ਸੁਪਰਬੱਗ ਦੇ ਕੀਟਾਣੂ ਤੋਂ ਸਿਹਤ ਮਾਹਰ ਕਾਫ਼ੀ ਚੇਤੰਨ ਰਹਿੰਦੇ ਹਨ। ਇਕ ਨਵੇਂ ਅਧਿਐਨ 'ਚ ਸੁਪਰਬੱਗ ਲਈ ਹਸਪਤਾਲਾਂ 'ਚ ਕਈ ਮਰੀਜ਼ਾਂ ਦੁਆਰਾ ਇਕ ਹੀ ਥਰਮਾਮੀਟਰ ਦਾ ਇਸਤੇਮਾਲ...
ਸੁਪਰਬੱਗ ਦੇ ਕੀਟਾਣੂ ਤੋਂ ਸਿਹਤ ਮਾਹਰ ਕਾਫ਼ੀ ਚੇਤੰਨ ਰਹਿੰਦੇ ਹਨ। ਇਕ ਨਵੇਂ ਅਧਿਐਨ 'ਚ ਸੁਪਰਬੱਗ ਲਈ ਹਸਪਤਾਲਾਂ 'ਚ ਕਈ ਮਰੀਜ਼ਾਂ ਦੁਆਰਾ ਇਕ ਹੀ ਥਰਮਾਮੀਟਰ ਦਾ ਇਸਤੇਮਾਲ ਕੀਤੇ ਜਾਣ ਨੂੰ ਜ਼ਿੰਮੇਵਾਰ ਦਸਿਆ ਗਿਆ ਹੈ। ਹਸਪਤਾਲਾਂ 'ਚ ਖ਼ਤਰਨਾਕ ਸੁਪਰਬੱਗ ਦੇ ਫੈਲਣ ਪਿਛੇ ਮਾਹਰਾਂ ਨੇ ਵੱਖ - ਵੱਖ ਮਰੀਜ਼ਾਂ ਲਈ ਇਕ ਹੀ ਥਰਮਾਮੀਟਰ ਦੀ ਵਰਤੋਂ ਨੂੰ ਕਾਰਨ ਦਸਿਆ ਹੈ। ਮਾਹਰਾਂ ਦਾ ਕਹਿਣਾ ਹੈ ਕਿ ਇਸ ਕਾਰਨ ਜਪਾਨੀ ਫੰਗਲ ਇਨਫ਼ੈਕਸ਼ਨ ਵੱਧ ਗਿਆ ਹੈ। ਇਹ ਅਧਿਐਨ ਆਕਸਫ਼ੋਰਡ ਯੂਨੀਵਰਸਿਟੀ ਨੇ ਕੀਤਾ ਹੈ।
Superbug spreading by using a thermometer
ਅਧਿਐਨ ਦੌਰਾਨ ਖੋਜੀਆਂ ਨੇ ਦੇਖਿਆ ਕਿ ਜ਼ਿਆਦਾਤਰ ਰੋਗੀ ਬਾਹਾਂ 'ਚ ਲਗਾਉਣ ਵਾਲੇ ਇਕ ਹੀ ਥਰਮਾਮੀਟਰ ਦੀ ਵਰਤੋਂ ਕਰ ਰਹੇ ਸਨ। ਇਹ ਰੋਗ ਹੁਣ ਤਕ ਬ੍ਰੀਟੇਨ ਦੇ 55 ਹਸਪਤਾਲਾਂ ਦੇ ਦੋ ਸੌ ਮਰੀਜ਼ਾਂ ਨੂੰ ਅਪਣੀ ਲਪੇਟ 'ਚ ਲੈ ਚੁਕਿਆ ਹੈ। ਇਸ ਲਈ ਪਹਿਲਾਂ ਕਰਮਚਾਰੀਆਂ ਦੀ ਕਮੀ ਨੂੰ ਜ਼ਿੰਮੇਵਾਰ ਦਸਿਆ ਗਿਆ ਪਰ ਬਾਅਦ 'ਚ ਥਰਮਾਮੀਟਰ 'ਤੇ ਮਾਹਰਾਂ ਨੇ ਧਿਆਨ ਦਿਤਾ।
Superbug
ਮਾਹਰਾਂ ਨੇ ਕਿਹਾ ਕਿ ਜਿਨ੍ਹਾਂ ਮਰੀਜ਼ਾਂ ਦਾ ਰੋਗ ਨੂੰ ਰੋਕਣ ਦੀ ਪ੍ਰਣਾਲੀ ਕਮਜ਼ੋਰ ਹੈ ਉਨ੍ਹਾਂ ਦੇ ਖ਼ੂਨ ਦੇ ਵਹਾਅ 'ਚ ਫ਼ੰਗਸ ਨਾਲ ਸੰਕਰਮਣ ਹੋ ਸਕਦਾ ਹੈ। ਇਹ ਜਾਨਲੇਵਾ ਵੀ ਸਾਬਤ ਹੋ ਸਕਦਾ ਹੈ ਜਾਂ ਇਸ ਕਾਰਨ ਸੁਣਨ ਦੀ ਤਾਕਤ ਖ਼ਤਮ ਹੋ ਸਕਦੀ ਹੈ। ਮਾਹਰਾਂ ਨੇ ਸੰਕਰਮਣ ਵਾਲੇ ਮਰੀਜ਼ਾਂ ਦੀ ਜਾਂਚ 'ਚ ਦੇਖਿਆ ਕਿ ਇਨ੍ਹਾਂ ਨੂੰ ਸੁਪਰਬੱਗ ਦਾ ਇਨਫ਼ੈਕਸ਼ਨ ਹਸਪਤਾਲ 'ਚ ਭਰਤੀ ਹੋਣ ਤੋਂ ਬਾਅਦ ਹੋਇਆ।
Superbug in Superbug spreading by using a thermometera thermometer
ਹਰ ਤਰ੍ਹਾਂ ਦੇ ਤਰੀਕੇ ਅਪਣਾਉਣ ਦੇ ਬਾਵਜੂਦ ਵੀ ਉਨ੍ਹਾਂ ਦੀ ਬਿਮਾਰੀ ਕਾਬੂ ਨਹੀਂ ਕੀਤੀ ਜਾ ਰਹੀ ਸੀ। ਇਸ ਤੋਂ ਬਾਅਦ ਕਈ ਮਰੀਜ਼ਾਂ 'ਚ ਇਸਤੇਮਾਲ ਹੋਣ ਵਾਲੇ ਉਪਕਰਨਾਂ 'ਤੇ ਜਦੋਂ ਧਿਆਨ ਦਿਤਾ ਗਿਆ ਤਾਂ ਕਈ ਮਰੀਜ਼ਾਂ ਦੀ ਹਾਲਤ ਬਿਹਤਰ ਹੋ ਗਈ।
