ ਬਹੁਤ ਨਾਮ ਕਮਾਇਆ ਹੈ।
