ਅੱਜ ਕੱਲ੍ਹ ਹਰ ਕੋਈ ਵਾਲਾਂ ਦੇ ਝੜਨ ਅਤੇ ਚਮਕ ਦੀ ਕਮੀ ਤੋਂ ਪ੍ਰੇਸ਼ਾਨ ਹੈ, ਜਿਸ ਲਈ ਉਹ ਹਰ ਰੋਜ਼ ਪਾਰਲਰ ਜਾ ਕੇ ਮਹਿੰਗਾ ਇਲਾਜ ਕਰਵਾਉਂਦੇ ਹਨ ਪਰ ਇਨ੍ਹਾਂ ਸਾਰੇ ਇਲਾਜਾਂ ਦੇ ਨਾਲ-ਨਾਲ ਕਈ ਸਾਈਡ ਇਫ਼ੈਕਟ ਵੀ ਹੁੰਦੇ ਹਨ, ਇਨ੍ਹਾਂ ਹੇਅਰ ਟ੍ਰੀਟਮੈਂਟਾਂ ‘ਚ ਕੈਮੀਕਲਸ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਜਿਸ ਕਾਰਨ ਵਾਲਾਂ 'ਚ ਕੁਦਰਤੀ ਚਮਕ ਜਲਦੀ ਚਲੀ ਜਾਂਦੀ ਹੈ। ਹਰ ਕਿਸੇ ਲਈ ਇਹ ਹੇਅਰ ਟ੍ਰੀਟਮੈਂਟ ਕਰਵਾਉਣਾ ਸੰਭਵ ਨਹੀਂ ਹੁੰਦਾ, ਕੁਝ ਲੋਕ ਇਸਨੂੰ 1-2 ਵਾਰ ਕਰ ਸਕਦੇ ਹਨ, ਪਰ ਇਹ ਹਮੇਸ਼ਾ ਸੰਭਵ ਨਹੀਂ ਹੁੰਦਾ। ਘਰੇਲੂ ਨੁਸਖੇ ਵਾਲਾਂ ਦੀ ਸਿਹਤ ਲਈ ਬਿਹਤਰ ਹੁੰਦੇ ਹਨ, ਜਿਨ੍ਹਾਂ ਦਾ ਕੋਈ ਸਾਈਡ ਇਫ਼ੈਕਟ ਨਹੀਂ ਹੁੰਦਾ, ਇਹ ਵਾਲਾਂ ਨੂੰ ਅੰਦਰੂਨੀ ਤੌਰ ‘ਤੇ ਮਜ਼ਬੂਤ ਕਰਦੇ ਹਨ ਅਤੇ ਅਜਿਹੇ ਘਰੇਲੂ ਨੁਸਖੇ ਘੱਟ ਪੈਸਿਆਂ ‘ਚ ਬਹੁਤ ਵਧੀਆ ਨਤੀਜੇ ਦਿੰਦੇ ਹਨ। ਘਰ ਵਿੱਚ ਮੌਜੂਦ ਰੋਜ਼ਾਨਾ ਚੀਜ਼ਾਂ ਦੀ ਵਰਤੋਂ ਕਰਕੇ ਹੀ ਅਸੀਂ ਸੁੰਦਰ, ਸਿਹਤਮੰਦ ਵਾਲ ਪ੍ਰਾਪਤ ਕਰ ਸਕਦੇ ਹਾਂ।
ਆਓ ਹੁਣ ਅਸੀਂ ਕੁੱਝ ਲੰਬੇ ਸੰਘਣੇ ਵਾਲਾਂ ਲਈ ਘਰੇਲੂ ਨੁਸਖਿਆਂ ਬਾਰੇ ਵਿਸਥਾਰ ਨਾਲ ਜਾਣਦੇ ਹਾਂ-
ਆਲੂ ਦਾ ਜੂਸ
