ਪੰਜਾਬੀ ਗਾਇਕ ਗੁਰਦਾਸ ਮਾਨ ਲਗਾਤਾਰ ਵਿਵਾਦਾਂ 'ਚ ਘਿਰੇ ਹੋਏ ਹਨ ਤੇ ਆਏ ਦਿਨ ਨਵਾਂ ਵਿਵਾਦ ਗੁਰਦਾਸ ਮਾਨ ਦੇ ਨਾਲ ਜੁੜ ਜਾਂਦਾ ਹੈ।
ਮੁੰਬਈ : ਪੰਜਾਬੀ ਗਾਇਕ ਗੁਰਦਾਸ ਮਾਨ ਲਗਾਤਾਰ ਵਿਵਾਦਾਂ 'ਚ ਘਿਰੇ ਹੋਏ ਹਨ ਤੇ ਆਏ ਦਿਨ ਨਵਾਂ ਵਿਵਾਦ ਗੁਰਦਾਸ ਮਾਨ ਦੇ ਨਾਲ ਜੁੜ ਜਾਂਦਾ ਹੈ। ਪਹਿਲਾਂ ਗੁਰਦਾਸ ਮਾਨ ਨੇ 'ਇਕ ਰਾਸ਼ਟਰ ਇਕ ਬੋਲੀ' ਨੂੰ ਹੁੰਗਾਰਾ ਦੇ ਕੇ ਸਮੂਹ ਪੰਜਾਬੀਆਂ ਸਮੇਤ ਸਿੱਖਾਂ ਦੇ ਗੁੱਸੇ ਦਾ ਸ਼ਿਕਾਰ ਹੋਣਾ ਪਿਆ ਸੀ। ਅਜੇ ਇਹ ਮਸਲਾ ਠੰਡਾ ਨਹੀਂ ਪਿਆ ਕਿ ਗੁਰਦਾਸ ਮਾਨ ਨੇ ਆਪਣਾ ਸ਼ੋਅ ਹੀ ਰੱਦ ਕਰ ਦਿੱਤਾ। ਦਰਅਸਲ ਗੁਰਦਾਸ ਮਾਨ ਕਲਕੱਤਾ 'ਚ ਦੁਰਗਾ ਪੂਜਾ ਸਮਾਗਮ 'ਚ ਸ਼ਾਮਲ ਹੋਣ ਜਾ ਰਹੇ ਸਨ।
Gurdas mann
ਇਸ ਲਈ ਮਾਨ ਜਦੋਂ ਬੰਬੇ ਤੋਂ ਕਲਕੱਤਾ ਲਈ ਰਵਾਨਾ ਹੋਣ ਏਅਰਪੋਟ ਪਹੁੰਚੇ ਤਾਂ ਅਚਾਨਕ ਗੁਰਦਾਸ ਮਾਨ ਨੇ ਕਲਕੱਤਾ ਦਾ ਸ਼ੋਅ ਰੱਦ ਕਰ ਦਿੱਤਾ ਹੈ ਤੇ ਨਾਲ ਹੀ ਵਾਪਿਸ ਪਰਤ ਆਏ। ਦੱਸ ਦਈਏ ਕਿ ਇਸ ਤੋਂ ਪਹਿਲਾ ਬੀਤੇ ਦਿਨੀ ਨਰਾਤਿਆਂ ਦੇ ਸ਼ੁਭ ਦਿਨਾਂ 'ਚ ਗੁਰਦਾਸ ਮਾਨ ਵਲੋਂ ਵੈਸ਼ਨੋ ਦੇਵੀ ਵਿਖੇ ਸ਼ੋਅ ਕੀਤਾ ਗਿਆ। ਦਰਅਸਲ ਹੋਇਆ ਇੰਝ ਕਿ ਕਲਕੱਤਾ 'ਚ ਪਹੁੰਚਣ ਤੋਂ ਪਹਿਲਾਂ ਹੀ ਜ਼ਹਾਜ 'ਚ ਗੁਰਦਾਸ ਨੂੰ ਕਿਸੇ ਵਿਅਕਤੀ ਨੇ ਸਮਾਗਮ ਦੀਆਂ ਤਸਵੀਰਾਂ ਦਿਖਾ ਦਿੱਤੀਆਂ ਸਨ। ਜਿਸ ਵਿੱਚ ਸ੍ਰੀ ਹਰਮੰਦਿਰ ਸਾਹਿਬ ਵਰਗਾ ਮਾਡਲ ਬਣਾਇਆ ਗਿਆ ਹੈ।
Gurdas mann
