ਪੰਜਾਬੀ ਸਿਨੇਮਾਂ ਖਿੱਤੇ ਵਿਚ ਵਿਲੱਖਣ ਪੈੜਾ ਸਿਰਜਣ ਦੀ ਤਾਂਘ...
ਜਲੰਧਰ: ਪੰਜਾਬੀ ਫ਼ਿਲਮ ਜਗਤ ਲਗਾਤਾਰ ਕਾਮਯਾਬੀ ਦੀਆਂ ਬੁਲੰਦੀਆਂ ਨੂੰ ਛੂ ਰਿਹਾ ਹੈ। ਇਸ ਦਾ ਕਾਰਨ ਹੈ ਪੰਜਾਬੀ ਸਿਨੇਮਾ ਦਾ ਚੰਗੇ ਮੁੱਦਿਆਂ ਅਤੇ ਵਧਦੇ ਬਜਟ ਵੱਲ ਰੁਜਾਨ। ਇਸੇ ਲੜੀ ਤਹਿਤ ਇੱਕ ਹੋਰ ਪੰਜਾਬੀ ਫਿਲਮ ਦੀਆਂ ਕੁਝ ਝਲਕੀਆਂ ਸਾਹਮਣੇ ਆਈਆਂ ਹਨ। ਫਿਲਮ ਦਾ ਨਾਮ ਹੈ ‘ਦੂਰਬੀਨ’ ਜਿਸ ‘ਚ ਪੰਜਾਬ ਦੇ ਪ੍ਰਸਿੱਧ ਗਾਇਕ ਅਤੇ ਅਦਾਕਾਰ ਨਿੰਜਾ ਅਤੇ ਜੱਸ ਬਾਜਵਾ ਮੁੱਖ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ।
Doorbeen
ਫਿਲਮ ਦੂਰਬੀਨ ਦਾ ਸ਼ੂਟ ਵੀ ਸ਼ੁਰੂ ਹੋ ਚੁੱਕਿਆ ਹੈ। ਇਸ ਦੀਆਂ ਤਸਵੀਰਾਂ ਨਿੰਜਾ ਵੱਲੋਂ ਆਪਣੇ ਸ਼ੋਸ਼ਲ ਮੀਡੀਆ ‘ਤੇ ਸਟੋਰੀ ਪਾ ਕੇ ਸ਼ੇਅਰ ਕੀਤੀਆਂ ਸਨ। ਪੰਜਾਬੀ ਸਿਨੇਮਾਂ ਖਿੱਤੇ ਵਿਚ ਵਿਲੱਖਣ ਪੈੜਾ ਸਿਰਜਣ ਦੀ ਤਾਂਘ ਰੱਖਦੇ ਨੌਜਵਾਨ ਨਿਰਮਾਤਾ ਸੁਖ ਰੰਧਾਵਾਂ ਨੇ ਮਨ ਦੇ ਜਜਬਾਂਤ ਸਾਂਝੇ ਕਰਦਿਆਂ ਦੱਸਿਆ ਕਿ ' ਧੰਨ ਧੰਨ ਬਾਬਾ ਬੁੱਢਾ ਸਿੰਘ ਸਾਹਿਬ ਜੀ ਦੇ ਆਸ਼ੀਰਵਾਦ ਸਦਕਾ ਇਸ ਫਿਲਮ ਦੇ ਨਿਰਮਾਣ ਨਾਲ ਮਾਣ ਭਰੇ ਪੜਾਅ ਵੱਲ ਵਧੇ ਉਨਾਂ ਦੇ ਪ੍ਰੋਡੋਕਸ਼ਨ ਹਾਊਸਜ਼ ਅਧੀਨ ਕੇਵਲ ਅਜਿਹੀਆਂ ਫੈਮਲੀ ਉਰੀਐਂਨਟਿਡ ਫਿਲਮਜ਼ ਦਾ ਹੀ ਨਿਰਮਾਣ ਕੀਤਾ ਜਾਵੇਗਾ, ਜਿੰਨਾਂ ਨੂੰ ਪੂਰਾ ਪਰਿਵਾਰ ਇਕੱਠਿਆ ਬੈਠ ਕੇ ਵੇਖ ਸਕੇ ਅਤੇ ਨੌਜਵਾਨ ਵਰਗ ਇੰਨਾਂ ਤੋਂ ਵੀ ਸੇਧ ਲੈ ਸਕੇ।
Doorbeen