ਆਲੂ ਵਿਟਾਮਿਨ ਏ, ਬੀ ਅਤੇ ਸੀ ਨਾਲ ਭਰਪੂਰ ਹੁੰਦੇ ਹਨ। ਇਸ ਦਾ ਰਸ ਲਗਾਉਣ ਨਾਲ ਵਾਲਾਂ ਦੀ ਖੁਸ਼ਕੀ ਦੂਰ ਹੁੰਦੀ ਹੈ, ਨਾਲ ਹੀ ਵਾਲ ਨਰਮ ਵੀ ਹੁੰਦੇ ਹਨ। ਇਸ ਲਈ 3 ਆਲੂਆਂ ਨੂੰ ਪੀਸ ਕੇ ਉਨ੍ਹਾਂ ਦਾ ਰਸ ਕੱਢ ਲਓ ਅਤੇ ਇਸ ਜੂਸ ਨਾਲ ਸਿਰ ਦੀ ਮਾਲਿਸ਼ ਕਰੋ ਅਤੇ 1 ਘੰਟੇ ਬਾਅਦ ਵਾਲਾਂ ਨੂੰ ਸ਼ੈਂਪੂ ਨਾਲ ਧੋ ਲਓ। ਜੇਕਰ ਵਾਲ ਬਹੁਤ ਸੁੱਕੇ ਅਤੇ ਬੇਜਾਨ ਹਨ ਤਾਂ ਆਲੂ ਦੇ ਰਸ ‘ਚ ਇਕ ਅੰਡੇ ਨੂੰ ਮਿਲਾ ਕੇ ਉਸ ਮਿਸ਼ਰਣ ਨਾਲ ਸਿਰ ਦੀ ਮਾਲਿਸ਼ ਕਰੋ, ਤੁਹਾਨੂੰ ਜਲਦੀ ਹੀ ਅਸਰ ਦਿਖਾਈ ਦੇਵੇਗਾ।
photo
ਅੰਡੇ
ਵਾਲਾਂ ਨੂੰ ਪ੍ਰੋਟੀਨ ਦੀ ਲੋੜ ਹੁੰਦੀ ਹੈ ਅਤੇ ਅੰਡੇ ਵਿੱਚ ਪ੍ਰੋਟੀਨ ਦੀ ਮਾਤਰਾ ਸਭ ਤੋਂ ਵੱਧ ਹੁੰਦੀ ਹੈ। ਖਾਸ ਕਰਕੇ ਅੰਡੇ ਦੇ ਪੀਲੇ ਹਿੱਸੇ ਵਿੱਚ ਪ੍ਰੋਟੀਨ ਦੀ ਬਹੁਤ ਮਾਤਰਾ ਹੁੰਦੀ ਹੈ। ਜਿਸ ਕਾਰਨ ਇਸ ਨੂੰ ਵਾਲਾਂ ਦੇ ਵਾਧੇ ਲਈ ਬਹੁਤ ਵਧੀਆ ਸਰੋਤ ਮੰਨਿਆ ਜਾਂਦਾ ਹੈ। ਆਂਡੇ ਦੋ ਸਿਰਾਂ ਵਾਲੇ ਵਾਲਾਂ ਦੀ ਸਮੱਸਿਆ ਨੂੰ ਹੱਲ ਕਰਦੇ ਹਨ।
ਇਸ ਨੂੰ ਬਣਾਉਣ ਲਈ ਸਭ ਤੋਂ ਪਹਿਲਾਂ ਅੰਡੇ ਨੂੰ ਤੋੜ ਕੇ ਚੰਗੀ ਤਰ੍ਹਾਂ ਮਿਲਾਓ, ਹੁਣ ਇਸ ਵਿਚ 2 ਚਮਚ ਜੈਤੂਨ ਦਾ ਤੇਲ ਮਿਲਾਓ, ਇਸ ਨੂੰ ਹਲਕੇ ਹੱਥਾਂ ਨਾਲ ਵਾਲਾਂ ਵਿਚ ਲਗਾਓ, ਅੱਧੇ ਘੰਟੇ ਬਾਅਦ ਇਸ ਨੂੰ ਧੋ ਲਓ। ਜੇਕਰ ਵਾਲ ਬਹੁਤ ਜ਼ਿਆਦਾ ਝੜ ਰਹੇ ਹਨ ਤਾਂ 1 ਚਮਚ ਜੈਤੂਨ ਦਾ ਤੇਲ ਮਿਲਾ ਕੇ ਅੰਡੇ ਦੇ ਸਫੇਦ ਹਿੱਸੇ ਨਾਲ ਮਾਲਿਸ਼ ਕਰੋ, ਅਸਰ ਜਲਦੀ ਹੋਵੇਗਾ।
