ਇੰਡੀਅਨ ਐਗਰੀਕਲਚਰ ਰਿਸਰਚ ਇੰਸਟੀਚਿਊਟ ਨੇ ਤਿਆਰ ਕੀਤਾ ਕੈਪਸੂਲ
ਨਵੀਂ ਦਿੱਲੀ: ਪਿਛਲੇ ਸਾਲ ਇੰਡੀਅਨ ਐਗਰੀਕਲਚਰ ਰਿਸਰਚ ਇੰਸਟੀਚਿਊਟ (IARI) ਨੇ ਇਕ ਅਜਿਹਾ ਕੈਪਸੂਲ ਤਿਆਰ ਕੀਤਾ ਹੈ ਜੋ ਪਰਾਲੀ ਸਾੜਨ ਦੀ ਸਮੱਸਿਆ ਨੂੰ ਹਮੇਸ਼ਾਂ ਲਈ ਖਤਮ ਕਰ ਸਕਦਾ ਹੈ। ਸਿਰਫ਼ ਇਹੀ ਨਹੀਂ ਇਸ ਕੈਪਸੂਲ ਦੀ ਮਦਦ ਨਾਲ ਪਰਾਲ਼ੀ ਨੂੰ ਅਸਾਨੀ ਨਾਲ ਜੈਵਿਕ ਖਾਦ ਵਿਚ ਬਦਲਿਆ ਜਾ ਸਕਦਾ ਹੈ।
5 Rs.Capsule Will Solve Stubble Burning Problem
ਇਸ ਕੈਪਸੂਲ ਦੀ ਮਦਦ ਨਾਲ ਪਰਾਲੀ ਸਾੜਨ ਦੀ ਸਮੱਸਿਆ ਖਤਮ ਹੋਣ ਤੋਂ ਇਲਾਵਾ ਜ਼ਮੀਨ ਵੀ ਉਪਜਾਊ ਬਣ ਜਾਵੇਗੀ ਅਤੇ ਹਵਾ ਪ੍ਰਦੂਸ਼ਣ ਘੱਟ ਕਰਨ ਵਿਚ ਵੀ ਮਦਦ ਮਿਲੇਗੀ। ਸਭ ਤੋਂ ਖ਼ਾਸ ਗੱਲ ਇਹ ਹੈ ਕਿ ਇਸ ਕੈਪਸੂਲ ਦੀ ਕੀਮਤ ਸਿਰਫ਼ 5 ਰੁਪਏ ਹੈ, ਇਸ ਕਾਰਨ ਕੋਈ ਗਰੀਬ ਤੋਂ ਗਰੀਬ ਕਿਸਾਨ ਵੀ ਇਸ ਨੂੰ ਅਸਾਨੀ ਨਾਲ ਖਰੀਦ ਸਕਦਾ ਹੈ।
Stubble Burning
ਦੇਸ਼ ਦੇ ਜ਼ਿਆਦਾਤਰ ਕਿਸਾਨ ਇਸ ਕੈਪਸੂਲ ਤੋਂ ਅਣਜਾਣ ਹਨ। ਇਹ ਕੈਪਸੂਲ ਪਰਾਲੀ ਨੂੰ ਜੈਵਿਕ ਖਾਦ ਵਿਚ ਤਬਦੀਲ ਕਰਨ ਦਾ ਸਭ ਤੋਂ ਸਸਤਾ ਅਤੇ ਅਸਾਨ ਤਰੀਕਾ ਹੈ। ਇਕ ਏਕੜ ਜ਼ਮੀਨ ਦੀ ਪਰਾਲੀ ਲਈ ਸਿਰਫ਼ 4 ਕੈਪਸੂਲ ਦੀ ਲੋੜ ਪੈਂਦੀ ਹੈ।
Stubble
ਇੰਡੀਅਨ ਐਗਰੀਕਲਚਰ ਰਿਸਰਚ ਇੰਸਟੀਚਿਊਟ ਪੂਸਾ ਦੇ ਮਾਇਕ੍ਰੋਬਾਇਓਲਾਜੀ ਦੇ ਵਿਗਿਆਨੀ ਡਾਕਟਰ ਵਾਈ ਵੀ ਸਿੰਘ ਨੇ ਕਿਹਾ ਹੈ ਕਿ ਇਸ ਕੈਪਸੂਲ ਦਾ ਕੋਈ ਸਾਈਡ ਇਫੈਕਟ ਨਹੀਂ ਹੈ ਅਤੇ ਇਹ ਪਰਾਲੀ ਨੂੰ ਸਾੜ ਕੇ ਉਸ ਨੂੰ ਕੰਪੋਸਟ ਵਿਚ ਬਦਲ ਦਿੰਦਾ ਹੈ। ਉਹਨਾਂ ਨੇ ਕਿਹਾ ਕਿ ਇਸ ਕੈਪਸੂਲ ਨੂੰ ਬਣਾਉਣ ਲਈ ਵਿਗਿਆਨੀਆਂ ਨੂੰ 15 ਸਾਲ ਦਾ ਸਮਾਂ ਲੱਗਿਆ ਹੈ।
