ਜਾਪਾਨ ਦੀ ਕਨਾਜਾਵਾ ਯੂਨੀਵਰਸਿਟੀ ਦੇ ਵਿਗਿਆਨੀਆਂ ਨੇ ਕਹਵਿਓਲ ਏਸਿਟੇਟ ਅਤੇ ਕੈਫੇਸਟੋਲ ਤੱਤਾਂ ਦੀ ਕੀਤੀ ਪਹਿਚਾਣ
ਚੰਡੀਗੜ੍ਹ : ਸਵੇਰ ਦੀ ਸਭ ਤੋਂ ਵਧੀਆ ਡ੍ਰਿੰਕ ਹੋਣ ਦੇ ਨਾਲ ਹੀ ਕੌਫ਼ੀ ਪ੍ਰੋਸਟੇਟ ਕੈਂਸਰ ਨੂੰ ਰੋਕਣ ਵਿਚ ਮਹੱਤਵਪੂਰਣ ਭੂਮਿਕਾ ਨਿਭਾ ਸਕਦੀ ਹੈ, ਜਿਸ ਦੇ ਨਾਲ ਦਵਾਈ-ਰੋਧਕ ਕੈਂਸਰ ਦੇ ਇਲਾਜ ਦੀ ਸੰਭਾਵਨਾ ਪੈਦਾ ਹੁੰਦੀ ਹੈ। ਜਾਪਾਨ ਦੀ ਕਨਾਜਾਵਾ ਯੂਨੀਵਰਸਿਟੀ ਦੇ ਵਿਗਿਆਨੀਆਂ ਨੇ ਕਹਵਿਓਲ ਏਸਿਟੇਟ ਅਤੇ ਕੈਫੇਸਟੋਲ ਤੱਤਾਂ ਦੀ ਪਹਿਚਾਣ ਕੀਤੀ ਹੈ, ਜੋ ਪ੍ਰੋਸਟੇਟ ਕੈਂਸਰ ਦੇ ਵਾਧੇ ਨੂੰ ਰੋਕ ਸਕਦੇ ਹਨ। ਇਹ ਦੋਵੇਂ ਤੱਤ ਹਾਈਡ੍ਰੋਕਾਰਬਨ ਦਾ ਮਿਸ਼ਰਣ ਹਨ, ਜੋ ਕੁਦਰਤੀ ਰੂਪ ਨਾਲ ਅਰੇਬਿਕਾ ਕੌਫ਼ੀ ਵਿਚ ਪਾਏ ਜਾਂਦੇ ਹਨ।
Coffee
ਇਸ ਦੇ ਪਾਇਲਟ ਅਧਿਐਨ ਤੋਂ ਪਤਾ ਚੱਲਦਾ ਹੈ ਕਿ ਕਹਵਿਓਲ ਏਸਿਟੇਟ ਅਤੇ ਕੈਫੇਸਟੋਲ ਕੋਸ਼ਿਕਾਵਾਂ ਦੇ ਵਾਧੇ ਨੂੰ ਰੋਕ ਸਕਦੇ ਹਨ, ਜੋ ਆਮ ਕੈਂਸਰ ਰੋਧੀ ਦਵਾਈਆਂ ਜਿਵੇਂ ਕਬਾਜਿਟੇਕਸੇਲ ਦਾ ਰੋਧਕ ਹੈ। ਜਾਂਚ ਦੇ ਪ੍ਰਮੁੱਖ ਲੇਖਕ ਹਿਰੋਕੀ ਇਵਾਮੋਟੋ ਨੇ ਕਿਹਾ, “ਅਸੀਂ ਜਾਂਚ ਵਿਚ ਪਾਇਆ ਹੈ ਕਿ ਕਹਵਿਓਲ ਏਸਿਟੇਟ ਅਤੇ ਕੈਫੇਸਟੋਲ ਨੇ ਚੂਹਿਆਂ ਵਿਚ ਕੈਂਸਰ ਕੋਸ਼ਿਕਾਵਾਂ ਦੇ ਵਾਧੇ ਨੂੰ ਰੋਕ ਦਿਤਾ ਪਰ ਇਸ ਦਾ ਸੰਯੋਜਨ ਇਕੱਠੇ ਜ਼ਿਆਦਾ ਪ੍ਰਭਾਵੀ ਹੋਵੇਗਾ।”
Coffee
ਇਸ ਜਾਂਚ ਲਈ ਦਲ ਨੇ ਕੌਫ਼ੀ ਵਿਚ ਕੁਦਰਤੀ ਰੂਪ ਵਿਚ ਪਾਏ ਜਾਣ ਵਾਲੇ ਛੇ ਤੱਤਾਂ ਦਾ ਅਧਿਐਨ ਕੀਤਾ। ਇਸ ਜਾਂਚ ਨੂੰ ਯੂਰਪੀ ਐਸੋਸੀਏਸ਼ਨ ਆਫ਼ ਯੂਰੋਲਾਜੀ ਕਾਂਗਰਸ ਵਿਚ ਬਾਰਸਿਲੋਨਾ ਵਿਚ ਪੇਸ਼ ਕੀਤਾ ਗਿਆ। ਜਾਂਚ ਦੇ ਤਹਿਤ ਮਨੁੱਖ ਦੀਆਂ ਪ੍ਰੋਸਟੇਟ ਕੈਂਸਰ ਦੀਆਂ ਕੋਸ਼ਿਕਾਵਾਂ ਉਤੇ ਪ੍ਰਯੋਗਸ਼ਾਲਾ ਵਿਚ ਅਧਿਐਨ ਕੀਤਾ ਗਿਆ।
