ਬਾਲੀਵੁਡ ਦੇ ਭਾਈਜਾਨ ਸਲਮਾਨ ਖ਼ਾਨ ਇਨ੍ਹਾਂ ਦਿਨੀਂ ਮਾਲਟਾ ਵਿਚ ਆਪਣੀ ਫ਼ਿਲਮ 'ਭਾਰਤ' ਦੀ ਸ਼ੂਟਿੰਗ ਵਿਚ ਰੁੱਝੇ ਹੋਏ ਹਨ। ਉਨ੍ਹਾਂ ਦੇ ਇਲਾਵਾ ਇਸ ......
ਬਾਲੀਵੁਡ ਦੇ ਭਾਈਜਾਨ ਸਲਮਾਨ ਖ਼ਾਨ ਇਨ੍ਹਾਂ ਦਿਨੀਂ ਮਾਲਟਾ ਵਿਚ ਆਪਣੀ ਫ਼ਿਲਮ 'ਭਾਰਤ' ਦੀ ਸ਼ੂਟਿੰਗ ਵਿਚ ਰੁੱਝੇ ਹੋਏ ਹਨ। ਉਨ੍ਹਾਂ ਦੇ ਇਲਾਵਾ ਇਸ ਫ਼ਿਲਮ ਵਿਚ ਅਦਾਕਾਰਾ ਕੈਟਰੀਨਾ ਕੈਫ਼, ਦਿਸ਼ਾ ਪਟਾਨੀ ਅਤੇ ਨੋਰਾ ਫਤੇਹੀ ਵੀ ਮੌਜੂਦ ਹਨ। ਪਰ ਇੰਝ ਜਾਪਦਾ ਹੈ ਕਿ ਸਲਮਾਨ ਤਾਂ ਆਪਣਾ ਵਧੇਰੇ ਸਮਾਂ ਆਪਣੀ ਪਿਆਰੀ ਮਾਂ ਨੂੰ ਦੇ ਰਹੇ ਹਨ। ਹਾਲ ਹੀ ਵਿਚ ਸਲਮਾਨ ਦੇ ਜੀਜੇ ਅਤੁੱਲ ਅਗਨੀਹੋਤਰੀ ਨੇ ਸਲਮਾਨ ਦੀ ਇਕ ਫੋਟੋ ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਹੈ। ਇਸ ਫੋਟੋ ਵਿਚ ਸਲਮਾਨ ਅਤੇ ਉਨ੍ਹਾਂ ਦੀ ਮਾਂ ਆਮਨੇ - ਸਾਹਮਣੇ ਬੈਠੇ ਹਨ।
With the love of my life pic.twitter.com/bHHSALxAE6
— Salman Khan (@BeingSalmanKhan) August 12, 2018
ਉਨ੍ਹਾਂ ਦੀ ਮਾਂ ਸਲਮਾ ਖਾਨ ਨੇ ਇਕ ਚਸ਼ਮਾ ਲਾਇਆ ਹੋਇਆ ਹੈ ਜਿਸ ਵਿਚ ਸਲਮਾਨ ਦਾ ਚਿਹਰਾ ਸਾਫ਼ ਨਜ਼ਰ ਆ ਰਿਹਾ ਹੈ। ਇਸ ਫੋਟੋ ਨੂੰ ਅਤੁੱਲ ਨੇ ਕੈਪਸ਼ਨ ਦਿੱਤਾ ਹੈ - 'ਮਾਂ ਦੀਆਂ ਅੱਖਾਂ ਦਾ ਤਾਰਾ'। ਇਹ ਫੋਟੋ ਤੇਜੀ ਨਾਲ ਵਾਇਰਲ ਹੋ ਰਹੀ ਹੈ ਜਿਸ ਨੂੰ ਸਲਮਾਨ ਦੇ ਫੈਂਸ ਬਹੁਤ ਪਸੰਦ ਕਰ ਰਹੇ ਹਨ। ਇਸ ਫੋਟੋ ਵਿਚ ਸਲਮਾਨ ਦੀ ਮਾਂ ਦਾ ਸਵੈਗ ਆਪਣੇ ਬੇਟੇ ਤੋਂ ਘੱਟ ਨਹੀਂ ਹੈ। ਉਨ੍ਹਾਂ ਦਾ ਇਹ ਅੰਦਾਜ ਵੇਖ ਫੈਂਸ ਉਨ੍ਹਾਂ ਦੇ ਵੀ ਦੀਵਾਨੇ ਹੋ ਗਏ ਹਨ। ਕੁੱਝ ਵਕਤ ਪਹਿਲਾਂ ਵੀ ਸਲਮਾਨ ਖਾਨ ਨੇ ਇਕ ਵੀਡੀਓ ਸ਼ੇਅਰ ਕੀਤਾ ਸੀ।
Yeh bandhan toh .. pyaar ka bandhan hai #Bharat pic.twitter.com/5pM9eF93SE
