ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਹੀਆਂ ਕੁਝ ਤਸਵੀਰਾਂ ਪੁਰਾਣੀਆਂ ਹਨ।

RSFC (Team Mohali)- ਸੋਸ਼ਲ ਮੀਡੀਆ 'ਤੇ ਕੁਝ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ। ਇਨ੍ਹਾਂ ਤਸਵੀਰਾਂ ਵਿਚ ਨਦੀ ਦੇ ਕਿਨਾਰੇ ਦੀਵਿਆਂ ਨੂੰ ਬਲਦਿਆਂ ਵੇਖਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਤਸਵੀਰਾਂ ਅਯੋਧਿਆ ਵਿਖੇ ਹਾਲ ਵਿਚ ਮਨਾਈ ਗਈ ਦੀਵਾਲੀ ਦੀਆਂ ਹਨ। 

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਹੀਆਂ ਕੁਝ ਤਸਵੀਰਾਂ ਪੁਰਾਣੀਆਂ ਹਨ। ਹਾਲਾਂਕਿ ਇਸ ਵਾਰ ਪੂਰੇ ਧੂਮ-ਧਾਮ ਅਯੋਧਿਆ ਵਿਖੇ ਦੀਵਾਲੀ 'ਤੇ ਦੀਪੋਤਸਵ ਮਨਾਇਆ ਗਿਆ ਹੈ। 

ਵਾਇਰਲ ਪੋਸਟ

ਕੇਂਦਰੀ ਰਾਜ ਮੰਤਰੀ "Prahlad Singh Patel" ਨੇ ਵੀ ਇਨ੍ਹਾਂ ਤਸਵੀਰਾਂ ਨੂੰ ਸਾਂਝਾ ਕੀਤਾ। ਉਨ੍ਹਾਂ ਨੇ ਤਸਵੀਰਾਂ ਨੂੰ ਸ਼ੇਅਰ ਕਰਦਿਆਂ ਲਿਖਿਆ, "अयोध्या की दिवाली के मनमोहक चित्र।"

ਇਸ ਪੋਸਟ ਨੂੰ ਹੇਠਾਂ ਕਲਿਕ  ਕਰ ਵੇਖਿਆ ਜਾ ਸਕਦਾ ਹੈ।

अयोध्या की दिवाली के मनमोहक चित्र। pic.twitter.com/CFn1NFg4hq

— Prahlad Singh Patel (@prahladspatel) November 4, 2021

ਪੜਤਾਲ

ਇਨ੍ਹਾਂ ਤਸਵੀਰਾਂ ਦੀ ਪੜਤਾਲ ਅਸੀਂ ਇੱਕ-ਇੱਕ ਕਰਕੇ ਗੂਗਲ ਰਿਵਰਸ ਇਮੇਜ ਨਾਲ ਸ਼ੁਰੂ ਕੀਤੀ।

ਪਹਿਲੀ ਤਸਵੀਰ

ਸਾਨੂੰ ਇਹ ਤਸਵੀਰ ਇੰਡਸ ਸਕਰੋਲ ਦੁਆਰਾ ਅਕਤੂਬਰ 26, 2019 ਨੂੰ ਪ੍ਰਕਾਸ਼ਿਤ ਇਕ ਆਰਟੀਕਲ ਵਿੱਚ ਮਿਲੀ। ਮਤਲਬ ਇਹ ਤਸਵੀਰ ਹਾਲੀਆ ਨਹੀਂ ਹੈ।

First Image

ਦੂਜੀ ਤਸਵੀਰ

ਦੂਜੀ ਤਸਵੀਰ ਸਾਨੂੰ Hindustan Times ਦੀ ਇੱਕ ਹਾਲੀਆ ਰਿਪੋਰਟ ਵਿਚ ਪ੍ਰਕਾਸ਼ਿਤ ਮਿਲੀ। ਇਸ ਤਸਵੀਰ ਨੂੰ ਸ਼ੇਅਰ ਕਰਦਿਆਂ ਕੈਪਸ਼ਨ ਲਿਖਿਆ ਗਿਆ, "On the occasion of Deepotsav, out of 12 lakh diyas, 9,51,000 earthen lamps were lit on the bank of the Saryu river in Ayodhya.  (HT Photo)"

Second Image (Latest)

ਮਤਲਬ ਇਹ ਤਸਵੀਰ ਹਾਲ ਦੀ ਹੀ ਹੈ।

ਤੀਜੀ ਤਸਵੀਰ

ਇਹ ਤਸਵੀਰ ਸਾਨੂੰ 26 ਅਕਤੂਬਰ 2019 ਦੇ ਇੱਕ ਮੀਡੀਆ ਰਿਪੋਰਟ ਵਿਚ ਮਿਲੀ। ਮੀਡੀਆ ਪੋਰਟਲ ਰੈਡਿਫ ਦੁਆਰਾ ਪ੍ਰਕਾਸ਼ਿਤ ਇੱਕ ਆਰਟੀਕਲ ਵਿਚ ਇਸਦਾ ਇਸਤੇਮਾਲ ਕੀਤਾ ਗਿਆ ਸੀ।

Third Image

ਮਤਲਬ ਇਹ ਤਸਵੀਰ ਵੀ ਹਾਲੀਆ ਨਹੀਂ ਹੈ।

ਚੌਥੀ ਤਸਵੀਰ

ਸਾਨੂੰ ਇਹ ਤਸਵੀਰ freepressjournal.in ਦੁਆਰਾ 24 ਸਿਤੰਬਰ 2019 ਨੂੰ ਪ੍ਰਕਾਸ਼ਿਤ ਇਕ ਆਰਟੀਕਲ ਵਿਚ ਮਿਲੀ। ਇਸ ਤਸਵੀਰ ਲਈ ਕ੍ਰੈਡਿਟ ਮੀਡੀਆ ਏਜੰਸੀ ਪੀਟੀਆਈ ਨੂੰ ਦਿੱਤੇ ਗਏ ਹਨ।

Fourth Image

ਮਤਲਬ ਸਾਫ ਸੀ ਕਿ ਇਹ ਤਸਵੀਰ ਵੀ ਹਾਲੀਆ ਨਹੀਂ ਹੈ।

ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਹੀਆਂ ਕੁਝ ਤਸਵੀਰਾਂ ਪੁਰਾਣੀਆਂ ਹਨ। ਹਾਲਾਂਕਿ ਇਸ ਵਾਰ ਪੂਰੇ ਧੂਮ-ਧਾਮ ਅਯੋਧਿਆ ਵਿਖੇ ਦੀਵਾਲੀ 'ਤੇ ਦੀਪੋਤਸਵ ਮਨਾਇਆ ਗਿਆ ਹੈ।

Claim- Latest images of Diwali celebration from Ayodhya
Claimed By- Union Minitser Prahlad Singh Patel
Fact Check- Misleading