ਸੈਮਸੰਗ ਨੇ ਮਾਰਕਿਟ ਵਿਚ ਅਪਣਾ ਸਭ ਤੋਂ ਮਹਿੰਗਾ ਟੀਵੀ ਲਾਂਚ ਕੀਤਾ ਹੈ।
ਨਵੀਂ ਦਿੱਲੀ: ਸੈਮਸੰਗ ਨੇ ਮਾਰਕਿਟ ਵਿਚ ਅਪਣਾ ਸਭ ਤੋਂ ਮਹਿੰਗਾ ਟੀਵੀ ਲਾਂਚ ਕੀਤਾ ਹੈ। ਸੈਮਸੰਗ ਨੇ ਮਾਈਕਰੋ ਐਲਈਡੀ ਡਿਸਪਲੇ ਦ ਵਾਲ ਦੀ ਲੰਬੀ ਰੇਂਜ ਪੇਸ਼ ਕੀਤੀ ਹੈ। ਦ ਵਾਲ ਸੀਰੀਜ਼ ਦੇ ਤਹਿਤ ਕੰਪਨੀ ਨੇ ਤਿੰਨ ਸਕ੍ਰੀਨ ਸਾਈਜ਼ ਅਤੇ ਰੇਸ਼ੋ ਸਾਈਜ਼ ਦੇ ਟੀਵੀ ਲਾਂਚ ਕਰ ਦਿੱਤੇ ਹਨ। ਸੀਰੀਜ਼ ਦਾ ਪਹਿਲਾ ਟੀਵੀ 146 ਇੰਚ (370.8) ਸੈਮੀ ਦਾ ਹੈ, ਜੋ 4k ਹਾਈ ਡੈਫੀਨੇਸ਼ਨ ਵਾਲਾ ਹੋਵੇਗਾ।
ਉੱਥੇ ਹੀ ਦੂਜਾ ਟੀਵੀ 6k ਹਾਈ ਡੈਫੀਨੇਸ਼ਨ ਵਾਲਾ 219 ਇੰਚ (556 ਸੈਮੀ) ਦਾ ਹੋਵੇਗਾ। ਉੱਥੇ ਹੀ ਤੀਜਾ ਟੀਵੀ 292 ਇੰਚ ਦਾ 8k ਹਾਈ ਡੈਫੀਨੇਸ਼ਨ ਵਾਲਾ ਹੋਵੇਗਾ। ਵਾਲ ਸੀਰੀਜ਼ ਦੇ ਟੀਵੀ 0.8 ਪੀਕਸਲ ਪਿਚ ਤਕਨਾਲੋਜੀ ਦੇ ਨਾਲ ਆਉਂਦੇ ਹਨ।
ਇਸ ਟੀਵੀ ਦੀ ਇਹ ਹੈ ਖਾਸੀਅਤ
ਡਿਸਪਲੇ ਡੇਪਥ 30ਐਮਐਮ ਤੋਂ ਘੱਟ ਹੈ। ਇਹ ਸਾਰੇ ਟੀਵੀ ਏਆਈ ਪਿਕਚਰ ਇਨਹੈਂਸਮੈਂਟ, ਹਾਈ ਬ੍ਰਾਈਟਨੈਸ ਅਤੇ ਹਾਈ ਕੰਟਰਾਸਟ ਦੇ ਨਾਲ ਆਉਂਦੇ ਹਨ। ਵਾਲ ਮਾਈਕ੍ਰੋਐਲਈਡੀ ਡਿਸਪਲੇ AI ਅਪਸਕੇਲਿੰਗ ਕੁਆਂਟਮ ਐਚਡੀਆਰ ਤਕਨਾਲੋਜੀ ਦੇ ਨਾਲ ਆਉਂਦੀ ਹੈ, ਜਿਸ ਦਾ ਜ਼ਿਆਦਾਤਰ ਬ੍ਰਾਈਟਨੈਸ 2000 ਨਿਟਸ ਅਤੇ 120Hz ਵੀਡੀਓ ਰੇਟ ਹੈ।
ਵਾਲ ਸੀਰੀਜ਼ ਦੇ ਟੀਵੀ ਦੀ ਕੀਮਤ 3.5 ਕਰੋੜ ਰੁਪਏ ਤੋਂ ਲੈ ਕੇ 12 ਕਰੋੜ ਰੁਪਏ ਹੈ। ਇਹਨਾਂ ਦੀ ਵਿਕਰੀ ਅੱਜ ਯਾਨੀ 5 ਦਸੰਬਰ ਤੋਂ ਹੀ ਸ਼ੁਰੂ ਹੋ ਗਈ ਹੈ। ਸੈਮਸੰਗ ਦੇ ਖਪਤਕਾਰ ਇਲੈਕਟ੍ਰਾਨਿਕਸ ਦੇ ਅਨੁਸਾਰ ਸਾਲ 2020 ਲਈ 25 ਤੋਂ 30 ਯੂਨਿਟ ਵਿਕਰੀ ਦਾ ਟੀਚਾ ਤੈਅ ਕੀਤਾ ਹੈ। ਅਗਲੇ ਸਾਲ 2021 ਵਿਚ ਇਹ ਟੀਚਾ 100 ਯੂਨਿਟ ਦਾ ਹੈ। ਇਸ ਤਰ੍ਹਾਂ ਕੰਪਨੀ ਨੇ ਸਾਲ 2022 ਤੱਕ ਕੁੱਲ 200 ਯੂਨਿਟ ਵਿਕਰੀ ਦਾ ਟੀਚਾ ਤੈਅ ਕੀਤਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।