ਸਰਗੁਣ ਨੇ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ਲਿਖਿਆ ਹੈ, ''ਮੇਰਾ ਪਲ''
ਟੀਵੀ ਦੀ ਦੁਨੀਆਂ 'ਚ ਨਾਮਣਾ ਖੱਟਣ ਤੋਂ ਬਾਅਦ ਪਾਲੀਵੁੱਡ ਦਾ ਰੁੱਖ ਕਰਨ ਵਾਲੀ ਅਦਾਕਾਰਾ ਸਰਗੁਣ ਮਹਿਤਾ ਜਿਥੇ ਅਪਣੀ ਅਦਾਕਾਰੀ ਦੇ ਨਾਲ ਨਾਲ ਕੂਲ ਅੰਦਾਜ਼ ਦੇ ਲਈ ਵੀ ਚਰਚਾ ਵਿਚ ਰਹਿੰਦੀ ਹੈ।
ਸਰਗੁਣ ਮਹਿਤਾ ਟੀ. ਵੀ. ਦੇ ਕਈ ਮਸ਼ਹੂਰ ਸੀਰੀਅਲਸ 'ਚ ਵੀ ਕੰਮ ਕਰ ਚੁਕੀ ਹੈ। ਜਿਨਾਂ 'ਚ 'ਫੁਲਵਾ', 'ਬਾਲਿਕਾ ਵਧੂ', '12/24 ਕਰੋਲ ਬਾਗ' ਵਰਗੇ ਸੀਰੀਅਲਜ਼ ਤੋਂ ਇਲਾਵਾ ਕਪਿਲ ਸ਼ਰਮਾ ਦੇ ਸ਼ੋਅ 'ਦਿ ਕਪਿਲ ਸ਼ਰਮਾ ਸ਼ੋਅ' 'ਚ ਵੀ ਦਰਸ਼ਕਾਂ ਨੂੰ ਹਸਾਉਂਦੇ ਹੋਈ ਦਿਖਾਈ ਦਿਤੀ ਸੀ। ਦਸ ਦਈਏ ਕਿ ਸਰਗੁਣ ਅੱਜਕਲ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੀ ਹੈ ਅਤੇ ਆਪਣੇ ਪ੍ਰਸ਼ੰਸਕਾਂ ਲਈ ਤਸਵੀਰਾਂ ਪੋਸਟ ਕਰਦੀ ਰਹਿੰਦੀ ਹੈ। ਆਪਣੀਆਂ ਇਹਨਾਂ ਗਤੀਵਿਧੀਆਂ ਕਾਰਨ ਸਰਗੁਣ ਅਕਸਰ ਹੀ ਚਰਚਾ 'ਚ ਰਹਿੰਦੀ ਹੈ। ਇਕ ਵਾਰ ਫ਼ਿਰ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ ਪਰ ਇਸ ਵਾਰ ਚਰਚਾ ਉਨ੍ਹਾਂ ਦੀ ਅਦਾਕਾਰੀ ਲਈ ਨਹੀਂ ਬਲਕਿ ਉਨ੍ਹਾਂ ਵੱਲੋਂ ਆਪਣੇ ਇੰਸਟਾਗਰਾਮ ਅਕਾਊਂਟ 'ਤੇ ਇਕ ਤਸਵੀਰ ਸਾਂਝੀ ਕਰਨਾ ਹੈ, ਜਿਸ ਕਾਰਨ ਉਹ ਲੋਕ ਉਨ੍ਹਾਂ ਦਾ ਮਖੌਲ ਬਣਾ ਰਹੇ ਹਨ ।