ਬਾਲੀਵੁਡ ਵਿਚ ਛੇਤੀ ਹੀ ਇਕ ਹੋਰ ਸਟਾਰ ਕਿਡ ਦੀ ਐਂਟਰੀ ਹੋਣ ਵਾਲੀ ਹੈ। ਭਾਰਤੀ ਸਿਨੇਮਾ ਦੀ ਮਸ਼ਹੂਰ ਅਦਾਕਾਰਾ ਪੂਨਮ ਢਿੱਲੋਂ ਦੇ ਬੇਟੇ ਵੀ ਹੁਣ ਫਿਲਮੀ ਦੁਨੀਆਂ ਵਿਚ ਅਪਣੀ...
ਮੁੰਬਈ : ਬਾਲੀਵੁਡ ਵਿਚ ਛੇਤੀ ਹੀ ਇਕ ਹੋਰ ਸਟਾਰ ਕਿਡ ਦੀ ਐਂਟਰੀ ਹੋਣ ਵਾਲੀ ਹੈ। ਭਾਰਤੀ ਸਿਨੇਮਾ ਦੀ ਮਸ਼ਹੂਰ ਅਦਾਕਾਰਾ ਪੂਨਮ ਢਿੱਲੋਂ ਦੇ ਬੇਟੇ ਵੀ ਹੁਣ ਫਿਲਮੀ ਦੁਨੀਆਂ ਵਿਚ ਅਪਣੀ ਲਾਠੀ ਆਜ਼ਮਾਉਣ ਆ ਰਹੇ ਹਨ। ਰਣਬੀਰ ਕਪੂਰ ਅਤੇ ਸੋਨਮ ਕਪੂਰ ਵਰਗੇ ਸਟਾਰ ਕਿਡਸ ਨੂੰ ਲਾਂਚ ਕਰਣ ਤੋਂ ਬਾਅਦ ਸੰਜੇ ਲੀਲਾ ਭੰਸਾਲੀ ਹੁਣ ਅਨਮੋਲ ਨੂੰ ਲਾਂਚ ਕਰਨ ਦੀ ਤਿਆਰੀ ਵਿਚ ਹਨ। ਸੰਜੇ ਲੀਲਾ ਭੰਸਾਲੀ ਮਸ਼ਹੂਰ ਅਦਾਕਾਰਾ ਪੂਨਮ ਢਿੱਲੋਂ ਅਤੇ ਪ੍ਰੋਡਿਊਸਰ ਅਸ਼ੋਕ ਠਾਕੇਰਿਆ ਦੇ ਬੇਟੇ ਅਨਮੋਲ ਠਾਕੇਰਿਆ ਨੂੰ ਬਾਲੀਵੁਡ ਵਿਚ ਲਾਂਚ ਕਰਨ ਜਾ ਰਹੇ ਹਨ। ਹਾਲਾਂਕਿ ਪ੍ਰੋਜੈਕਟ ਦਾ ਟਾਈਟਲ ਹੁਣੇ ਤੱਕ ਪੂਰੀ ਤਰ੍ਹਾਂ ਫਾਈਨਲ ਨਹੀਂ ਹੋਇਆ ਹੈ।
Poonam Dhillon
ਫਿਲਮ ਨਾਲ ਜੁਡ਼ੇ ਇਕ ਸੂਤਰ ਦੇ ਮੁਤਾਬਕ, ਸੰਜੇ ਲੀਲਾ ਭੰਸਾਲੀ ਪੂਨਮ ਢਿੱਲੋਂ ਅਤੇ ਅਸ਼ੋਕ ਠਾਕੇਰਿਆ ਦੇ ਬੇਟੇ ਅਨਮੋਲ ਨੂੰ ਇਕ ਵੱਡੀ ਲਾਂਚਿੰਗ ਦੇਣ ਜਾ ਰਹੇ ਹਨ। ਉਨ੍ਹਾਂ ਨੇ ਫਿਲਮ ਦੀ ਸ਼ੂਟਿੰਗ ਲੰਡਨ ਵਿਚ ਸ਼ੁਰੂ ਕਰ ਦਿਤੀ ਹੈ। ਹਾਲਾਂਕਿ ਫਿਲਮ ਲਈ ਲੀਡ ਅਦਾਕਾਰ ਦੀ ਤਲਾਸ਼ ਜਾਰੀ ਹੈ। ਇਸ ਪ੍ਰੋਜੈਕਟ ਲਈ ਸੰਜੈ ਲੀਲਾ ਭੰਸਾਲੀ ਨੇ ਟੀ - ਸੀਰੀਜ਼ ਨਾਲ ਹੱਥ ਮਿਲਾਇਆ ਹੈ।
Anmol
