Taaeak Mehta Sodhi : ਸੋਢੀ 27 ਈਮੇਲਾਂ, 10 ਬੈਂਕ ਖਾਤਿਆਂ ਦਾ ਕਰ ਰਿਹਾ ਸੀ ਵਰਤੋਂ 

Taaeak Mehta Sodhi : ਨਵੀਂ ਦਿੱਲੀ, ਟੀਵੀ ਸੀਰੀਅਲ 'ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ' ’ਚ ਰੋਸ਼ਨ ਸਿੰਘ ਸੋਢੀ ਦਾ ਕਿਰਦਾਰ ਨਿਭਾਉਣ ਵਾਲੇ ਅਦਾਕਾਰ ਗੁਰਚਰਨ ਸਿੰਘ ਦੀ ਗੁੰਮਸ਼ੁਦਗੀ ਦਾ ਰਹੱਸ ਹੋਰ ਡੂੰਘਾ ਹੋ ਗਿਆ ਹੈ। ਦਿੱਲੀ ਪੁਲਿਸ ਨੇ ਪਾਇਆ ਕਿ ਅਭਿਨੇਤਾ ਕਿਸੇ ਦੁਆਰਾ "ਨਿਗਰਾਨੀ" ਕੀਤੇ ਜਾਣ ਦੇ ਡਰ ਕਾਰਨ 27 ਵੱਖ-ਵੱਖ ਈਮੇਲ ਖਾਤਿਆਂ ਦੀ ਵਰਤੋਂ ਕਰ ਰਿਹਾ ਸੀ।

ਇਹ ਵੀ ਪੜੋ:Jalandhar News : ਪੰਜਾਬ ਪੁਲਿਸ ਵੱਲੋਂ ਮ੍ਰਿਤਕ ਐਲਾਨਿਆ ਵਿਅਕਤੀ ਨਿਕਲਿਆ ਜ਼ਿੰਦਾ

ਮਾਮਲੇ ਦੀ ਜਾਂਚ ਕਰ ਰਹੇ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਅਦਾਕਾਰ ਅਕਸਰ ਆਪਣੀ ਈਮੇਲ ਬਦਲ ਲੈਂਦਾ ਸੀ। ਪੁਲਿਸ ਦੀ ਟੀਮ ਉਸ ਦਾ ਮੋਬਾਈਲ ਫੋਨ ਟਰੇਸ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਅਦਾਕਾਰ ਨੇ 22 ਅਪ੍ਰੈਲ ਦੀ ਸ਼ਾਮ ਨੂੰ ਇੱਥੋਂ ਮੁੰਬਈ ਲਈ ਫਲਾਈਟ ਲੈਣੀ ਸੀ, ਪਰ ਉਹ ਆਪਣੀ ਮੰਜ਼ਿਲ 'ਤੇ ਨਹੀਂ ਪਹੁੰਚਿਆ। ਪਾਲਮ ਦੇ ਰਹਿਣ ਵਾਲੇ ਉਸ ਦੇ ਪਿਤਾ ਨੇ ਫ਼ੋਨ 'ਤੇ ਸੰਪਰਕ ਨਾ ਹੋਣ 'ਤੇ ਸਥਾਨਕ ਪੁਲਿਸ ਨੂੰ ਸੂਚਿਤ ਕੀਤਾ।  ਇੱਕ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਪਾਲਮ ਪੁਲਿਸ ਸਟੇਸ਼ਨ ’ਚ 26 ਅਪ੍ਰੈਲ ਨੂੰ ਆਈਪੀਸੀ ਦੀ ਧਾਰਾ 365 (ਭਾਰਤ ਤੋਂ ਬਾਹਰ ਲਿਜਾਣ ਜਾਂ ਗੁਪਤ ਰੂਪ ’ਚ ਕੈਦ ਕਰਨ ਦੇ ਇਰਾਦੇ ਨਾਲ ਅਗਵਾ) ਦੇ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਸੀ।

ਇਹ ਵੀ ਪੜੋ:Firozpur Murder News : ਫ਼ਿਰੋਜ਼ਪੁਰ 'ਚ ਪੁੱਤ ਨੇ ਮਾਂ ਦੇ ਸਿਰ ’ਚ ਇੱਟ ਮਾਰ ਕੀਤਾ ਕਤਲ  