photo
ਮੇਥੀ ਦੇ ਬੀਜ
ਮੇਥੀ ਪ੍ਰੋਟੀਨ ਨਾਲ ਭਰਪੂਰ ਹੁੰਦੀ ਹੈ, ਜਿਸ ਕਾਰਨ ਇਸ ਨੂੰ ਵਾਲਾਂ ਲਈ ਵਧੀਆ ਮੰਨਿਆ ਜਾਂਦਾ ਹੈ। ਇਸ ਤੋਂ ਇਲਾਵਾ ਇਸ ‘ਚ ਲੇਸੀਥਿਨ ਹੁੰਦਾ ਹੈ, ਜੋ ਵਾਲਾਂ ਨੂੰ ਮਜ਼ਬੂਤ ਕਰਨ ਦੇ ਨਾਲ-ਨਾਲ ਨਮੀ ਵੀ ਦਿੰਦਾ ਹੈ।
ਇਸ ਪੈਕ ਨੂੰ ਬਣਾਉਣ ਲਈ ਮੇਥੀ ਦੇ ਬੀਜਾਂ ਨੂੰ ਰਾਤ ਭਰ ਪਾਣੀ ਵਿੱਚ ਭਿਓ ਕੇ ਰੱਖ ਦਿਓ ਅਤੇ ਸਵੇਰੇ ਇਸ ਨੂੰ ਪਾਣੀ ਨਾਲ ਪੀਸ ਕੇ ਪੇਸਟ ਬਣਾ ਲਓ।
ਹੁਣ ਆਪਣੇ ਵਾਲਾਂ ਵਿੱਚ ਨਾਰੀਅਲ ਤੇਲ ਲਗਾਓ, ਇਸ ਤੋਂ ਬਾਅਦ ਇਸ ਪੇਸਟ ਨੂੰ ਵਾਲਾਂ ਵਿੱਚ ਲਗਾਓ। 1 ਘੰਟੇ ਬਾਅਦ ਇਸ ਨੂੰ ਸ਼ੈਂਪੂ ਨਾਲ ਧੋ ਲਓ।
ਇਹ ਪੇਸਟ ਵਾਲਾਂ ਨੂੰ ਸਿਹਤਮੰਦ ਬਣਾਉਂਦਾ ਹੈ। ਇਸ ਨਾਲ ਵਾਲਾਂ ਨੂੰ ਚਮਕ ਮਿਲਦੀ ਹੈ ਅਤੇ ਵਾਲ ਸੰਘਣੇ ਹੁੰਦੇ ਹਨ।
ਗਰਮ ਤੇਲ ਦੀ ਮਾਲਿਸ਼ ਕਰੋ
ਵਾਲਾਂ ਦੀਆਂ ਜੜ੍ਹਾਂ ਦੀ ਮਾਲਿਸ਼ ਕਰਨ ਨਾਲ ਸਿਰ ਵਿਚ ਖੂਨ ਦਾ ਸੰਚਾਰ ਵਧਦਾ ਹੈ, ਜਿਸ ਨਾਲ ਵਾਲਾਂ ਦਾ ਵਿਕਾਸ ਵੀ ਵਧਦਾ ਹੈ। ਜੇਕਰ ਤੁਸੀਂ ਹਫਤੇ ‘ਚ 3-4 ਵਾਰ ਮਾਲਿਸ਼ ਕਰੋਗੇ ਤਾਂ ਤੁਹਾਨੂੰ ਜਲਦੀ ਹੀ ਫਰਕ ਆਪਣੇ-ਆਪ ਸਮਝ ਆ ਜਾਵੇਗਾ। ਤੁਸੀਂ ਬਿਨਾਂ ਤੇਲ ਦੇ ਆਪਣੀਆਂ ਉਂਗਲਾਂ ਨਾਲ ਮਾਲਿਸ਼ ਵੀ ਕਰ ਸਕਦੇ ਹੋ। ਉਂਗਲਾਂ ਨੂੰ ਸਰਕੂਲਰ ਮੋਸ਼ਨ ਵਿੱਚ ਵਾਲਾਂ ਦੀਆਂ ਜੜ੍ਹਾਂ ਵਿੱਚ ਹਿਲਾਉਣਾ ਹੁੰਦਾ ਹੈ। ਇਸ ਨਾਲ ਖੂਨ ਦਾ ਪ੍ਰਵਾਹ ਵਧਦਾ ਹੈ। ਤੁਸੀਂ ਆਰਾਮ ਮਹਿਸੂਸ ਕਰੋਗੇ।
