ਜੇ ਕਾਂਗਰਸ ਪਾਰਟੀ ਵਿਰੋਧ ਵਿਚ ਹੁੰਦੀ ਤਾਂ ਉਹ ਜਨ ਅੰਦੋਲਨ...
ਚੰਡੀਗੜ੍ਹ: ਪੰਜਾਬੀ ਕਿਸਾਨੀ ਦਾਅ ਤੇ ਲੱਗੀ ਹੋਈ ਤੇ ਲਗਾਤਾਰ ਸਵਾਲ ਉੱਠ ਰਹੇ ਹਨ। ਆਖਰਕਾਰ ਜੋ ਆਰਡੀਨੈਂਸ ਲਿਆਂਦੇ ਗਏ ਹਨ ਉਹਨਾਂ ਦੇ ਨਤੀਜੇ ਕੀ ਨਿਕਲਦੇ ਹਨ, ਵਿਰੋਧੀ ਲਗਾਤਾਰ ਕਹਿ ਰਹੇ ਹਨ ਕਿ ਪੰਜਾਬੀ ਕਿਸਾਨੀ ਕਾਰਪੋਰੇਟ ਘਰਾਣਿਆਂ ਦੇ ਹੱਥਾਂ ਵਿਚ ਦੇਣ ਦੀ ਜੋ ਤਿਆਰੀਆਂ ਚਲ ਰਹੀਆਂ ਸਨ ਉਹਨਾਂ ਵੱਲ ਕਦਮ ਚੁੱਕਣੇ ਸ਼ੁਰੂ ਕਰ ਦਿੱਤੇ ਹਨ।
Simarjit Singh Bains
ਇਸ ਮੁੱਦੇ ਤੇ ਲੋਕ ਇਨਸਾਫ ਪਾਰਟੀ ਦੇ ਪ੍ਰਧਾਨ ਸਿਮਰਜੀਤ ਸਿੰਘ ਬੈਂਸ ਨਾਲ ਸਪੋਕਸਮੈਨ ਟੀਮ ਵੱਲੋਂ ਵਿਸ਼ੇਸ਼ ਗੱਲਬਾਤ ਕੀਤੀ ਗਈ। ਉਹਨਾਂ ਦਸਿਆ ਕਿ 22 ਜੂਨ ਨੂੰ ਉਹ ਹਰਿਮੰਦਰ ਸਾਹਿਬ ਤੇ ਜ਼ਿਲ੍ਹਿਆਂਵਾਲੇ ਬਾਗ਼ ਵਿਚ ਨਤਮਸਤਕ ਹੋ ਕੇ ਰੈਲੀ ਦੀ ਸ਼ੁਰੂਆਤ ਕਰਨਗੇ। ਇਸ ਵਿਚ 50 ਸਾਈਕਲਿਸਟ ਸ਼ਾਮਲ ਹੋਣਗੇ ਤਾਂ ਕਿ ਸੋਸ਼ਲ ਡਿਸਟੈਂਸ ਬਣਿਆ ਰਹੇ।
Simarjit Singh Bains
ਪਹਿਲੇ ਪੜਾਅ ਵਿਚ ਉਹ ਰਾਤ ਨੂੰ ਬਿਆਸ ਰੁਕਣਗੇ, ਦੂਜੇ ਪੜਾਅ ਵਿਚ ਜਲੰਧਰ, ਤੀਜੀ ਰਾਤ ਖਟਕੜ ਕਲਾਂ ਅਤੇ ਚੌਥੀ ਰਾਤ ਉਹ ਟਿੱਬੀ ਸਾਹਿਬ ਰੋਪੜ ਰੁਕਣਗੇ। ਉਹਨਾਂ ਵੱਲੋਂ ਮੁੱਖ ਮੰਤਰੀ ਨੂੰ ਮੰਗ ਪੱਤਰ ਦਿੱਤਾ ਜਾਵੇਗਾ। ਇਹ ਰੋਸ ਯਾਤਰਾ ਲੋਕਾਂ ਨੂੰ ਜਾਗਰੂਕ ਕਰੇਗੀ ਕਿ ਇਹ ਕਾਨੂੰਨ ਕਿੰਨਾ ਖਤਰਨਾਕ ਹੈ ਜੇ ਇਹ ਕਾਨੂੰਨ ਲਾਗੂ ਹੁੰਦਾ ਹੈ ਤਾਂ ਪੰਜਾਬ ਵਿਚ 12 ਸਾਲਾਂ ਵਿਚ ਕਿਸਾਨ ਭੂਮੀਰਹਿਤ ਹੋ ਜਾਣਾ ਹੈ।
