ਸੈਫ ਅਲੀ ਖਾਨ ਨੇ ਕਿਸੇ ਹੋਰ ਜੋੜੀ ਨੂੰ ਬੈਸਟ ਜੋੜਾ ਦੱਸਿਆ
ਮੁੰਬਈ- ਅੱਜ ਦੇ ਸਮੇਂ ਵਿਚ ਜੇਕਰ ਬਾਲੀਵੁੱਡ ਦੀ ਸਭ ਤੋਂ ਮਸ਼ਹੂਰ ਜੋੜੀ ਦੀ ਗੱਲ ਕਰੀਏ ਤਾਂ ਸਭ ਤੋਂ ਪਹਿਲਾਂ ਨਾਮ ਸੈਫ ਅਲੀ ਖਾਨ ਅਤੇ ਕਰੀਨਾ ਕਪੂਰ ਖਾਨ ਦਾ ਆਉਂਦਾ ਹੈ, ਪਰ ਇਸੇ ਜੋੜੀ ਦੇ ਮੈਂਬਰ ਸੈਫ ਅਲੀ ਖਾਨ ਨੇ ਕਿਸੇ ਹੋਰ ਜੋੜੀ ਨੂੰ ਬੈਸਟ ਜੋੜਾ ਦੱਸਿਆ ਹੈ। ਦੱਸ ਦਈਏ ਸੈਫ ਅਲੀ ਖਾਨ ਅਤੇ ਕਰੀਨਾ ਕਪੂਰ ਖਾਨ ਬਾਲੀਵੁੱਡ ਇੰਡਸਟਰੀ ਦੀ ਪਾਵਰ ਜੋੜਿਆਂ ਵਿਚੋਂ ਇਕ ਹਨ।
ਉਨ੍ਹਾਂ ਦੀ ਜੋੜੀ ਨੂੰ ਬਹੁਤ ਪਸੰਦ ਕੀਤਾ ਗਿਆ ਹੈ। ਉਹ ਦੋਵੇਂ ਆਪਣੇ ਪ੍ਰਸ਼ੰਸਕਾਂ ਨੂੰ ਪਿਆਰ ਨਾਲ ਹੈਰਾਨ ਕਰਨ ਅਤੇ ਪ੍ਰੇਰਿਤ ਕਰਨ ਦਾ ਕੋਈ ਵੀ ਮੌਕਾ ਨਹੀਂ ਗੁਆਉਂਦੇ। ਜਦੋਂ ਕਿ ਲੋਕਾਂ ਨੇ ਹਮੇਸ਼ਾ ਤੋਂ ਹੀ ਉਨ੍ਹਾਂ ਦੀ ਉਮਰ ਦੇ ਅੰਤਰ ਨੂੰ ਲੈ ਕੇ ਕਾਫੀ ਸਵਾਲ ਚੁੱਕੇ ਹਨ। ਇਨ੍ਹਾਂ ਦੋਵਾਂ ਨੇ ਆਪਣੇ ਵਿਚਕਾਰ ਦੇ ਰਿਸ਼ਤੇ ਤੋਂ ਲੋਕਾਂ ਨੂੰ ਗਲਤ ਸਾਬਿਤ ਕੀਤਾ ਹੈ। ਪਰ ਹੁਣ ਸੈਫ ਨੇ ਆਪਣੀ ਮਨਪਸੰਦ ਜੋੜੀ ਦਾ ਖੁਲਾਸਾ ਕੀਤਾ ਹੈ।
ਇਹ ਗੱਲ ਉਨ੍ਹਾਂ ਨੇ ਕਿਸੇ ਹੋਰ ਨੂੰ ਨਹੀਂ ਬਲਕਿ ਆਪਣੀ ਪਤਨੀ ਦੇ ਨਾਲ ਉਸੀ ਦੇ ਚੈਟ ਸ਼ੋਅ ਦੇ ਦੌਰਾਨ ਦੱਸੀ ਹੈ। ਹਾਲ ਹੀ ਵਿੱਚ ਸੈਫ ਅਲੀ ਖਾਨ ਤੋਂ ਕਰੀਨਾ ਕਪੂਰ ਨੇ ਆਪਣੇ ਚੈਟ ਸ਼ੋਅ 'ਵਟ ਵੂਮੈਨ ਵਾਂਟ 2' ‘ਤੇ ਗੱਲਬਾਤ ਕਰਦੇ ਹੋਏ ਇੰਡਸਟਰੀ ਦੀ ਸਭ ਤੋਂ ਸਰਬੋਤਮ ਜੋੜੀ ਬਾਰੇ ਪੁੱਛਿਆ, ਕਿ ਉਹ ਕਿਹੜੀ ਜੋੜੀ ਹੈ, ਜਿਸ ਨੂੰ ਦੇਖ ਕੇ ਉਨ੍ਹਾਂ ਨੂੰ ਇਹ ਲਗਦਾ ਹੈ ਕਿ ਇਸ ਨੂੰ ਸਭ ਤੋਂ ਪਿਆਰੀ ਅਤੇ ਸ਼ਾਨਦਾਰ ਜੋੜੀ ਕਿਹਾ ਜਾ ਸਕਦਾ ਹੈ।
