ਵਾਲ ਹਰ ਇਕ ਕੁੜੀ ਦੀ ਖੂਬਸੂਰਤੀ ਨੂੰ ਚਾਰ-ਚੰਨ ਲਗਾਉਂਦੇ ਹਨ। ਅੱਜ-ਕੱਲ੍ਹ ਕੁੜੀਆ ਆਪਣੇ ਵਾਲਾਂ ਨੂੰ ਖੂਬਸੂਰਤ ਅਤੇ ਸਿਲਕੀ ਮੁਲਾਇਮ ਬਣਾਉਣ ਲਈ.....

ਵਾਲ ਹਰ ਇਕ ਕੁੜੀ ਦੀ ਖੂਬਸੂਰਤੀ ਨੂੰ ਚਾਰ-ਚੰਨ ਲਗਾਉਂਦੇ ਹਨ। ਅੱਜ-ਕੱਲ੍ਹ ਕੁੜੀਆ ਆਪਣੇ ਵਾਲਾਂ ਨੂੰ ਖੂਬਸੂਰਤ ਅਤੇ ਸਿਲਕੀ ਮੁਲਾਇਮ ਬਣਾਉਣ ਲਈ ਕਈ ਤਰ੍ਹਾਂ ਦੇ ਵਾਲਾਂ ਵਾਲੇ ਉਤਪਾਦ ਦਾ ਇਸਤੇਮਾਲ ਕਰਦੀਆਂ ਹਨ। ਕੁੜੀਆਂ ਅਪਣੇ ਵਾਲਾਂ ਲਈ ਮਹਿੰਗੇ -ਮਹਿੰਗੇ ਸੈਲੂਨ ਵੀ ਜਾਂਦੀਆਂ ਹਨ। ਇਸ ਨਾਲ ਵਾਲ ਖੂਬਸੂਰਤ ਤਾਂ ਹੋ ਜਾਂਦੇ ਹਨ ਪਰ ਇਸ ਨਾਲ ਵਾਲਾਂ ਨੂੰ ਬਹੁਤ ਨੁਕਸਾਨ ਹੁੰਦਾ ਹੈ, ਕਿਉਂਕਿ ਵਾਲਾਂ ਲਈ ਵਰਤੇ ਜਾਂਦੇ ਉਤਪਾਦ ਰਸਾਇਣਕ ਚੀਜ਼ਾਂ ਨਾਲ ਭਰਪੂਰ ਹੁੰਦੇ ਹਨ। ਇਹ ਰਸਾਇਣਕ ਵਾਲਾਂ ਦੀ ਕੁਦਰਤੀ ਖੂਬਸੂਰਤੀ ਨੂੰ ਖ਼ਤਮ ਕਰ ਦਿੰਦੇ ਹਨ। ਜਿਸ ਨਾਲ ਵਾਲ ਬਹੁਤ ਰੁੱਖੇ ਅਤੇ ਬੇਜਾਨ ਹੋ ਜਾਂਦੇ ਹਨ।

hair care ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਕਿਵੇਂ ਕੁਦਰਤੀ ਅਤੇ ਘਰੇਲੂ ਚੀਜ਼ਾਂ ਦੀ ਵਰਤੋਂ ਨਾਲ ਤੁਸੀਂ ਅਪਣੇ ਵਾਲਾਂ ਦੀ ਸੰਭਾਲ ਕਰ ਸਕਦੇ ਹੋ। ਇਨ੍ਹਾਂ ਦੇ ਇਸਤੇਮਾਲ ਨਾਲ ਤੁਸੀ ਬਿਨਾਂ ਕਿਸੇ ਨੁਕਸਾਨ ਦੇ ਅਪਣੇ ਵਾਲਾਂ ਨੂੰ ਸਿਲਕੀ, ਮੁਲਾਇਮ, ਸੰਘਣੇ ਅਤੇ ਤੰਦਰੁਸਤ ਬਣਾ ਸਕਦੇ ਹੋ। ਮੱਖਣ ਇਕ ਕੁਦਰਤੀ ਸ਼ੈਂਪੂ ਕੰਲੀਜਰ ਦੇ ਰੂਪ ਵਿਚ ਕੰਮ ਕਰਦਾ ਹੈ। ਇਹ ਵਾਲਾਂ ਨੂੰ ਬਿਨਾਂ ਕੁਦਰਤੀ ਆਇਲ ਕੱਢੇ ਇਸ ਨੂੰ ਸਾਫ਼ ਕਰਦਾ ਹੈ। ਇਸ ਨੂੰ ਇਸਤੇਮਾਲ ਕਰਨ ਲਈ ਥੋੜ੍ਹੇ- ਜਿਹੇ ਮੱਖਣ ਵਿਚ ਦੋ ਚਮਚ ਵੇਸਣ ਮਿਲਾ ਕੇ ਆਪਣੇ ਵਾਲਾਂ ਦੀਆਂ ਜੜਾਂ ਵਿਚ ਲਗਾਉ।

hairਹੁਣ ਹਲਕੇ ਹੱਥਾਂ ਨਾਲ ਆਪਣੇ ਵਾਲਾਂ ਦੀ ਮਸਾਜ਼ ਕਰੋ। ਪੰਜ ਮਿੰਟ ਬਾਅਦ ਅਪਣੇ ਵਾਲਾਂ ਨੂੰ ਗੁਨਗੁਨੇ ਪਾਣੀ ਨਾਲ ਧੋ ਲਉ। ਖੀਰੇ ਦਾ ਸ਼ੈਂਪੂ ਬਣਾਉਣ ਲਈ ਖੀਰੇ ਅਤੇ ਨਿੰਬੂ ਨੂੰ ਛਿੱਲ ਕੇ ਪੀਸ ਲਉ। ਹੁਣ ਇਸ ਨੂੰ ਆਪਣੇ ਵਾਲਾਂ ਦੀਆਂ ਜੜਾਂ ਵਿਚ ਲਗਾ ਕੇ ਮਸਾਜ਼ ਕਰੋ। ਪੰਜ ਮਿੰਟ ਬਾਅਦ ਆਪਣੇ ਵਾਲਾਂ ਨੂੰ ਸਾਫ਼ ਪਾਣੀ ਨਾਲ ਧੋ ਲਉ। ਚਾਹ ਪੱਤੀ ਨਾਲ ਵਾਲਾਂ ਨੂੰ ਸਾਫ਼ ਕਰਨ ਨਾਲ ਵਾਲ ਸਫੇਦ ਨਹੀਂ ਹੁੰਦੇ ਹਨ। ਇਸ ਨੂੰ ਬਣਾਉਣ ਲਈ ਚਾਹ ਪੱਤੀ ਨੂੰ 4-5 ਕਪ ਪਾਣੀ ਵਿਚ ਪਾ ਕੇ ਚੰਗੀ ਤਰ੍ਹਾਂ ਉਬਾਲੋ। ਜਦੋਂ ਇਹ ਠੰਡਾ ਹੋ ਜਾਵੇ ਤਾਂ ਇਸ ਵਿਚ ਨਿੰਬੂ ਦਾ ਰਸ ਮਿਲਾ ਕੇ ਆਪਣੇ ਵਾਲਾਂ ਨੂੰ ਧੋ ਲਉ।