Goosebery
ਆਂਵਲਾ
ਆਂਵਲੇ ਦੇ ਬਹੁਤ ਸਾਰੇ ਫਾਇਦੇ ਹਨ । ਇਹ ਵਾਲਾਂ ਦੇ ਝੜਨ ਦੀ ਸਮੱਸਿਆ ਨੂੰ ਵੀ ਜਲਦੀ ਦੂਰ ਕਰਦਾ ਹੈ। ਇਸ ਦੇ ਨਾਲ ਹੀ ਇਹ ਵਾਲਾਂ ਦੇ ਸਮੇਂ ਤੋਂ ਪਹਿਲਾਂ ਸਫੇਦ ਹੋਣ ਦੀ ਸਮੱਸਿਆ ਨੂੰ ਵੀ ਦੂਰ ਕਰਦਾ ਹੈ। ਇੱਕ ਭਾਂਡੇ ਵਿੱਚ ਨਾਰੀਅਲ ਦਾ ਤੇਲ ਗਰਮ ਕਰੋ, ਇਸ ਵਿੱਚ ਸੁੱਕੇ ਆਂਵਲੇ ਦੇ ਟੁਕੜੇ ਪਾਓ, ਹੁਣ ਇਸ ਨੂੰ ਕੁਝ ਦੇਰ ਤੱਕ ਪਕਾਓ। ਹੁਣ ਇਸ ਨੂੰ ਫਿਲਟਰ ਕਰੋ ਅਤੇ ਠੰਡਾ ਹੋਣ ਦਿਓ। ਇਸ ਤੇਲ ਨੂੰ ਜੜ੍ਹ ‘ਤੇ ਲਗਾਓ ਅਤੇ ਮਾਲਿਸ਼ ਕਰੋ। ਇਸ ਨੂੰ 30 ਮਿੰਟਾਂ ਲਈ ਲੱਗਾ ਰਹਿਣ ਦਿਓ, ਫਿਰ ਸ਼ੈਂਪੂ ਕਰੋ। ਅਜਿਹਾ ਹਫਤੇ ‘ਚ ਇਕ ਵਾਰ ਕਰੋ।
ਪਿਆਜ਼ ਦਾ ਰਸ
ਪਿਆਜ਼ ਦੇ ਰਸ ਵਿੱਚ ਸਲਫਰ ਹੁੰਦਾ ਹੈ, ਜੋ ਵਾਲਾਂ ਦੇ ਝੜਨ ਨੂੰ ਘੱਟ ਕਰਦਾ ਹੈ। ਇਸ ਨੂੰ ਲਗਾਉਣ ਨਾਲ ਜੜ੍ਹਾਂ ‘ਚ ਖੂਨ ਦਾ ਸੰਚਾਰ ਵੀ ਵਧਦਾ ਹੈ। ਪਿਆਜ਼ ਵਿੱਚ ਐਂਟੀਆਕਸੀਡੈਂਟ ਗੁਣ ਹੁੰਦੇ ਹਨ। ਜਿਸ ਨਾਲ ਇਹ ਵਾਲਾਂ ਦੀਆਂ ਜੜ੍ਹਾਂ ਨੂੰ ਪੂਰੀ ਤਰ੍ਹਾਂ ਸੁਰੱਖਿਅਤ ਰੱਖਦਾ ਹੈ, ਇਹ ਕਿਸੇ ਵੀ ਤਰ੍ਹਾਂ ਦੇ ਕੀਟਾਣੂਆਂ ਨੂੰ ਨਸ਼ਟ ਕਰਦਾ ਹੈ।
