ਕਮੇਡਿਅਨ ਭਾਰਤੀ ਸਿੰਘ ਪਤੀ ਹਰਸ਼ ਲਿੰਬਾਚਿਆ ਦੇ ਨਾਲ ਰਿਅਲਿਟੀ ਸ਼ੋਅ ‘ਖ਼ਤਰੋਂ ਕੇ ਖਿਲਾੜੀ’ ਦੇ ਨਵੇਂ ਸੀਜ਼ਨ ਵਿਚ ਵਿਖਾਈ ਦਏਗੀ। ਸ਼ੋਅ ਲਈ ਦੋਵੇਂ ਹੀ ਕੜੀ ਮਿਹਨਤ ਕਰ ਰਹੇ ਹਨ..
ਕਮੇਡਿਅਨ ਭਾਰਤੀ ਸਿੰਘ ਪਤੀ ਹਰਸ਼ ਲਿੰਬਾਚਿਆ ਦੇ ਨਾਲ ਰਿਅਲਿਟੀ ਸ਼ੋਅ ‘ਖ਼ਤਰੋਂ ਕੇ ਖਿਲਾੜੀ’ ਦੇ ਨਵੇਂ ਸੀਜ਼ਨ ਵਿਚ ਵਿਖਾਈ ਦਏਗੀ। ਸ਼ੋਅ ਲਈ ਦੋਵੇਂ ਹੀ ਕੜੀ ਮਿਹਨਤ ਕਰ ਰਹੇ ਹਨ। ਭਾਰਤੀ ਨੇ ਇਸ ਸ਼ੋਅ ਲਈ ਲੱਗਭੱਗ 9 ਤੋਂ 10 ਕਿੱਲੋ ਭਾਰ ਘਟਾ ਲਿਆ ਹੈ। ਸ਼ੋਅ ਵਿਚ ਸਟੰਟ ਅਤੇ ਟਾਸਕ ਕਰਣ ਲਈ ਉਹ ਆਪਣੇ ਆਪ ਨੂੰ ਪੂਰੀ ਤਰ੍ਹਾਂ ਫਿੱਟ ਰੱਖਣਾ ਚਾਹੁੰਦੀ ਹੈ।
ਜੀਮਿੰਗ ਤੋਂ ਇਲਾਵਾ ਉਹ ਸਟ੍ਰਿਕਟ ਡਾਇਟ ਪਲਾਨ ਵੀ ਅਪਨਾ ਰਹੀ ਹੈ। ਹਲਾਤ ਕੋਈ ਵੀ ਰਹਿਣ ਉਹ ਦਿਨ ਵਿਚ ਦੋ ਘੰਟੇ ਵਰਕਆਉਟ ਜ਼ਰੂਰ ਕਰਦੀ ਹੈ। ਇਕ ਪਾਸੇ ਜਿੱਥੇ ਭਾਰਤੀ ਵਜ਼ਨ ਘਟਾ ਰਹੀ ਹੈ ਉੱਥੇ ਹੀ ਭਾਰਤੀ ਦੇ ਪਤੀ ਹਰਸ਼ ਆਪਣਾ ਵਜ਼ਨ ਵਧਾਉਣ ਵਿਚ ਜੁਟੇ ਹੋਏ ਹਨ। ਅਰਜੇਂਟੀਨਾ ਵਿਚ ਸ਼ੂਟ ਹੋਣ ਵਾਲੇ ਸ਼ੋਅ ਦੇ ਇਸ ਸੀਜ਼ਨ ਵਿਚ ਪੁਨੀਤ ਪਾਠਕ, ਅਵਿਕਾ ਗੌਰ, ਵਿਕਾਸ ਗੁਪਤਾ, ਅਲੀ ਬੋਰੀ, ਰਿਧਿਮਾ ਪੰਡਿਤ, ਸ਼ਰੀਸੰਤ, ਸ਼ਮਿਤਾ ਸ਼ੇੱਟੀ ਅਤੇ ਆਦਿਤਿਆ ਨਰਾਇਣ ਵੀ ਨਜ਼ਰ ਆਉਣਗੇ।
ਲੱਲੀ ਦੇ ਰੋਲ ਨਾਲ ਪਾਪੁਲਰ ਹੋਈ ਭਾਰਤੀ ਦਾ ਜਨਮ 3 ਜੁਲਾਈ 1986 ਨੂੰ ਪੰਜਾਬ ਦੇ ਅਮ੍ਰਿਤਸਰ ਵਿਚ ਹੋਇਆ ਸੀ। ਉਨ੍ਹਾਂ ਨੂੰ ਅਸਲੀ ਪਹਿਚਾਣ ਕਾਮੇਡੀ ਰਿਅਲਟੀ ਸ਼ੋਅ 'ਦ ਗਰੇਟ ਇੰਡਿਅਨ ਲਾਫਟਰ ਚੈਲੇਂਜ' ਦੇ ਚੌਥੇ ਸੀਜ਼ਨ ਤੋਂ ਮਿਲੀ ਸੀ। ਦਸ ਦਈਏ ਕਿ ਇਸੇ ਸ਼ੋਅ ਦੇ ਫਾਇਨਲ ਵਿਚ ਉਹ ਸੇਕੰਡ ਰਨਰ ਅਪ ਰਹੀ ਸੀ ਅਤੇ ਇਸ ਸ਼ੋਅ ਵਿਚ ਉਨ੍ਹਾਂ ਨੇ ਇਕ ਕਿਰਦਾਰ ਨਿਭਾਇਆ ਸੀ, ਜਿਸਦਾ ਨਾਮ ਸੀ ਲੱਲੀ। ਇਸ ਕਿਰਦਾਰ ਨੂੰ ਦਰਸ਼ਕਾਂ ਨੇ ਬਹੁਤ ਪਸੰਦ ਕੀਤਾ ਸੀ।