ਇਸ ਸਬੰਧੀ ਅਧਿਕਾਰੀ ਨੇ ਕਿਹਾ ਕਿ ਇੱਕ ਪੁਲਿਸ ਟੀਮ ਨੂੰ ਅਦਾਕਾਰ ਦੇ ਮੋਬਾਈਲ ਫੋਨ ਤੋਂ ਉਸਦੀ ਲੋਕੇਸ਼ਨ ਟਰੇਸ ਕਰਨ ਦਾ ਕੰਮ ਸੌਂਪਿਆ ਗਿਆ ਹੈ। ਅਧਿਕਾਰੀ ਨੇ ਦੱਸਿਆ ਕਿ ਸਿੰਘ ਦਾ ਮੋਬਾਈਲ ਫੋਨ 22 ਅਪ੍ਰੈਲ ਦੀ ਰਾਤ 9.22 ਵਜੇ ਤੋਂ ਬੰਦ ਸੀ। ਸੀਸੀਟੀਵੀ ਫੁਟੇਜ ਦੇ ਅਧਾਰ 'ਤੇ, ਉਸਦੀ ਆਖਰੀ ਲੋਕੇਸ਼ਨ ਦੱਖਣ-ਪੱਛਮੀ ਦਿੱਲੀ ਦੇ ਡਾਬਰੀ ’ਚ ਲੱਭੀ ਗਈ ਸੀ, ਜਿੱਥੇ ਉਹ ਆਈਜੀਆਈ ਹਵਾਈ ਅੱਡੇ ਦੇ ਨੇੜੇ ਕਿਰਾਏ 'ਤੇ ਲਏ ਇੱਕ ਈ-ਰਿਕਸ਼ਾ ’ਚ ਪਹੁੰਚਿਆ ਸੀ।
ਅਦਾਕਾਰ ਕੋਲ ਦੋ ਮੋਬਾਈਲ ਫ਼ੋਨ ਸਨ ਪਰ ਉਨ੍ਹਾਂ ’ਚੋਂ ਇੱਕ ਨੂੰ ਦਿੱਲੀ ਸਥਿਤ ਆਪਣੇ ਘਰ ਛੱਡ ਦਿੱਤਾ ਸੀ। ਇਕ ਹੋਰ ਅਧਿਕਾਰੀ ਨੇ ਕਿਹਾ, ਉਸ ਦਾ ਆਖਰੀ ਕਾਲ ਉਸ ਦੇ ਦੋਸਤ ਨੂੰ ਸੀ ਜੋ ਉਸ ਨੂੰ ਮੁੰਬਈ ਹਵਾਈ ਅੱਡੇ 'ਤੇ ਲੈਣ ਲਈ ਸੀ। ਪੁਲਿਸ ਟੀਮਾਂ ਨੇ ਉਨ੍ਹਾਂ ਦੇ ਬੈਂਕ ਖਾਤਿਆਂ ਅਤੇ ਕ੍ਰੈਡਿਟ ਕਾਰਡਾਂ ਤੋਂ ਵਿੱਤੀ ਲੈਣ-ਦੇਣ ਦੀ ਵੀ ਜਾਂਚ ਕੀਤੀ ਹੈ। ਜੋ ਆਖਰੀ ਲੈਣ-ਦੇਣ 14,000 ਰੁਪਏ ਦਾ ਸੀ। ਇਹ ਰਕਮ ਉਸ ਨੇ ਲਾਪਤਾ ਹੋਣ ਵਾਲੇ ਦਿਨ ਆਪਣੇ ਇੱਕ ਬੈਂਕ ਖਾਤੇ ’ਚੋਂ ਕਢਵਾਈ ਸੀ। ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਅਦਾਕਾਰ ਦੀ ਆਰਥਿਕ ਹਾਲਤ ਠੀਕ ਨਹੀਂ ਸੀ ਕਿਉਂਕਿ ਉਸ ’ਤੇ ਕਈ ਕਰਜ਼ੇ ਅਤੇ ਬਕਾਏ ਸਨ।

ਇਹ ਵੀ ਪੜੋ:Mohali Murder News : ਮੁਹਾਲੀ ’ਚ ਦੋਸਤਾਂ ਨੇ ਆਪਣੇ 21 ਸਾਲਾ ਦੋਸਤ ਦਾ ਗਲਾ ਘੁੱਟ ਕੇ ਕੀਤੀ ਹੱਤਿਆ 

ਅਧਿਕਾਰੀ ਨੇ ਦੱਸਿਆ ਕਿ ਅਪਰਾਧ ਸ਼ਾਖਾ ਅਤੇ ਵਿਸ਼ੇਸ਼ ਸੈੱਲ ਸਮੇਤ ਘੱਟੋ-ਘੱਟ ਇੱਕ ਦਰਜਨ ਪੁਲਿਸ ਟੀਮਾਂ ਉਨ੍ਹਾਂ ਦਾ ਪਤਾ ਲਗਾਉਣ ਲਈ ਕੰਮ ਕਰ ਰਹੀਆਂ ਹਨ। ਇਕ ਹੋਰ ਅਧਿਕਾਰੀ ਨੇ ਦੱਸਿਆ ਕਿ ਸਿੰਘ ਇਕ ਸੰਪਰਦਾ ਦਾ ਪੈਰੋਕਾਰ ਸੀ ਜਿਸ ਲਈ ਉਹ ਛਤਰਪੁਰ, ਦਿੱਲੀ ਵਿਚ ਇਕ ਧਿਆਨ ਕੇਂਦਰ ਵਿਚ ਜਾਂਦਾ ਸੀ। ਪੁਲਿਸ ਨੇ ਉਨ੍ਹਾਂ ਦੇ ਜਾਣਕਾਰ ਸੰਪਰਦਾ ਦੇ ਪੈਰੋਕਾਰਾਂ ਦੇ ਬਿਆਨ ਲਏ ਹਨ। ਅਧਿਕਾਰੀ ਨੇ ਕਿਹਾ ਕਿ ਪੁਲਿਸ ਦੀਆਂ ਟੀਮਾਂ ਨੇ ਮਾਮਲੇ ਸਬੰਧੀ ਕੋਈ ਵੀ ਸੁਰਾਗ ਪ੍ਰਾਪਤ ਕਰਨ ਲਈ ਹਰਿਆਣਾ, ਪੰਜਾਬ ਅਤੇ ਉੱਤਰਾਖੰਡ ਵਰਗੇ ਕੁਝ ਰਾਜਾਂ ਦਾ ਦੌਰਾ ਵੀ ਕੀਤਾ ਹੈ।

(For more news apart from   mystery of Tarak Mehta serial actor Sodhi's disappearance deepened News in Punjabi, stay tuned to Rozana Spokesman)