ਬਰਸਾਤੀ ਮਟਰ ਨੂੰ ਬੀਜਣ ਲਈ ਮੱਧ ਉਚਾਈ ਵਾਲੇ ਕਿਸਾਨਾਂ ਦਾ ਇੰਤਜ਼ਾਰ ਖਤਮ ਹੋ ਗਿਆ ਹੈ
ਬਰਸਾਤੀ ਮਟਰ ਨੂੰ ਬੀਜਣ ਲਈ ਮੱਧ ਉਚਾਈ ਵਾਲੇ ਕਿਸਾਨਾਂ ਦਾ ਇੰਤਜ਼ਾਰ ਖਤਮ ਹੋ ਗਿਆ ਹੈ। ਖੇਤੀ ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਇਹ ਮੌਸਮ ਮਟਰ ਦੀ ਬਿਜਾਈ ਲਈ ਉਤਮ ਹੈ। ਭਾਰੀ ਬਰਸਾਤ ਹੋਣ ਕਾਰਨ ਮਿੱਟੀ ਪੂਰੀ ਗਿੱਲੀ ਹੋ ਗਈ ਸੀ ਅਤੇ ਅਜਿਹੇ ਵਿਚ ਮਟਰ ਦੀ ਬਿਜਾਈ ਕਰਨਾ ਨੁਕਸਾਨਦਾਇਕ ਹੋ ਸਕਦਾ ਸੀ। ਅਜਿਹੇ ਵਿਚ ਕਿਸਾਨਾਂ ਨੇ ਹੁਣ ਤਕ ਮਟਰ ਦੀ ਬਿਜਾਈ ਨਹੀਂ ਕੀਤੀ ਸੀ।
Peas
ਇਹਨਾਂ ਦਿਨਾਂ ਵਿਚ ਮਟਰ ਦੀ ਬਿਜਾਈ ਲਈ ਬਹੁਤ ਵਧੀਆ ਮੌਸਮ ਹੈ। ਇਸ ਦੇ ਚਲਦੇ ਮਟਰ ਬੀਜਣ ਨਾਲ ਕੀਟਾਂ ਤੋਂ ਵੀ ਸੁਰੱਖਿਆ ਮਿਲੇਗੀ। ਖੇਤੀ ਵਿਭਾਗ ਦੀ ਮੰਨੀਏ ਤਾਂ ਮਟਰ ਦੀ ਬਿਜਾਈ ਲਈ ਮਿੱਟੀ ਦੀ ਜਾਂਚ ਕਰਨਾ ਜ਼ਰੂਰੀ ਹੈ। ਕਿਸਾਨਾਂ ਨੂੰ ਖੇਤੀ ਵਿਚ ਘਟ ਤੋਂ ਘਟ ਰਸਾਇਣਾਂ ਦਾ ਇਸਤੇਮਾਲ ਕਰਨਾ ਹੋਵੇਗਾ। ਬਰਸਾਤ ਤੋਂ ਬਾਅਦ ਖੇਤਾਂ ਵਿਚ ਵੱਧ ਨਮੀ ਹੋ ਗਈ ਹੈ ਅਤੇ ਰਸਾਇਣਾਂ ਦੇ ਕਾਰਨ ਨਮੀ ਵਿਚ ਕੀਟਾਂ ਦਾ ਖ਼ਤਰਾ ਵੀ ਬਣਿਆ ਹੋਇਆ ਹੈ।
Peas