ਉਨਾਂ ਅੱਗੇ ਕਿਹਾ ਕਿ ਫੁੱਲ ਕਾਮੇਡੀ, ਰੋਮਾਟਿਕ ਅਤੇ ਸਮਾਜਿਕ ਮੈਸੇਜਾਂ ਨਾਲ ਔਤ ਪੋਤ ਇਹ ਫਿਲਮ ਇਸ ਸਿਨੇਮਾਂ ਦੀਆਂ ਬੇਹਤਰੀਣ ਫਿਲਮਜ਼ ਵਿਚ ਆਪਣਾ ਸ਼ੁਮਾਰ ਕਰਵਾਏਗੀ, ਜੋ ਇਸ ਗੱਲ ਦਾ ਵੀ ਸਿਹਰਾ ਹਾਸਿਲ ਕਰਨ ਜਾ ਰਹੀ ਹੈ ਕਿ ਇਸ ਨਾਲ ਜੁੜੇ ਜਿਆਦਾਤਰ ਟੀਮ ਮੈਂਬਰਜ਼ ਪਹਿਲੀ ਵਾਰ ਪ੍ਰਭਾਵੀ ਰੂਪ ਵਿਚ ਆਪਣੀ ਆਪਣੀ ਕਾਬਲੀਅਤ ਦਾ ਇਜ਼ਹਾਰ ਕਰਵਾਉਣ ਜਾ ਰਹੇ ਹਨ।
Doorbeen
ਉਨਾਂ ਦੱਸਿਆ ਕਿ ਫਿਲਮ ਦੇ ਲਈ ਬਤੌਰ ਸਿਨੇਮਾਟੋਗ੍ਰਾਫਰ ਆਪਣੀਆਂ ਸੇਵਾਵਾਂ ਦੇ ਰਹੇ ਮਨੋਜ਼ ਸਾਹ ਬਾਲੀਵੁੱਡ ਦੇ ਦਿਗਜ਼ ਕੈਮਰਾਮੈਨ ਵਜੋਂ ਆਪਣਾ ਮੁਕਾਮ ਰੱਖਦੇ ਹਨ, ਜੋ ਇਸ ਤੋਂ ਪਹਿਲਾ ਕਈ ਵੱਡੀਆਂ ਹਿੰਦੀ ਫਿਲਮਜ਼ ਦੀ ਫੋਟੋਗ੍ਰਾਫ਼ਰੀ ਕਰ ਚੁੱਕੇ ਹਨ, ਜਦਕਿ ਪੰਜਾਬੀ ਸਿਨੇਮਾਂ ਵਿਚ ਉਹ ਪਹਿਲੀ ਵਾਰ ਉਨਾਂ ਦੀ ਹੀ ਉਕਤ ਫਿਲਮ ਦੁਆਰਾ ਕਦਮ ਰੱਖਣ ਜਾ ਰਹੇ ਹਨ।
ਇਸ ਤੋਂ ਇਲਾਵਾ ਫਿਲਮ ਦੇ ਨੌਜਵਾਨ ਨਿਰਦੇਸ਼ਕ ਇਸ਼ਾਨ ਚੋਪੜਾ, ਜੋ ਵੀ ਲਹੋਰੀਏ, ਦਿਲ ਦੀ ਗੱਲਾਂ ਜਿਹੀਆਂ ਸ਼ਾਨਦਾਰ ਫਿਲਮਜ਼ ਬਤੌਰ ਐਸੋਸੀਏਟ ਨਿਰਦੇਸ਼ਕ ਕਰ ਚੁੱਕੇ ਹਨ, ਦੀ ਵੀ ਅਜਾਦ ਨਿਰਦੇਸ਼ਕ ਦੇ ਤੌਰ ਤੇ ਇਹ ਪਹਿਲੀ ਫਿਲਮ ਹੈ। ਉਨਾਂ ਦੱਸਿਆ ਕਿ ਇਸੇ ਸਾਲ ਮਈ ਮਹੀਨੇ ਵਰਲਡਵਾਈਡ ਰਿਲੀਜ਼ ਕੀਤੀ ਜਾ ਰਹੀ ਉਨਾਂ ਦੀ ਇਸ ਫਿਲਮ ਦਾ ਪਲਸ ਪੁਆਇੰਟ ਇਸ ਦਾ ਮਿਊਜਿਕ ਵੀ ਹੋਵੇਗਾ, ਜਿਸ ਦੇ ਗੀਤਾਂ ਸਬੰਧਤ ਫਿਲਮਾਂਕਣ ਨੂੰ ਖੂਬਸੂਰਤ ਰੂਪ ਦੇਣ ਵਿਚ ਹਿੰਦੀ ਫਿਲਮਾਂ ਦੇ ਮਸ਼ਹੂਰ ਕੋਰਿਓਗ੍ਰਾਫਰ ਰਾਕਾ ਵੀ ਖਾਸਾ ਅਤੇ ਸਿਰੜੀ ਯੋਗਦਾਨ ਪਾ ਰਹੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
