ਇਨ੍ਹੀਂ ਦਿਨੀਂ ਮਿਲਣ ਵਾਲੇ ਗੱਦਿਆਂ ਨੂੰ ਤੁਸੀਂ ਹਰ 6 ਮਹੀਨੇ ਵਿਚ ਪਲਟ ਕੇ ਵਿਛਾ ਨਹੀਂ ਸਕਦੇ
ਇਨ੍ਹੀਂ ਦਿਨੀਂ ਮਿਲਣ ਵਾਲੇ ਗੱਦਿਆਂ ਨੂੰ ਤੁਸੀਂ ਹਰ 6 ਮਹੀਨੇ ਵਿਚ ਪਲਟ ਕੇ ਵਿਛਾ ਨਹੀਂ ਸਕਦੇ ਕਿਉਂਕਿ ਹੁਣ ਜ਼ਿਆਦਾਤਰ ਗੱਦੇ ਦਾ ਉਪਰਲਾ ਹਿੱਸਾ ਅਤੇ ਪਿਛਲਾ ਹਿੱਸਾ ਵੱਖੋ-ਵਖਰੇ ਹੁੰਦੇ ਹਨ। ਪਰ ਅੱਜ ਅਸੀਂ ਤੁਹਾਨੂੰ ਗੱਦੇ ਨੂੰ ਅਸਾਨੀ ਨਾਲ ਸਾਫ਼ ਕਰਨ ਦੇ ਤਰੀਕਿਆਂ ਬਾਰੇ ਦੱਸ ਰਹੇ ਹਾਂ। ਇਨ੍ਹਾਂ ਅਸਾਨ ਤਰੀਕਿਆਂ ਨੂੰ ਅਪਣਾ ਕੇ ਤੁਸੀਂ ਸਾਫ਼ ਗੱਦੇ 'ਤੇ ਚੈਨ ਦੀ ਨੀਂਦ ਲੈ ਸਕਦੇ ਹੋ।
ਤੁਸੀਂ ਇਕ ਜਾਂ ਦੋ ਹਫ਼ਤੇ ਵਿਚ ਇਕ ਵਾਰ ਤਾਂ ਚਾਦਰ ਬਦਲਦੇ ਹੀ ਹੋਵੋਗੇ। ਬਸ ਇਹੀ ਗੱਦੇ ਸਾਫ਼ ਕਰਨ ਦਾ ਸੱਭ ਤੋਂ ਪਹਿਲਾ ਕਦਮ ਹੈ। ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਤੁਹਾਡਾ ਗੱਦਾ ਸਾਫ਼ ਰਹੇ ਤਾਂ ਉਸ 'ਤੇ ਵਿਛੀ ਹੋਈ ਚਾਦਰ ਦਾ ਵੀ ਸਾਫ਼ ਹੋਣਾ ਬੇਹੱਦ ਜ਼ਰੂਰੀ ਹੈ। ਚਾਦਰ ਅਤੇ ਸਿਰਹਾਣੇ ਦੇ ਕਵਰ ਦੀ ਧੁਲਾਈ ਦਾ ਦਿਨ ਨੋਟ ਕਰ ਕੇ ਰੱਖੋ। ਵਾਸ਼ਿੰਗ ਮਸ਼ੀਨ ਵਿਚ ਗਰਮ ਪਾਣੀ ਦੀ ਸੈਟਿੰਗ ਕਰ ਇਨ੍ਹਾਂ ਨੂੰ ਧੋਵੋ। ਚਾਦਰ ਹਟਾਉਣ ਤੋਂ ਬਾਅਦ ਮੈਟਰੈਸ 'ਤੇ ਮੌਜੂਦ ਧੂੜ-ਮਿੱਟੀ ਨੂੰ ਸਾਫ਼ ਕਰਨ ਲਈ ਵੈਕਿਊਮ ਕਲੀਨਰ ਦਾ ਪ੍ਰਯੋਗ ਕਰੋ। ਇਹ ਤੁਹਾਡੇ ਕੰਮ ਨੂੰ ਆਸਾਨ ਬਣਾ ਦੇਵੇਗਾ। ਇਸ ਦੀ ਮਦਦ ਨਾਲ ਖੂੰਜਿਆਂ ਨੂੰ ਵੀ ਜ਼ਰੂਰ ਸਾਫ਼ ਕਰੋ।