ਇਸ 'ਤੇ ਸੈਫ ਨੇ ਵਿਰਾਟ ਕੋਹਲੀ ਅਤੇ ਅਨੁਸ਼ਕਾ ਸ਼ਰਮਾ ਦਾ ਨਾਮ ਲੈਂਦੇ ਹੋਏ ਕਿਹਾ, ਵਿਰਾਟ ਕੋਹਲੀ ਅਤੇ ਅਨੁਸ਼ਕਾ ਸ਼ਰਮਾ ਦੀ ਜੋੜੀ ਬੈਸਟ ਜੋੜੀ ਹੈ। ਉਹ ਕਹਿੰਦਾ ਹੈ ਕਿ ਮਸ਼ਹੂਰ ਜੋੜਿਆਂ ਲਈ ਇਹ ਕਾਫੀ ਮੁਸ਼ਕਲ ਹੈ ਕਿ ਉਹ ਇੰਨੀ ਪ੍ਰਸਿੱਧੀ ਹਾਸਲ ਕਰਨ ਦੇ ਬਾਵਜੂਦ ਵੀ ਇਕ-ਦੂਜੇ ਦੇ ਨਾਲ ਬਣੇ ਰਹਿਣ। ਪਰ ਮੈਨੂੰ ਲੱਗਦਾ ਹੈ ਕਿ ਮੇਰੇ ਮਾਪੇ ਦੀ ਤਰ੍ਹਾਂ ਵਿਰਾਟ ਅਤੇ ਅਨੁਸ਼ਕਾ ਇਨ੍ਹਾਂ ਚੀਜ਼ਾਂ ਦਾ ਚੰਗੀ ਤਰ੍ਹਾਂ ਪ੍ਰਬੰਧ ਕਰਦੇ ਹਨ'।
ਦਰਅਸਲ, ਸੈਫ ਅਲੀ ਖਾਨ ਦੇ ਪਿਤਾ ਮਨਸੂਰ ਅਲੀ ਖਾਨ ਪਟੌਦੀ ਬਹੁਤ ਮਸ਼ਹੂਰ ਕ੍ਰਿਕਟਰ ਸਨ। ਜਦੋਂ ਕਿ ਉਸ ਦੀ ਮਾਂ ਸ਼ਰਮੀਲਾ ਟੈਗੋਰ ਬਾਲੀਵੁੱਡ ਫਿਲਮ ਇੰਡਸਟਰੀ ਦੀ ਬਹੁਤ ਮਸ਼ਹੂਰ ਅਦਾਕਾਰਾ ਰਹੀ ਹੈ। ਇਸ ਦੌਰਾਨ ਕਰੀਨਾ ਕਪੂਰ ਨੇ ਵੀ ਸੈਫ ਦਾ ਮਜ਼ਾਕ ਉਡਾਉਂਦਿਆਂ ਕਿਹਾ। ਕਰੀਨਾ ਨੇ ਸ਼ਿਕਾਇਤ ਕੀਤੀ ਕਿ ਉਸਨੇ ਕਰੀਨਾ ਅਤੇ ਆਪਣਾ ਨਾਮ ਕਿਉਂ ਨਹੀਂ ਲਿੱਤਾ। ਕਿਉਂਕਿ ਇਹ ਜੋੜੀ ਵੀ ਬਹੁਤ ਮਸ਼ਹੂਰ ਹੈ। ਸੈਫ ਨੇ ਕਿਹਾ ਕਿ ਜੇ ਤੁਸੀਂ ਮੈਨੂੰ ਪੁੱਛੋਗੇ ਤਾਂ ਮੇਰਾ ਜਵਾਬ ਉਹੀ ਹੋਵੇਗਾ। ਕਿਉਂਕਿ ਮੈਂ ਉਨ੍ਹਾਂ ਨੂੰ ਸਭ ਤੋਂ ਵਧੀਆ ਜੋੜੀ ਮੰਨਦਾ ਹਾਂ।