— Salman Khan (@BeingSalmanKhan) August 20, 2018
ਜਿਸ ਵਿਚ ਉਹ ਆਪਣੀ ਮਾਂ ਦੇ ਨਾਲ ਮਾਲਟਾ ਦੀਆਂ ਗਲੀਆਂ ਵਿਚ ਘੁੰਮਦੇ ਵਿਖੇ ਸਨ। ਇਸ ਵੀਡੀਓ ਵਿਚ ਸਲਮਾਨ ਕਿਸੇ ਬੱਚੇ ਦੀ ਤਰ੍ਹਾਂ ਹੀ ਆਪਣੀ ਮਾਂ ਦਾ ਹੱਥ ਫੜੇ ਹੋਏ ਸਨ। ਇਸਦੇ ਇਲਾਵਾ ਵੀ ਸਲਮਾਨ ਨੇ ਸਲਮਾ ਖਾਨ ਦੇ ਨਾਲ ਇਕ ਫੋਟੋ ਸ਼ੇਅਰ ਕਰਦੇ ਹੋਏ ਲਿਖਿਆ ਸੀ - 'ਮੇਰੀ ਜਿੰਦਗੀ ਦਾ ਅਸਲੀ ਪਿਆਰ'। ਤੁਹਾਨੂੰ ਦੱਸ ਦਈਏ ਕਿ ਸਲਮਾਨ ਆਪਣੀ ਮਾਂ ਦੇ ਬੇਹੱਦ ਕਰੀਬ ਹਨ ਅਤੇ ਇਹੀ ਵਜ੍ਹਾ ਹੈ ਕਿ 52 ਸਾਲ ਦੀ ਉਮਰ ਵਿਚ ਵੀ ਉਨ੍ਹਾਂ ਦੀਆਂ ਅੱਖਾਂ 'ਚ ਜੇ ਕਿਸੇ ਲਈ ਬੇਸ਼ੁਮਾਰ ਪਿਆਰ ਦਿਖਦਾ ਹੈ ਤਾਂ ਉਹ ਉਨ੍ਹਾਂ ਦੀ ਮਾਂ ਲਈ ਹੈ।
Ma ? Ma ki aankhon ka tara @beingsalmankhan @bharat_thefilm pic.twitter.com/nzGUAF7Qs8
— Atul Agnihotri (@atulreellife) August 23, 2018
ਦੱਸ ਦਈਏ ਕਿ ਡਾਇਰੇਕਟਰ ਅਲੀ ਅੱਬਾਸ ਜ਼ਫਰ ਦੀ ਫ਼ਿਲਮ ‘ਭਾਰਤ’ ਕੋਰਿਅਨ ਫ਼ਿਲਮ ‘ਏਨ ਓਡ ਟੁ ਮਾਏ ਫਾਦਰ’ ਦੀ ਅਧਿਕਾਰਿਕ ਰੀਮੇਕ ਹੈ। ਇਸ ਫ਼ਿਲਮ ਵਿਚ ਸਲਮਾਨ ਖਾਨ ਦੇ 18 ਸਾਲ ਤੋਂ ਲੈ ਕੇ 65 ਸਾਲ ਤੱਕ ਦੀ ਉਮਰ ਦੇ ਵੱਖ - ਵੱਖ ਕਿਰਦਾਰ ਨਜ਼ਰ ਆਉਣਗੇ। ਇਨ੍ਹਾਂ ਕਿਰਦਾਰਾਂ ਦੇ ਜ਼ਰਿਏ 1947 ਤੋਂ 2000 ਤੱਕ ਦੇ ਬਦਲਦੇ ਭਾਰਤ ਦੀ ਤਸਵੀਰ ਫ਼ਿਲਮ ਵਿਚ ਦੇਖਣ ਨੂੰ ਮਿਲੇਗੀ। ਫ਼ਿਲਮ ਵਿਚ ਸਲਮਾਨ ਖਾਨ ਦੇ ਇਲਾਵਾ ਕਟਰੀਨਾ ਕੈਫ , ਦਿਸ਼ਾ ਪਾਟਨੀ , ਤੱਬੂ , ਸੁਨੀਲ ਗਰੋਵਰ ਅਤੇ ਜੈਕੀ ਸ਼ਰਾਫ ਮੁੱਖ ਭੂਮਿਕਾਵਾਂ ਵਿਚ ਨਜ਼ਰ ਆਉਣਗੇ। ਫ਼ਿਲਮ ਨੂੰ ਸਲਮਾਨ ਖਾਨ ਦੀ ਭੈਣ ਅਲਵੀਰਾ ਅਤੇ ਅਤੁੱਲ ਅਗਨੀਹੋਤਰੀ ਪ੍ਰੋਡਿਊਸ ਕਰ ਰਹੇ ਹਨ। ਫ਼ਿਲਮ 2019 ਵਿਚ ਈਦ ਦੇ ਮੌਕੇ ਉੱਤੇ ਰਿਲੀਜ ਹੋਣੀ ਹੈ, ਇਸਲਈ ਇਹ ਉਨ੍ਹਾਂ ਦੇ ਫੈਨਜ਼ ਲਈ ਈਦ ਦਾ ਤੌਹਫ਼ਾ ਹੋਵੇਗੀ।