ਇਹ ਦੇਖਦਿਆਂ ਗੁਰਦਾਸ ਮਾਨ ਨੇ ਤੁਰੰਤ ਫੈਸਲਾ ਲੈਂਦਿਆਂ ਕਿਹਾ ਕਿ ਉਹ ਸ਼ੋਅ ਰੱਦ ਕਰ ਦਿੱਤਾ। ਗੁਰਦਾਸ ਮਾਨ ਨੇ ਕਿਹਾ ਕਿ ਉਹ ਸਿੱਖ ਧਰਮ ਨਾਲ ਬੇਈਮਾਨੀ ਕਦੇ ਵੀ ਬਰਦਾਸ਼ਤ ਨਹੀਂ ਕਰਨਗੇ ਤੇ ਅਜਿਹਾ ਕਰਨਾ ਉਨ੍ਹਾਂ ਦੀ ਨੈਤਿਕਤਾ ਅਤੇ ਆਸਥਾ ਦੇ ਖਿਲਾਫ ਹੈ ਤੇ ਇਸ ਲਈ ਉਹ ਸ਼ੋਅ ਨਹੀਂ ਕਰਨਗੇ। ਬੇਸ਼ਕ ਗੁਰਦਾਸ ਮਾਨ ਵਲੋਂ ਇਹ ਸ਼ੋਅ ਰੱਦ ਕਰ ਦਿੱਤਾ ਗਿਆ ਪਰ ਸੋਚਣ ਵਾਲੀ ਗੱਲ ਇਹ ਹੈ ਕਿ ਇਕ ਗਾਇਕ ਨੂੰ ਇਹ ਪਤਾ ਨਾ ਹੋਵੇ ਕਿ ਉਹ ਸ਼ੋਅ ਕਿਥੇ ਕਰਨ ਜਾ ਰਿਹਾ ਹੈ ਇਹ ਤਾਂ ਸਿੱਧੇ ਜਾਂ ਅਸਿੱਧੇ ਤੌਰ ਤੇ ਗੁਰਦਾਸ ਮਾਨ ਵਲੋਂ ਮਾਰਿਆ ਸਟੰਟ ਹੀ ਕਿਹਾ ਜਾ ਸਕਦਾ ਹੈ।
Gurdas mann
ਕਿਉਂਕਿ ਜੇਕਰ ਅਸੀਂ ਵੀ ਕਿਤੇ ਜਾਂਦੇ ਹਾਂ ਤਾਂ ਸਭ ਤੋਂ ਪਹਿਲਾ ਉਸ ਥਾਂ ਬਾਰੇ ਹੀ ਪਤਾ ਕਰਦੇ ਹਾਂ ਕਿ ਕਿਵੇਂ ਦੀ ਜਗ੍ਹਾ ਹੈ ਪਰ ਮਾਨ ਸਾਬ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਇਹ ਤਾਂ ਫਲਾਈਟ ਵਿਚ ਹੀ ਪਤਾ ਲੱਗਾ। ਇਕ ਪਾਸੇ ਚੰਗੀ ਗੱਲ ਇਹ ਵੀ ਹੈ ਕਿਉਂਕਿ ਇਕ ਰਾਸ਼ਟਰ ਇਕ ਬੋਲੀ ਦਾ ਬਿਆਨ ਦੇ ਕੇ ਘਿਰੇ ਗੁਰਦਾਸ ਮਾਨ ਦਾ ਤਾਂ ਪਹਿਲਾ ਹੀ ਦੇਸ਼ਾਂ ਵਿਦੇਸ਼ਾਂ ਵਿਚ ਵਿਰੋਧ ਹੋ ਰਿਹਾ ਹੈ ਤੇ ਜੇਕਰ ਗੁਰਦਾਸ ਮਾਨ ਇਸ ਸ਼ੋਅ ਵਿਚ ਹਿੱਸਾ ਲੈ ਲੈਂਦੇ ਤਾਂ ਇਕ ਹੋਰ ਨਵੀਂ ਮੁਸ਼ਕਿਲ ਗੁਰਦਾਸ ਮਾਨ ਦੇ ਸਿਰ ਪੈ ਜਾਣੀ ਸੀ ਕਿਉਂਕਿ ਇਹ ਮੰਦਿਰ ਤਾਂ ਪਹਿਲਾ ਹੀ ਹਰਿਮੰਦਰ ਸਾਹਿਬ ਦੀ ਕਾਪੀ ਕਰਕੇ ਵਿਵਾਦਾਂ ਵਿਚ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