5 Rs.Capsule Will Solve Stubble Burning Problem
ਕਿਸ ਤਰ੍ਹਾਂ ਕੀਤੀ ਜਾਵੇ ਕੈਪਸੂਲ ਦੀ ਵਰਤੋਂ
- ਖੇਤੀਬਾੜੀ ਵਿਗਿਆਨੀ ਡਾਕਟਰ ਵਾਈ ਵੀ ਸਿੰਘ ਨੇ ਕਿਹਾ ਕਿ ਇਕ ਏਕੜ ਜ਼ਮੀਨ ਲਈ 150 ਗ੍ਰਾਮ ਗੁੜ ਲਓ ਅਤੇ ਇਸ ਨੂੰ ਪਾਣੀ ਵਿਚ ਉਬਾਲ ਕੇ ਰੱਖੋ। ਇਸ ਦੌਰਾਨ ਨਿਕਲਣ ਵਾਲੀ ਗੰਦਗੀ ਨੂੰ ਸੁੱਟ ਦਿਓ।
-ਗੁੜ ਦੇ ਘੋਲ ਨੂੰ ਠੰਢਾ ਹੋਣ ਲਈ ਰੱਖੋ ਅਤੇ ਇਸ ਵਿਚ 5 ਲੀਟਰ ਪਾਣੀ ਮਿਲਾਓ। ਇਸ ਦੇ ਨਾਲ ਹੀ ਇਸ ਵਿਚ 50 ਗ੍ਰਾਮ ਵੇਸਣ ਮਿਲਾਓ।
-ਇਸ ਤੋਂ ਬਾਅਦ 4 ਕੈਪਸੂਲ ਇਸ ਘੋਲ ਵਿਚ ਚੰਗੀ ਤਰ੍ਹਾਂ ਮਿਲਾਓ, ਇਸ ਦੇ ਲਈ ਪਲਾਸਟਿਕ ਜਾਂ ਮਿੱਟੀ ਦੇ ਬਰਤਨ ਦੀ ਵਰਤੋਂ ਕਰੋ।
5 Rs.Capsule Will Solve Stubble Burning Problem
-ਇਸ ਘੋਲ ਨੂੰ ਕਿਸੇ ਗਰਮ ਜਗ੍ਹਾ 'ਤੇ ਘੱਟੋ ਘੱਟ 5 ਦਿਨਾਂ ਲਈ ਰੱਖੋ। ਅਜਿਹਾ ਕਰਨ ਨਾਲ ਬਰਤਨ ਵਿਚ ਘੋਲ ਉੱਪਰ ਇਕ ਪਰਤ ਬਣ ਜਾਵੇਗੀ। ਇਸ ਨੂੰ ਚੰਗੀ ਤਰ੍ਹਾਂ ਮਿਲਾ ਦਿਓ।
-ਪਾਣੀ ਮਿਲਾਉਂਦੇ ਸਮੇਂ ਮਾਸਕ ਅਤੇ ਦਸਤਾਨੇ ਪਾਉਣਾ ਨਾ ਭੁੱਲੋ।
-ਪਾਣੀ ਮਿਲਾਉਣ ਤੋਂ ਬਾਅਦ ਇਹ ਘੋਲ ਵਰਤੋਂ ਲਈ ਤਿਆਰ ਹੋ ਜਾਵੇਗਾ। ਪੰਜ ਲੀਟਰ ਦੇ ਇਸ ਘੋਲ ਵਿਚ 10 ਕੁਇੰਟਲ ਪਰਾਲੀ ਨੂੰ ਕੰਪੋਸਟ ਕਰਨ ਦੀ ਸਮਰੱਥਾ ਹੁੰਦੀ ਹੈ।