ਗੱਦੇ ਨੂੰ ਵੈਕਿਊਮ ਕਲੀਨਰ ਨਾਲ ਸਾਫ਼ ਕਰਨ ਤੋਂ ਬਾਅਦ ਅਗਲੇ ਪੜਾਅ ਵਿਚ ਤੁਸੀ ਵੇਖਣਾ ਹੈ ਕਿ ਕਿਤੇ ਗੱਦੇ 'ਤੇ ਕੋਈ ਦਾਗ਼ ਜਾਂ ਧੱਬਾ ਤਾਂ ਨਹੀਂ ਲਗਿਆ। ਕਿਸੇ ਵੀ ਤਰ੍ਹਾਂ ਦੇ ਦਾਗ ਨੂੰ ਹਟਾਉਣ ਲਈ ਤੁਸੀਂ ਐਂਜ਼ਾਈਮ ਯੁਕਤ ਓਡਰ ਰਿਮੂਵਰ ਜਾਂ ਕਲੀਕਨਰ ਦੀ ਵਰਤੋਂ ਕਰ ਸਕਦੇ ਹੋ। ਇਸ ਲਈ ਤੁਸੀਂ ਬੇਕਿੰਗ ਸੋਡੇ ਦਾ ਇਸਤੇਮਾਲ ਕਰ ਸਕਦੇ ਹੋ। ਗੱਦੇ 'ਤੇ ਇਸ ਨੂੰ ਛਿੜਕਣ ਤੋਂ ਘਬਰਾਉ ਨਹੀਂ। ਗੱਦੇ 'ਤੇ ਬੇਕਿੰਗ ਸੋਡਾ ਪਾ ਕੇ ਇਸ ਨੂੰ 24 ਘੰਟਿਆਂ ਲਈ ਛੱਡ ਦਿਉ। ਇਸ ਦੌਰਾਨ ਅਪਣੇ ਘਰ ਦੇ ਪਾਲਤੂ ਜਾਨਵਰਾਂ ਨੂੰ ਦੂਰ ਰੱਖੋ। ਇਸ ਦੇ ਸੰਪਰਕ ਵਿਚ ਆਉਣ ਨਾਲ ਉਨ੍ਹਾਂ ਨੂੰ ਪ੍ਰੇਸ਼ਾਨੀ ਹੋ ਸਕਦੀ ਹੈ।
ਹੋ ਸਕੇ ਤਾਂ ਗੱਦੇ ਨੂੰ ਧੁੱਪ 'ਚ ਰੱਖ ਦਿਉ ਤਾਕਿ ਇਸ ਦੀ ਸੈਨਿਟਾਈਜ਼ਿੰਗ ਪਾਵਰ ਵੱਧ ਸਕੇ। ਬੇਕਿੰਗ ਸੋਡਾ ਦਾ ਪੜਾਅ ਪੂਰਾ ਕਰਨ ਤੋਂ ਬਾਅਦ ਗੱਦੇ ਨੂੰ ਮੁੜ ਵੈਕਿਊਮ ਕਲੀਨਰ ਨਾਲ ਸਾਫ਼ ਕਰੋ। ਗੱਦੇ 'ਤੇ ਜੋ ਵੀ ਬੇਕਿੰਗ ਸੋਡਾ ਬਚਿਆ ਹੈ ਉਹ ਵੈਕਿਊਮ ਕਲੀਨਰ ਨਾਲ ਸਾਫ਼ ਹੋ ਜਾਵੇਗਾ। ਮੈਟਰੈਸ ਨੂੰ ਨਮੀ ਤੋਂ ਬਚਾਉਣ ਲਈ ਤੁਸੀਂ ਉਸ ਨੂੰ ਢੱਕ ਕੇ ਰੱਖੋ। ਇਸ ਆਸਾਨ ਤਰੀਕੇ ਦੀ ਮਦਦ ਨਾਲ ਤੁਸੀਂ ਆਰਾਮ ਨਾਲ ਬਿਨਾਂ ਕਿਸੇ ਝੰਜਟ ਦੇ ਮੈਟਰੈਸ ਨੂੰ ਘਰ 'ਚ ਹੀ ਸਾਫ਼ ਕਰ ਸਕਦੇ ਹੋ ਅਤੇ ਸਿਹਤਮੰਦ ਨੀਂਦ ਦੀ ਗਰੰਟੀ ਹਾਸਲ ਕਰ ਸਕਦੇ ਹੋ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