'ਦ ਗਰੇਟ ਇੰਡਿਅਨ ਲਾਫਟਰ ਚੈਲੇਂਜ'(2008) ਤੋਂ ਇਲਾਵਾ ਉਹ ਕਾਮੇਡੀ ਸਰਕਸ ਦੇ ਸੁਪਰਸਟਾਰ(2010), ਕਾਮੇਡੀ ਸਰਕਸ ਦੇ ਤਾਨਸੇਨ(2011) ਅਤੇ ਕਾਮੇਡੀ ਸਰਕਸ ਦੇ ਅਜੂਬੇ (2012) ਵਰਗੇ ਕਾਮੇਡੀ ਰਿਅਲਟੀ ਸ਼ੋਅ ਵਿਚ ਵੀ ਨਜ਼ਰ ਆ ਚੁੱਕੀ ਹੈ। ਸਿਰਫ਼ ਕਾਮੇਡੀ ਸ਼ੋਅ ਹੀ ਨਹੀਂ ਭਾਰਤੀ ਡਾਂਸਿੰਗ ਰਿਅਲਟੀ ਸ਼ੋਅ 'ਝਲਕ ਦਿਖਲਾ ਜਾ - 5'(2012) ਵਿਚ ਆਪਣੇ ਡਾਂਸ ਨਾਲ ਵੀ ਸਾਰਿਆਂ ਦਾ ਦਿਲ ਜਿੱਤ ਚੁੱਕੀ ਹੈ। ਇਨ੍ਹਾਂ ਦਿਨੀਂ ਉਹ ਕ੍ਰਿਸ਼ਣਾ 'ਤੇ ਅਭੀਸ਼ੇਕ ਦੇ ਨਾਲ 'ਕਾਮੇਡੀ ਨਾਇਟਸ ਬਚਾਓ ਤਾਜ਼ਾ' (2015) ਨੂੰ ਹੋਸਟ ਕਰ ਰਹੀ ਹੈ।
ਦੱਸ ਦਈਏ ਕਿ ਸਿਰਫ਼ ਛੋਟਾ ਪਰਦਾ ਹੀ ਨਹੀਂ ਸਗੋਂ ਵੱਡੇ ਪਰਦੇ ਤੇ ਵੀ ਪੂਰੀ ਤਰਾਂਹ ਚਾਇ ਹੋਇ ਹੈ ਭਾਰਤੀ ਸਿੰਘ। ਭਾਰਤੀ ਨੇ ਪੰਜਾਬੀ ਫ਼ਿਲਮਾਂ 'ਇਕ ਨੂਰ' ਜੋ ਕਿ 2011 'ਚ ਆਈ ਸੀ, ਇਸ ਤੋਂ ਇਲਾਵਾ 2012 ਦੀ ਯਮਲੇ ਜਟ ਯਮਲੇ ਅਤੇ 2013 ਦੀ ਜਟ ਐਂਡ ਜੂਲਿਏਟ - 2' ਵਿਚ ਵੀ ਕੰਮ ਕੀਤਾ ਹੈ। ਹੋਰ ਤੇ ਹੋਰ ਬਾਲੀਵੁਡ 'ਚ ਵੀ ਛਾਈ ਹੋਈ ਹੈ ਸਾਡੀ ਸ਼ੇਰਨੀ। ਅਕਸ਼ਏ ਕੁਮਾਰ ਸਟਾਰਰ ਬਾਲੀਵੁਡ ਫ਼ਿਲਮ 'ਖਿਡਾਰੀ 786 ' (2012) ਅਤੇ ਪੁਲਕਿਤ ਸਮਰਾਟ - ਯਾਮੀ ਗੌਤਮ ਸਟਾਰਰ 'ਸਨਮ ਰੇ' (2016)ਵਿਚ ਵੀ ਨਜ਼ਰ ਆ ਚੁੱਕੀ ਹੈ। ਹੁਣ ਦੇਖਣਾ ਹੋਏਗਾ ਕਿ ਦਰਸ਼ਕ ਉਨ੍ਹਾਂ ਨੂੰ ਰਿਅਲਿਟੀ ਸ਼ੋਅ ‘ਖ਼ਤਰੋਂ ਕੇ ਖਿਲਾੜੀ’ 'ਚ ਕਿੰਨਾ ਪਿਆਰ ਦਿੰਦੇ ਹਨ।