ਤੁਹਾਨੂੰ ਦੱਸ ਦਈਏ ਕਿ ਕੁੱਝ ਸਮੇਂ ਪਹਿਲਾਂ ਵੀ ਅਜਿਹੀਆਂ ਖ਼ਬਰਾਂ ਆਈਆਂ ਸੇ ਕਿ ਸੰਜੈ ਪੂਨਮ ਢਿੱਲੋਂ ਦੇ ਬੇਟੇ ਨੂੰ ਲਾਂਚ ਕਰ ਸਕਦੇ ਹਨ ਅਤੇ ਹੁਣ ਇਹ ਪੁਸ਼ਟੀ ਹੋ ਗਈ ਹੈ। ਹਾਲ ਹੀ ਵਿਚ ਪੂਨਮ ਢਿੱਲੋਂ ਨੇ ਵੀ ਇਕ ਟੀਵੀ ਸ਼ੋਅ ਦੇ ਦੌਰਾਨ ਬੇਟੇ ਦੇ ਡੈਬਿਊ ਨੂੰ ਲੈ ਕੇ ਗੱਲ ਕੀਤੀ ਸੀ। ਤੱਦ ਪੂਨਮ ਨੇ ਕਿਹਾ ਸੀ ਕਿ ਮੇਰੀ ਨਜ਼ਰ ਵਿੱਚ ਮੁੰਡਿਆਂ ਨੂੰ 24 ਸਾਲ ਦੀ ਉਮਰ ਤੋਂ ਪਹਿਲਾਂ ਫਿਲਮਾਂ ਸ਼ੁਰੂ ਨਹੀਂ ਕਰਨੀ ਚਾਹੀਦੀ ਹੈ ਕਿਉਂਕਿ ਸਕਰੀਨ 'ਤੇ ਦਿਖਣ ਲਈ ਥੋੜ੍ਹੀ ਮੈਚਿਉਰਿਟੀ ਦਿਖਣੀ ਚਾਹੀਦੀ ਹੈ। ਕਿਸਮਤ ਨਾਲ ਮੇਰੇ ਬੇਟੇ ਨੂੰ ਵੀ ਕਈ ਸਾਰੇ ਆਫਰਸ ਆ ਰਹੇ ਹਨ ਪਰ ਉਹ ਅਪਣੀ ਡੈਬਿਊ ਫਿਲਮ ਨੂੰ ਲੈ ਕੇ ਥੋੜ੍ਹਾ ਸਿਲੈਕਟਿਵ ਹੈ ਪਰ ਇਹ ਜਲਦੀ ਹੀ ਹੋਵੇਗਾ।
Poonam Dhillon
ਪੂਨਮ ਦਾ ਕਹਿਣਾ ਹੈ ਕਿ ਅਨਮੋਲ ਨੂੰ ਇਸ ਤੋਂ ਵਧੀਆ ਬ੍ਰੇਕ ਨਹੀਂ ਮਿਲ ਸਕਦਾ ਸੀ। ਉਸ ਨੂੰ ਅਪਣੀ ਮੈਰਿਟ ਦੇ ਆਧਾਰ 'ਤੇ ਇਹ ਮੌਕਾ ਮਿਲਿਆ ਹੈ, ਇਸ ਲਈ ਮੈਂ ਬਹੁਤ ਖੁਸ਼ ਹਾਂ। ਪੂਨਮ ਢਿੱਲੋਂ ਇਨੀਂ ਦਿਨੀਂ ਟੈਲੀਵਿਜਨ ਪ੍ਰੋਜੈਕਟਸ ਵਿਚ ਬਿਜ਼ੀ ਹਨ। ਉਨ੍ਹਾਂ ਨੂੰ ਆਖਰੀ ਵਾਰ ਸਾਲ 2014 ਵਿਚ ਫਿਲਮ ਡਬਲ ਦੀ ਟ੍ਰਬਲ ਵਿਚ ਦੇਖਿਆ ਗਿਆ ਸੀ। ਉਹ ਟੀਵੀ ਸ਼ੋਅ 'ਦਿਲ ਹੀ ਤੋ ਹੈ' ਵਿੱਚ ਨਜ਼ਰ ਆ ਰਹੀ ਹੈ। ਪੂਨਮ ਅਤੇ ਉਨ੍ਹਾਂ ਦੇ ਪਤੀ ਅਸ਼ੋਕ ਦਾ ਵਿਆਹ 1988 ਵਿਚ ਹੋਈਆ ਸੀ। ਦੋਹਾਂ ਨੇ 1997 ਵਿਚ ਤਲਾਕ ਲੈ ਲਿਆ ਸੀ। ਅਸ਼ੋਕ ਨੂੰ ਦਿਲ, ਬੇਟਾ, ਮਸਤੀ, ਰਾਜਾ ਅਤੇ ਧਮਾਲ ਵਰਗੀ ਫਿਲਮਾਂ ਲਈ ਜਾਣਿਆ ਜਾਂਦਾ ਹੈ।
