''ਬੜੇ ਹੀ ਭਾਗਾਂ ਵਾਲੇ ਹਾ ਜੋ ਗੁਰੂ ਘਰ ਦੇ ਦਰਸ਼ਨ ਕਰਨ ਦਾ ਮੌਕਾ ਮਿਲਿਆ''
ਅੰਮ੍ਰਿਤਸਰ: (ਰਾਜੇਸ਼ ਕੁਮਾਰ ਸੰਧੂ) ਅੱਜ ਸਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਹਾਸਰਸ ਕਲਾਕਾਰ ਜਸਵਿੰਦਰ ਭੱਲਾ, ਮਿਉਜਿਕ ਡਾਇਰੈਕਟਰ ਸਚਿਨ ਅਹੁਜਾ ਅਤੇ ਵੀਡੀਓ ਡਾਇਰੈਕਟਰ ਰਾਣਾ ਨਤਮਸਤਕ ਹੋਣ ਲਈ ਪਹੁੰਚੇ ਜਿਥੇ ਉਹਨਾਂ ਨੇ ਸਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਮੱਥਾ ਟੇਕਿਆ ਉਥੇ ਹੀ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੇ ਵੀ ਨਤਮਸਤਕ ਹੋਏ ਅਤੇ ਰਸ ਬਾਣੀ ਦਾ ਆਨੰਦ ਵੀ ਮਾਣਿਆ।
jaswinder bhalla and Sachin Ahuja
ਇਸ ਮੌਕੇ ਗੱਲਬਾਤ ਕਰਦਿਆਂ ਜਸਵਿੰਦਰ ਭੱਲਾ ਨੇ ਕਿਹਾ ਕਿ ਉਹ ਬਹੁਤ ਹੀ ਕਰਮਾਂ ਵਾਲੇ ਹਨ ਜੋ ਉਹਨਾ ਨੂੰ ਰੂਹਾਨੀਅਤ ਦੇ ਕੇਂਦਰ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਨਤਮਸਤਕ ਹੋਣ ਦਾ ਮੌਕਾ ਮਿਲਿਆ ਤੇ ਸੱਚ ਪੁੱਛੋ ਤਾ ਉਸ ਸਮੇਂ ਮਨ ਬਹੁਤ ਖੁਸ਼ ਹੋਇਆ ਜਦੋਂ ਗੁਰੂ ਘਰ ਪਹੁੰਚ ਕੇ ਸਚਖੰਡ ਵਿਚ ਅਰਦਾਸ ਮੌਕੇ ਹਾਜ਼ਰੀ ਲੱਗੀ।
jaswinder bhalla and Sachin Ahuja
ਉਹਨਾਂ ਕਿਹਾ ਕਿ ਬੀਤੀ ਰਾਤ ਉਹਨਾਂ ਦਾ ਅੰਮ੍ਰਿਤਸਰ ਵਿਖੇ ਪ੍ਰੋਗਰਾਮ ਸੀ ਜਿਸ ਤੋਂ ਬਾਅਦ ਅੱਜ ਗੁਰੂ ਘਰ ਹਾਜ਼ਰੀ ਲਾਉਣ ਆਪਣੇ ਸਾਥੀ ਕਲਾਕਾਰਾਂ ਮਿਉਜਿਕ ਡਾਇਰੈਕਟਰ ਸਚਿਨ ਅਹੁਜਾ ਅਤੇ ਵੀਡੀਓ ਡਾਇਰੈਕਟਰ ਰਾਣਾ ਦੇ ਨਾਲ ਗੁਰੂ ਘਰ ਪਹੁੰਚੇ ਹਾਂ ਜਿਥੇ ਸਰਬਤ ਦੇ ਭਲੇ ਦੀ ਅਰਦਾਸ ਕੀਤੀ ਉਥੇ ਹੀ ਦੇਸ਼ਵਿਆਪੀ,ਦੇਸ਼ ਦੇ ਅੰਨਦਾਤਾ ਅਖਵਾਉਣ ਵਾਲੇ ਕਿਸਾਨਾਂ ਦੀ ਚੜ੍ਹਦੀ ਕਲਾ ਵਾਸਤੇ ਵੀ ਇਹ ਅਰਦਾਸ ਕੀਤੀ ਕਿ ਕੇਂਦਰ ਸਰਕਾਰ ਜਲਦ ਉਹਨਾ ਦੀਆਂ ਮੰਗਾਂ ਮੰਨੇ ਅਤੇ ਉਹ ਆਪਣੇ ਘਰਾਂ ਨੂੰ ਪਰਤ ਸਕਣ ।
jaswinder bhalla and Sachin Ahuja
ਬਹੁਤ ਲੰਮਾ ਸਮਾਂ ਇਸ ਸੰਘਰਸ਼ ਵਿਚ ਕਿਸਾਨਾ ਵੱਲੋਂ ਆਪਣੇ ਪਰਿਵਾਰਾਂ ਤੋਂ ਦੂਰ ਕੜਕਦੀ ਠੰਡ ਵਿਚ ਦਿੱਲੀ ਬਾਰਡਰ ਤੇ ਇਸ ਸੰਘਰਸ਼ ਵਿਚ ਯੋਗਦਾਨ ਪਾਇਆ ਗਿਆ ਹੈ ਅਤੇ ਜਿਥੇ ਹਰ ਵਰਗ ਇਸ ਕਿਸਾਨੀ ਸੰਘਰਸ਼ ਵਿਚ ਕਿਸਾਨਾਂ ਦਾ ਸਾਥ ਦੇ ਰਿਹਾ ਹੈ ਉਥੇ ਹੀ ਕਲਾਕਾਰ ਵੀ ਪਿੱਛੇ ਨਹੀ ਹਨ ਹਰ ਕਲਾਕਾਰ ਉਥੇ ਆਪਣੀ ਹਾਜ਼ਰੀ ਦੋ ਤਿੰਨ ਵਾਰ ਲਗਵਾ ਚੁੱਕਾ ਹੈ ਅਤੇ ਅਸੀ ਅੱਜ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਵੀ ਕਿਸਾਨ ਭਰਾਵਾਂ ਦੀ ਚੜ੍ਹਦੀ ਕਲਾ ਦੀ ਅਰਦਾਸ ਕੀਤੀ ਹੈ ।
jaswinder bhalla and Sachin Ahuja
ਕਿਸਾਨੀ ਸੰਘਰਸ਼ ਵਿਚ 26 ਜਨਵਰੀ ਵਿਚ ਹੋਈ ਹਿੰਸਕ ਘਟਨਾ ਬਾਰੇ ਗੱਲਬਾਤ ਕਰਦਿਆਂ ਉਹਨਾਂ ਕਿਹਾ ਕਿ ਇਹ ਤਾਂ ਪਰਮਾਤਮਾ ਜਾਣਦਾ ਹੈ ਕਿ ਉਹ ਕੌਣ ਬੰਦੇ ਸਨ ਜੋ ਕਿਸਾਨੀ ਸੰਘਰਸ਼ ਦੀ ਆੜ ਵਿੱਚ ਇਹ ਕੰਮ ਕਰ ਗਏ ਪਰ ਸਿੱਧੇ ਤੌਰ ਤੇ ਇਹ ਸਭ ਕੁਝ ਕਿਸਾਨੀ ਸੰਘਰਸ਼ ਨੂੰ ਬਦਨਾਮ ਕਰਨ ਦੀ ਘਿਣੌਨੀ ਸਾਜਿਸ਼ ਸੀ।
jaswinder bhalla and Sachin Ahuja
