ਸੰਨੀ ਦਿਓਲ ਬਾਰੇ ਕੁਝ ਉਹ ਗੱਲਾਂ ਜਿਨ੍ਹਾਂ ਬਾਰੇ ਹਰ ਕਿਸੇ ਨੂੰ ਨਹੀਂ ਪਤਾ
ਮੁੰਬਈ- ਬਾਲੀਵੁੱਡ ਫ਼ਿਲਮਾਂ ਤੋਂ ਬਾਅਦ ਸੰਨੀ ਦਿਓਲ ਸਿਆਸੀ ਪਾਰੀ ਵਿਚ ਆਪਣੀ ਕਿਸਮਤ ਅਜਮਾ ਰਹੇ ਹਨ। ਸੰਨੀ ਦਿਓਲ ਤੋਂ ਪਹਿਲਾਂ ਉਹਨਾਂ ਦੇ ਪਰਿਵਾਰ ਵਿਚੋਂ ਉਹਨਾਂ ਦੇ ਪਿਤਾ ਧਰਮਿੰਦਰ ਅਤੇ ਮਤਰੇਈ ਮਾਂ ਹੇਮਾ ਮਾਲਿਨੀ ਭਾਜਪਾ ਤੋਂ ਚੋਣ ਲੜ ਚੁੱਕੇ ਹਨ। ਸੰਨੀ ਦਾ ਜਨਮ 19 ਅਕਤੂਬਰ 1956 ਨੂੰ ਪੰਜਾਬ ਵਿਚ ਹੋਇਆ ਸੀ।
Sunny Deol
ਸੰਨੀ ਦਿਓਲ ਦਾ ਅਸਲੀ ਨਾਂ ਅਜੈ ਸਿੰਘ ਦਿਓਲ ਹੈ। ਛੋਟੇ ਹੁੰਦੇ ਅਜੈ ਸਿੰਘ ਦਿਓਲ ਨੂੰ ਸੰਨੀ ਦਿਓਲ ਕਿਹਾ ਜਾਂਦਾ ਸੀ ਇਸ ਲਈ ਫ਼ਿਲਮਾਂ ਵਿਚ ਵੀ ਉਹਨਾਂ ਦਾ ਨਾਂ ਸੰਨੀ ਦਿਓਲ ਮਸ਼ਹੂਰ ਹੋ ਗਿਆ।
Sunny Deol
ਸੰਨੀ ਦਿਓਲ ਪ੍ਰਕਾਸ਼ ਕੌਰ ਤੇ ਧਰਮਿੰਦਰ ਦਾ ਬੇਟਾ ਹੈ ਜਦੋਂ ਕਿ ਹੇਮਾ ਮਾਲਿਨੀ ਸੰਨੀ ਦੀ ਮਤਰੇਈ ਮਾਂ ਹੈ। ਸੰਨੀ ਨੇ ਬੇਤਾਬ ਫ਼ਿਲਮ ਨਾਲ 1982 ਵਿਚ ਬਾਲੀਵੁੱਡ ਵਿਚ ਕਦਮ ਰੱਖਿਆ ਸੀ। ਇਸ ਫ਼ਿਲਮ ਵਿਚ ਉਹਨਾਂ ਦੇ ਨਾਲ ਅੰਮ੍ਰਿਤਾ ਸਿੰਘ ਨੇ ਕੰਮ ਕੀਤਾ ਸੀ। ਸੰਨੀ ਦਿਓਲ ਦਾ ਬਾਲੀਵੁੱਡ ਵਿਚ ਸਿੱਕਾ ਚੱਲਦਾ ਹੈ।
Sunny Deol
ਉਹਨਾਂ ਨੂੰ ਦੋ ਵਾਰ ਕੌਮੀ ਅਵਾਰਡ ਮਿਲ ਚੁੱਕਿਆ ਹੈ। ਪਹਿਲਾ ਕੌਮੀ ਅਵਾਰਡ ਉਹਨਾਂ ਨੂੰ 1990 ਵਿਚ 'ਘਾਇਲ' ਫ਼ਿਲਮ ਲਈ ਮਿਲਿਆ ਸੀ ਜਦੋਂ ਕਿ ਦੂਜਾ ਅਵਾਰਡ ਉਹਨਾਂ ਨੂੰ 1993 ਵਿਚ 'ਦਾਮਿਨੀ' ਫ਼ਿਲਮ ਲਈ ਮਿਲਿਆ ਸੀ। ਸੰਨੀ ਦਿਓਲ ਦੀ ਸਭ ਤੋਂ ਹਿੱਟ ਫ਼ਿਲਮ 'ਗਦਰ ਏਕ ਪ੍ਰੇਮ ਕਥਾ' ਸੀ। ਇਸ ਫ਼ਿਲਮ ਨੇ ਸਾਰੇ ਰਿਕਾਰਡ ਤੋੜ ਦਿੱਤੇ ਸਨ।
Sunny Deol In Gadar Ek Prem Katha Movie
ਦਰਸ਼ਕਾਂ ਦੀ ਭੀੜ ਨੂੰ ਦੇਖਦੇ ਹੋਏ ਸਿਨੇਮਾ ਘਰਾਂ ਦੇ ਪ੍ਰਬੰਧਕਾਂ ਨੇ ਸਵੇਰ ਦੇ 6ਵਜੇ ਦਾ ਸ਼ੋਅ ਵੀ ਸ਼ੁਰੂ ਕਰ ਦਿੱਤਾ ਸੀ। ਸੰਨੀ ਦੇ ਪਰਿਵਾਰ ਦੀ ਗੱਲ ਕੀਤੀ ਜਾਵੇ ਤਾਂ ਉਹਨਾਂ ਨੇ ਪੂਜਾ ਦਿਓਲ ਨਾਲ ਵਿਆਹ ਕਰਵਾਇਆ ਹੈ। ਉਹਨਾਂ ਦੇ ਦੋ ਬੇਟੇ ਕਰਨ ਤੇ ਰਾਜਵੀਰ ਹਨ।
Sunny Deol With Son
ਸੰਨੀ ਦਿਓਲ ਦੀ ਫ਼ਿਲਮ 'ਦਾਮਿਨੀ' ਵੀ ਸੁਪਰ ਹਿੱਟ ਫ਼ਿਲਮ ਰਹੀ ਹੈ। ਇਸ ਫ਼ਿਲਮ ਦੇ ਡਾਈਲੌਗ ਏਨੇਂ ਮਕਬੂਲ ਹੋਏ ਸਨ ਕਿ ਹਰ ਇੱਕ ਦੀ ਜ਼ੁਬਾਨ ਤੇ ਚੜ੍ਹ ਗਏ ਸਨ। ਸੰਨੀ ਦਿਓਲ ਨੇ ਹੁਣ ਤੱਕ ਬਾਲੀਵੁੱਡ 'ਚ 1੦੦ ਤੋਂ ਵੱਧ ਫ਼ਿਲਮਾਂ ਕੀਤੀਆਂ ਹਨ। ਦੱਸ ਦਈਏ ਕਿ ਸੰਨੀ ਦਿਓਲ ਗੁਰਦਾਸਪੁਰ ਤੋਂ ਭਾਜਪਾ ਦੇ ਉਮੀਦਵਾਰ ਹਨ।
