ਕੰਗਨਾ ਰਨੌਤ ਦੀ ਫਿਲਮ ‘ਮਣੀਕਰਣਿਕਾ’ ਅਗਲੇ ਸਾਲ 25 ਜਨਵਰੀ ਨੂੰ ਰਿਲੀਜ਼.....

ਮੁੰਬਈ (ਭਾਸ਼ਾ): ਕੰਗਨਾ ਰਨੌਤ ਦੀ ਫਿਲਮ ‘ਮਣੀਕਰਣਿਕਾ’ ਅਗਲੇ ਸਾਲ 25 ਜਨਵਰੀ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ ਰਿਲੀਜ਼ ਤੋਂ ਪਹਿਲਾਂ ਹੀ ਵਿਵਾਦਾਂ ਵਿਚ ਫਸਦੀ ਨਜ਼ਰ ਆ ਰਹੀ ਹੈ। ਅਦਾਕਾਰਾ ਐਡੀ ਵਾਚ ਇੰਚ ਨੇ ਨਿਰਮਾਤਾਵਾਂ ਉਤੇ ਫੀਸ ਦਾ ਪੂਰਾ ਭੁਗਤਾਨ ਨਹੀਂ ਕਰਨ ਦਾ ਇਲਜ਼ਾਮ ਲਗਾਇਆ ਹੈ। ਫਿਲਮ ਵਿਚ ਕੰਗਨਾ ਲੀਡ ਰੋਲ ਵਿਚ ਹੈ ਅਤੇ ਝਾਂਸੀ ਦੀ ਰਾਣੀ ਲਕਸ਼ਮੀਬਾਈ ਦੀ ਭੂਮਿਕਾ ਨਿਭਾ ਰਹੀ ਹੈ।

Kangana Ranaut

ਫਿਲਮ ਦਾ ਪ੍ਰੋਡਕਸ਼ਨ ਜੀ ਸਟੂਡਿਓ ਨੇ ਕਮਲ ਜੈਨ ਅਤੇ ਨਿਸ਼ਾਂਤ ਜੈਨ ਦੇ ਨਾਲ ਮਿਲ ਕੇ ਕੀਤਾ ਹੈ। ਅਦਾਕਾਰਾ ਵਾਚ ਇੰਚ ਨੇ ਫਿਲਮ ਵਿਚ ਅੰਗ੍ਰੇਜ ਅਫ਼ਸਰ ਦੀ ਭੂਮਿਕਾ ਨਿਭਾਈ ਹੈ। ਫਿਲਮ ਦਾ ਟ੍ਰੇਲਰ ਮੰਗਲਵਾਰ ਨੂੰ ਰਿਲੀਜ਼ ਕੀਤਾ ਗਿਆ ਅਤੇ ਇਹ ਦੇਖਦੇ ਹੀ ਦੇਖਦੇ ਯੂਟਿਊਬ ਉਤੇ ਵਾਇਰਲ ਹੋ ਗਿਆ। ਅਦਾਕਾਰਾ ਵਾਚ ਨੇ ਸੋਸ਼ਲ ਮੀਡੀਆ ਉਤੇ ਅਪਣੀ ਨਿਰਾਸ਼ਾ ਪ੍ਰਗਟ ਕੀਤੀ। ਉਨ੍ਹਾਂ ਨੇ ਇਕ ਟਵੀਟ ਕਰਕੇ ਲਿਖਿਆ, ਅੱਜ ਮਣੀਕਰਣਿਕਾ ਦਾ ਟ੍ਰੇਲਰ ਰਿਲੀਜ਼ ਕੀਤਾ ਗਿਆ।

Kangana Ranaut

ਮੈਨੂੰ ਹੁਣ ਵੀ ਪ੍ਰੋਡਕਸ਼ਨ ਹਾਊਸ ਵਲੋਂ ਅਪਣੇ ਕੰਮ ਲਈ ਪੂਰਾ ਪੈਸਾ ਨਹੀਂ ਦਿਤਾ ਗਿਆ ਹੈ। ਹਾਲਾਂਕਿ ਬਾਅਦ ਵਿਚ ਵਾਚ ਨੇ ਅਪਣਾ ਇਹ ਟਵੀਟ ਸੋਸ਼ਲ ਮੀਡੀਆ ਤੋਂ ਹਟਾ ਵੀ ਲਿਆ।