ਅਮ੍ਰਿੰਤਸਰ ਦੇ ਪਿੰਡ ਘੋਗਾ ਵਿਖੇ 61 ਸਾਲਾ ਪ੍ਰਗਟ ਸਿੰਘ ਨੇ ਇਕ ਏਕੜ ਜ਼ਮੀਨ ਦੀ 12 ਘੰਟੇ ਵਿਚ ਕਰਟਾਈ ਕਰਕੇ ਨਵਾਂ ਰਿਕਾਰਡ ਪੈਦਾ ਕਰ ਦਿੱਤਾ ਹੈ।
ਅਮ੍ਰਿੰਤਸਰ ਦੇ ਪਿੰਡ ਘੋਗਾ ਵਿਖੇ 61 ਸਾਲਾ ਪ੍ਰਗਟ ਸਿੰਘ ਨੇ ਇਕ ਏਕੜ ਜ਼ਮੀਨ ਦੀ 12 ਘੰਟੇ ਵਿਚ ਕਰਟਾਈ ਕਰਕੇ ਨਵਾਂ ਰਿਕਾਰਡ ਪੈਦਾ ਕਰ ਦਿੱਤਾ ਹੈ। ਦਹਾਕੇ ਕੁ ਪਹਿਲਾਂ ਅਜਿਹੀਆਂ ਚੁਣੋਤੀਆਂ ਪੇਂਡੂ ਖੇਤਰਾਂ ਵਿਚ ਪ੍ਰਸਿੱਧ ਸਨ, ਪਰ ਅੱਜ ਕੱਲ ਅਜਿਹਾ ਘੱਟ ਹੀ ਦੇਖਣ ਵਿਚ ਆਉਂਦਾ ਹੈ। ਜ਼ਿਕਰਯੋਗ ਹੈ ਕਿ ਪ੍ਰਗਟ ਸਿੰਘ ਨੂੰ ਨੇੜਲੇ ਪਿੰਡਾਂ ਵਿਚੋਂ ਕੋਈ ਵੀ ਅਜਿਹਾ ਵਿਅਕਤੀ ਨਹੀਂ ਮਿਲਿਆ ਜਿਹੜਾ 12 ਘੰਟੇ ਵਿਚ ਇਕ ਏਕੜ ਦੀ ਵਢਾਈ ਕਰ ਸਕੇ, ਅਤੇ ਉਸ ਦੀ ਚਣੋਤੀ ਨੂੰ ਸਵਿਕਾਰ ਕਰ ਸਕੇ।
Farmer
ਇਸ ਤੇ ਪ੍ਰਗਟ ਸਿੰਘ ਦਾ ਕਹਿਣਾ ਹੈ ਕਿ ਇਲਾਕੇ ਵਿਚ ਉਸ ਦਾ ਕੋਈ ਵੀ ਮੁਕਾਬਲਾ ਕਰਨ ਵਾਲਾ ਨਹੀਂ ਹੈ, ਇਸ ਲਈ ਇਹ ਇਕ ਸ਼ੋਅਮੈਚ ਵਰਗਾ ਸੀ, ਪਰ ਮੈਂ ਹਰ ਸਾਲ ਵਾਢੀ ਦੇ ਸੀਜ਼ਨ ਵਿਚ ਇਹ ਚੁਣੋਤੀ ਲੈਂਦਾ ਹਾਂ ਅਤੇ ਸਵੇਰ ਤੋਂ ਸ਼ਾਮ ਤੱਕ ਇਕ ਏਕੜ ਕਣਕ ਵੱਢ ਦਿੰਦਾਂ ਹਾਂ, ਮੈਂ ਐਤਵਾਰ ਨੂੰ ਸਵੇਰੇ ਕਰੀਬ 6 ਵਜੇ ਵਾਢੀ ਸ਼ੁਰੂ ਕੀਤੀ ਅਤੇ ਸ਼ਾਮ 6:30 ਤੱਕ ਇਸ ਨੂੰ ਪੂਰਾ ਕਰ ਦਿੱਤਾ। ਮੈਂ ਇਸ ਸਮੇਂ ਵਿਚ ਖਾਣੇ ਅਤੇ ਚਾਹ ਲਈ ਵੀ ਰੁਕਿਆ ਸੀ। ਭਾਂਵੇ ਕਿ ਇਹ ਕਾਫੀ ਔਖਾ ਹੈ, ਪਰ ਮੈਂਨੂੰ ਇਸਨੂੰ ਕਰਨ ਵਿਚ ਵਧੀਆਂ ਲਗਦਾ ਹੈ, ਇਹ ਮੇਰਾ ਇਕ ਸ਼ੌਂਕ ਹੈ।