ਅਜਿਹੇ ਵਿਚ ਕਿਸਾਨਾਂ ਨੂੰ ਕੁਦਰਤੀ ਖੇਤੀ ਕਰਨ ਨਾਲ ਹੀ ਬਰਸਾਤੀ ਮਟਰ ਦੀ ਚੰਗੀ ਪੈਦਾਵਾਰ ਮਿਲ ਸਕਦੀ ਹੈ। ਇਸ ਤੋਂ ਇਲਾਵਾ ਜਿਹਨਾਂ ਖੇਤਰਾਂ ਵਿਚ ਬਰਸਾਤ ਦੇ ਕਾਰਨ ਮਟਰ ਦੀ ਖੇਤੀ ਨਸ਼ਟ ਹੋ ਗਈ ਸੀ ਉੱਥੇ ਵੀ ਮਟਰ ਦੀ ਬਿਜਾਈ ਕਰ ਸਕਦੇ ਹਨ। ਮਟਰ ਬੀਜ ਨੂੰ ਗੁੜ ਦੇ ਘੋਲ ਵਿਚ ਡੋਬ ਕੇ ਬਿਜਾਈ ਕਰਨ ਨੂੰ ਰਾਇਜੋਬਿਅਮ ਨਾਮ ਦਿੱਤਾ ਗਿਆ ਹੈ। ਖੇਤੀ ਵਿਭਾਗ ਦੀ ਮੰਨੀਏ ਤਾਂ ਇਹ ਪ੍ਰਕਿਰਿਆ ਮਿੱਟੀ ਅਤੇ ਬੀਜ ਲਈ ਫਾਇਦੇਮੰਦ ਹੁੰਦੀ ਹੈ।
Peas
ਇਸ ਪ੍ਰਕਿਰਿਆ ਨਾਲ ਕਿਸਾਨਾਂ ਨੂੰ ਵਧ ਪੈਦਾਵਾਰ ਮਿਲ ਸਕਦੀ ਹੈ। ਜੇ ਖੇਤਾਂ ਨੂੰ ਗੋਹੇ ਦੀ ਸਹੀ ਮਾਤਰਾ ਨਾ ਮਿਲੀ ਹੋਵੇ ਤਾਂ ਰਾਈਜੋਬਿਅਮ ਗੋਬਰ ਦੀ ਕਮੀ ਨੂੰ ਵੀ ਦੂਰ ਦਿੰਦਾ ਹੈ। ਬਰਸਾਤੀ ਮਟਰ ਦੀ ਖੇਤੀ ਤਿਆਰ ਕਰਨ ਵਾਲੇ ਕਿਸਾਨਾਂ ਨੂੰ ਪਹਿਲੀ ਮਿੱਟੀ ਦੀ ਜਾਂਚ ਕਰਵਾਉਣੀ ਹੁੰਦੀ ਹੈ। ਜੇ ਮਿੱਟੀ ਵਿਚ ਟ੍ਰਾਈਕੋਡੂਮਰਾ ਦੀ ਕਮੀ ਪਾਈ ਜਾਂਦੀ ਹੈ ਤਾਂ ਖੇਤਾਂ ਵਿਚ ਗੋਬਰ ਦੇ ਨਾਲ ਟ੍ਰਾਈਕੋਡਮਰਾ ਨੂੰ ਮਿਲਾ ਕੇ ਪਾਉਣਾ ਹੋਵੇਗਾ।
Peas
ਜੇ ਮਿੱਟੀ ਸਹੀ ਹੈ ਤਾਂ ਵੱਧ ਅਤੇ ਚੰਗੀ ਫ਼ਸਲ ਵਾਸਤੇ ਰਸਾਇਣ ਦਾ ਇਸਤੇਮਾਲ ਘੱਟ ਕਰਨਾ ਚਾਹੀਦਾ ਹੈ। ਜ਼ਿਲ੍ਹਾ ਖੇਤੀ ਅਧਿਕਾਰੀ ਮੋਹਿੰਦਰ ਸਿੰਘ ਭਵਾਨੀ ਦਾ ਕਹਿਣਾ ਹੈ ਕਿ ਇਹਨਾਂ ਦਿਨਾਂ ਵਿਚ ਮਟਰ ਦੀ ਬਿਜਾਈ ਲਈ ਸਹੀ ਸਮਾਂ ਹੈ। ਰਾਈਜੋਬਿਅਮ ਪ੍ਰਕਿਰਿਆ ਦਾ ਇਸਤੇਮਾਲ ਕਰਨਾ ਕਿਸਾਨਾਂ ਲਈ ਲਾਭਕਾਰੀ ਸਿੱਧ ਹੋਵੇਗਾ।