Sukhbir Badal
ਕਾਰਪੋਰੇਟ ਵੱਲੋਂ ਕੌਡੀਆਂ ਦੇ ਭਾਅ ਜ਼ਮੀਨ ਖਰੀਦੀ ਜਾਵੇਗੀ ਤੇ ਬੈਂਕਾਂ ਕੋਲ ਜ਼ਮੀਨ ਗਹਿਣੇ ਪਈ ਹੈ। ਅਕਾਲੀ ਦਲ ਐਮਐਸਪੀ ਕਿਤਾਬਾਂ ਵਿਚ ਲਿਖਵਾ ਲਵੇ। ਐਮਐਸਪੀ ਤਾਂ ਦਾਲਾਂ ਵੀ ਲਿਖੀ ਹੋਈ ਹੈ ਪਰ ਕੀ ਦਾਲਾਂ ਵੀ ਐਮਐਸਪੀ ਤੇ ਵਿਕੀਆਂ ਹਨ। ਸਰਕਾਰ ਵਿਚ ਜੇ ਜਿੰਨੀ ਵੀ ਪਾਵਰ ਹੈ ਤਾਂ ਉਹ ਗੰਨਾ ਮਿਲ ਮਾਲਕ ਤੋਂ ਪੈਸੇ ਦਵਾ ਦੇਵੇ। ਅਡਾਨੀ ਵਰਗਿਆਂ ਤੋਂ ਪੈਸੇ ਦਵਾਉਣੇ ਸਰਕਾਰ ਦਾ ਸੁਪਨਾ ਲੈਣਾ ਵੀ ਦੂਰ ਦੀ ਗੱਲ ਹੈ।
Captain Aamrinder Singh
ਜੇ ਕਾਂਗਰਸ ਪਾਰਟੀ ਵਿਰੋਧ ਵਿਚ ਹੁੰਦੀ ਤਾਂ ਉਹ ਜਨ ਅੰਦੋਲਨ, ਫਤਿਹਗੜ੍ਹ ਸਾਹਿਬ ਰੈਲੀਆਂ ਕਰਦੀ, ਪ੍ਰਧਾਨ ਮੰਤਰੀ ਦਫ਼ਤਰ ਦੇ ਬਾਹਰ ਪ੍ਰਦਰਸ਼ਨ ਕਰਦੀ ਪਰ ਉਹ ਭੁੱਲ ਗਏ ਕਿ ਉਹ ਪਾਵਰ ਵਿਚ ਹਨ। 115 ਐਮਐਲਏ ਇਕ ਪਾਸੇ ਖੜ੍ਹੇ ਹਨ ਕਿ ਇਸ ਕਾਲੇ ਕਾਨੂੰਨ ਦਾ ਭੋਗ ਪਾ ਦਿਓ, ਭਾਜਪਾ ਦੇ ਸਿਰਫ ਦੋ ਵਿਧਾਇਕਾਂ ਨੂੰ ਛੱਡ ਕੇ।
Narendra Modi
ਪੰਜਾਬ ਵਿਧਾਨ ਸਭਾ ਦਾ ਹੰਗਾਮੀ ਸੈਸ਼ਨ ਕਿਉਂ ਨਹੀਂ ਬੁਲਾਇਆ ਜਾਂਦਾ, ਇਸ ਕਾਲੇ ਕਾਨੂੰਨ ਦਾ ਭੋਗ ਪਾ ਕੇ ਕੇਂਦਰ ਕੋਲ ਫਿਰ ਤੋਂ ਜਾਣ, ਫਿਰ ਤਾਂ ਉਹ ਮੰਨ ਲੈਣਗੇ ਕਿ ਕਾਂਗਰਸ ਰਾਜਨੀਤੀ ਲਈ ਨਹੀਂ ਸਗੋਂ ਪੰਜਾਬ ਦੇ ਕਿਸਾਨ ਵਾਸਤੇ ਉੱਤੇ ਉਠ ਕੇ ਤੁਰੀ ਹੈ। ਜੇ ਕਿਸਾਨ ਦੀ ਆਰਥਿਕ ਹਾਲਤ ਸਹੀ ਹੈ ਤਾਂ ਹੀ ਲੋਕਾਂ ਨੇ ਵਿਕਾਸ ਕਰਨਾ ਹੈ ਤਾਂ ਹੀ ਵਪਾਰ ਸੰਭਵ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