ਦਰਅਸਲ ਸਰਗੁਣ ਨੇ ਫਰ ਵਾਲੀ ਡਰੈਸ ਪਾਈ ਹੋਈ ਇਕ ਤਸਵੀਰ ਸਾਂਝੀ ਕੀਤੀ। ਜਿਸ ਉਤੇ ਲੋਕਾਂ ਦੇ ਭੱਦੇ ਕੁਮੈਂਟ ਆਉਣ ਲਗ ਗਏ। ਸਰਗੁਣ ਨੇ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ਲਿਖਿਆ ਹੈ, ''ਮੇਰਾ ਪਲ''। ਇਸ ਦੇ ਨਾਲ ਹੀ ਹੈਸ਼ਟੈਗ ਨਾਲ ਲਿਖਿਆ ਹੈ, ''ਹੈਸ਼ਟੈਗ ਫਿਲਮ ਫੇਅਰ, ਫਿਲਮ ਫੇਅਰ ਪੰਜਾਬ 2018, ਲਹੌਰੀਏ, ਬੈਸਟ ਅਦਾਕਾਰਾ, ਪੰਜਾਬ।'' ਸਰਗੁਣ ਦੀ ਇਸ ਤਸਵੀਰ 'ਤੇ ਇਕ ਯੂਜ਼ਰ ਨੇ ਕੁਮੈਂਟ ਕਰਦਿਆਂ ਲਿਖਿਆ, ''ਓਕਟੂਪਸ ਲੱਗ ਰਹੇ ਹੋ।'' ਉੱਥੇ ਦੂਜੇ ਯੂਜ਼ਰ ਨੇ ਲਿਖਿਆ, ''ਕਿ ਇਹ ਕੀ ਅਜੀਬ ਜਿਹਾ ਪਾਇਆ ਹੋਇਆ ਹੈ ? ਕਿਸੇ ਨੇ ਲਿਖਿਆ ਹੈ, ''ਕੀ ਚਾਦਰ ਪਾਈ ਹੈ?'' ਇਕ ਬਾਕੀ ਇੰਸਟਾਗਰਾਮ ਯੂਜ਼ਰ ਨੇ ਲਿਖਿਆ ਹੈ, ''ਇੰਨੀ ਵੱਡੀ ਡਰੈੱਸ।'' ਇਸ ਦੇ ਨਾਲ ਹੋਰ ਵੀ ਕਈਆਂ ਨੇ ਬਹੁਤ ਸਾਰੇ ਕੁਮੈਂਟ ਕੀਤੇ। ਹਾਲਾਂਕਿ ਕੁਝ ਲੋਕਾਂ ਨੇ ਉਸ ਦੀ ਤਰੀਫ ਵੀ ਕੀਤੀ ਅਤੇ 'ਜੀਓ ਫਿਲਮਫੇਅਰ ਐਵਾਰਡ ਪੰਜਾਬੀ 2018' 'ਚ ਫਿਲਮ 'ਲਹੌਰੀਏ' ਲਈ 'ਬੈਸਟ ਅਦਾਕਾਰਾ' ਦਾ ਐਵਾਰਡ ਮਿਲਣ 'ਤੇ ਮੁਬਾਰਕਬਾਦ ਵੀ ਦਿੱਤੀ। ਜ਼ਿਕਰਯੋਗ ਹੈ ਕਿ ਹਾਲ ਹੀ 'ਚ ਪੰਜਾਬੀ ਫਿਲਮਾਂ 'ਚ ਸ਼ਾਨਦਾਰ ਅਦਾਕਾਰੀ ਲਈ ਸਰਗੁਣ ਮਹਿਤਾ ਨੂੰ ਬੇਹਤਰੀਨ ਅਦਾਕਾਰਾ ਦੇ ਸਨਮਾਨ ਨਾਲ ਨਵਾਜ਼ਿਆ ਗਿਆ। ਦਸਣਯੋਗ ਹੈ ਕਿ ਸਰਗੁਣ ਹੁਣ ਤਕ ਫਿਲਮ ਅੰਗਰੇਜ਼।, ਲਾਹੌਰੀਏ , ਲਵ ਪੰਜਾਬ, ਅਤੇ ਜਿੰਦੁਆ 'ਚ ਆਪਣੀ ਅਦਾਕਾਰੀ ਦਾ ਲੋਹਾ ਮਨਵਾ ਚੁਕੀ ਹੈ।