farmers
ਦੱਸ ਦੱਈਏ ਕਿ ਪ੍ਰਗਟ ਸਿੰਘ ਦੀ ਇਕ ਵੀਡੀਓ ਵੀ ਵਾਇਰਲ ਹੋ ਰਹੀ ਹੈ, ਜਿਸ ਵਿਚ ਉਹ ਸ਼ਾਮ ਨੂੰ ਆਪਣੀ ਚਣੌਤੀ ਪੂਰੀ ਕਰਨ ਵਾਲਾ ਸੀ ਅਤੇ ਉੱਥੇ ਕਈ ਪਿੰਡ ਵਾਸੀ ਉਸ ਨੂੰ ਪ੍ਰੇਰਿਤ ਕਰਨ ਲਈ ਮੌਜੂਦ ਸਨ। ਇਸ ਬਾਰੇ ਪ੍ਰਗਟ ਸਿੰਘ ਨੇ ਦੱਸਿਆ ਕਿ ਜਦੋਂ ਮੈਂ ਆਪਣਾ ਕੰਮ ਪੂਰਾ ਕੀਤਾ ਤਾਂ ਕਈ ਲੋਕਾਂ ਨੇ ਮੇਰੀ ਸ਼ਲਾਘਾ ਕੀਤੀ ਅਤੇ ਕਈਆਂ ਨੇ ਮੈਂਨੂੰ ਪੈਸੇ ਵੀ ਦਿੱਤੇ। ਇਹ ਉਨ੍ਹਾਂ ਲਈ ਇਕ ਕਿਸਮ ਦਾ ਮਨੋਰੰਜਨ ਹੈ। ਉਸ ਨੇ ਦੱਸਿਆ ਕਿ ਇਹ ਕੰਮ ਦਿਨ ਵਿਚ 4 ਤੋਂ 5 ਵਿਅਕਤੀ ਦੇ ਦੁਆਰਾ ਹੋ ਸਕਦਾ ਹੈ ਅਤੇ ਅੱਜ ਦੇ ਨੌਜਵਾਨ ਤਾਂ ਇਸ ਨੂੰ ਕਰਨ ਦੀ ਕਲਪਨਾ ਵੀ ਨਹੀਂ ਕਰ ਸਕਦੇ।
File
ਪ੍ਰਗਟ ਸਿੰਘ ਨੇ ਦੱਸਿਆ ਕਿ ਮੈਂ ਇਸ ਦੀ ਸ਼ੁਰੂਆਤ ਛੋਟੀ ਉਮਰ ਤੋਂ ਕੀਤੀ ਸੀ, ਪਰ ਮੈਂ ਪਿਛਲੇ 7 ਸਾਲਾ ਤੋਂ ਇਸ ਚਣੋਤੀ ਨੂੰ ਨਹੀਂ ਕੀਤਾ ਸੀ। ਇੰਨੇ ਸਾਲਾ ਦੇ ਵਿਚ ਕਿਸੇ ਨੇ ਮੈਂਨੂੰ ਤਾਕਤ ਦਿਖਾਉਂਣ ਲਈ ਨਹੀਂ ਕਿਹਾ, ਪਰ ਇਸ ਵਾਰ ਮੇਰੇ ਪਿੰਡ ਦੇ ਕੁਝ ਮਜ਼ਦੂਰ ਸਾਥੀਆਂ ਨੇ ਕਿਹਾ ਕਿ ਸਿਆਣੀ ਉਮਰ ਕਰਕੇ ਤੂੰ ਇਸ ਤਰ੍ਹਾਂ ਨਹੀਂ ਕਰ ਸਕੇਗਾਂ। ਮੈਂ ਉਨ੍ਹਾਂ ਦੀ ਗੱਲ ਤੇ ਹੱਸਿਆ ਤੇ ਫਿਰ ਤੋਂ ਇਸ ਚੁਣੋਤੀ ਨੂੰ ਲਿਆ। ਇਸ ਦੇ ਨਾਲ ਹੀ ਮੈਂ ਪਿਛਲੇ ਕੁਝ ਮਹੀਨਿਆਂ ਤੋਂ 5 ਕਿਲੋ ਦੇਸੀ ਘਿਉ ਖਪਤ ਕਰ ਦਿੱਤਾ ਹੈ।
Punjab Farmer
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
