ਮੰਗਲ 'ਤੇ ਪਹਿਲੀ ਵਾਰ ਇਕ ਬਹੁਤ ਵੱਡੀ ਪਾਣੀ ਵਾਲੀ ਝੀਲ ਲੱਭੀ ਗਈ ਹੈ। ਮੰਗਲ ਦੀ ਸਤਹ ਦੇ ਹੇਠਾਂ ਇਸ ਝੀਲ ਦੀ ਮੌਜੂਦਗੀ ਦਾ ਪਤਾ ਲਗਾਇਆ ਗਿਆ ਹੈ।
ਨਵੀਂ ਦਿੱਲੀ - ਮੰਗਲ 'ਤੇ ਪਹਿਲੀ ਵਾਰ ਇਕ ਬਹੁਤ ਵੱਡੀ ਪਾਣੀ ਵਾਲੀ ਝੀਲ ਲੱਭੀ ਗਈ ਹੈ। ਮੰਗਲ ਦੀ ਸਤਹ ਦੇ ਹੇਠਾਂ ਇਸ ਝੀਲ ਦੀ ਮੌਜੂਦਗੀ ਦਾ ਪਤਾ ਲਗਾਇਆ ਗਿਆ ਹੈ। ਇਸ ਨਾਲ ਵਧੇਰੇ ਪਾਣੀ ਅਤੇ ਇਥੇ ਜੀਵਨ ਦੀ ਮੌਜੂਦਗੀ ਦੀਆਂ ਸੰਭਾਵਨਾਵਾਂ ਪੈਦਾ ਹੋ ਗਈਆਂ ਹਨ। ਅਮਰੀਕੀ ਜਰਨਲ ਸਾਇੰਸ ਵਿਚ ਪ੍ਰਕਾਸ਼ਤ ਇਕ ਅਧਿਐਨ ਵਿਚ ਖੋਜਕਰਤਾਵਾਂ ਨੇ ਕਿਹਾ ਹੈ ਕਿ ਇਹ ਝੀਲ, ਜੋ ਮੰਗਲ ਉੱਤੇ ‘ਮਾਰਸੀਅਨ’ ਬਰਫ਼ ਦੇ ਬਲਾਕ ਤੋਂ ਡੇਢ ਕਿਲੋਮੀਟਰ ਹੇਠਾਂ ਹੈ, 20 ਕਿਲੋਮੀਟਰ ਚੌੜੀ ਹੈ।
File Photo
ਇਹ ਮੰਗਲ 'ਤੇ ਪਾਇਆ ਗਿਆ ਪਾਣੀ ਦਾ ਸਭ ਤੋਂ ਵੱਡਾ ਸਰੋਤ ਹੈ। ਆਸਟਰੇਲੀਆ ਦੀ ਸਵਿਨਬਰਨ ਯੂਨੀਵਰਸਿਟੀ ਦੇ ਸਹਾਇਕ ਪ੍ਰੋਫੈਸਰ ਐਲਨ ਡਫੀ ਨੇ ਇਸ ਨੂੰ ਇਕ ਵੱਡੀ ਪ੍ਰਾਪਤੀ ਦੱਸਿਆ ਅਤੇ ਕਿਹਾ ਕਿ ਇਸ ਨਾਲ ਜ਼ਿੰਦਗੀ ਦੀਆਂ ਅਨੁਕੂਲ ਸਥਿਤੀਆਂ ਦੀਆਂ ਸੰਭਾਵਨਾਵਾਂ ਖੁੱਲ੍ਹ ਗਈਆਂ ਹਨ। ਮਾਰਸਿਸ ਦੀ ਸਹਾਇਤਾ ਨਾਲ, ਮੰਗਲ 'ਤੇ ਇਹ ਨਵੀਂ ਖੋਜ ਸੰਭਵ ਹੋ ਸਕੀ ਹੈ। ਮਾਰਸਿਸ ਦਾ 'ਮਾਰਸ ਐਕਸਪ੍ਰੈਸ ਆਰਬਿਟਰ' ਪੁਲਾੜ ਯਾਨ ਦਾ ਇਕ ਰਡਾਰ ਹੈ।
File Photo
ਇਸ ਰਾਡਾਰ ਦੀ ਵਰਤੋਂ ਕਰਦਿਆਂ, ਵਿਗਿਆਨੀਆਂ ਨੇ ਬੁੱਧਵਾਰ ਨੂੰ ਜੋ ਦੇਖਿਆ, ਇਹ ਮੰਗਲ ਦੇ ਦੱਖਣੀ ਧਰੁਵੀ ਮੈਦਾਨ ਵਿਚ ਬਰਫ਼ ਦੇ ਹੇਠਾਂ ਇਕ ਵੱਡੀ ਲੂਣ ਝੀਲ ਵਰਗਾ ਦਿਖਾਈ ਦਿੱਤਾ। ਇਸ ਵਿਚ ਸੂਖਮ ਜੀਵਨ ਦੀ ਸੰਭਾਵਨਾ ਹੈ। ਇਹ ਝੀਲ ਲਗਭਗ 12 ਮੀਲ ਯਾਨੀ 20 ਕਿਲੋਮੀਟਰ ਚੌੜੀ ਹੈ। ਇਸ ਦੀ ਸ਼ਕਲ ਇਕ ਗੋਲਾਕਾਰ ਤਿਕੋਣ ਵਰਗੀ ਹੈ ਅਤੇ ਇਹ ਬਰਫ਼ ਦੀ ਸਤਹ ਤੋਂ ਡੇਢ ਕਿਲੋਮੀਟਰ ਹੇਠਾਂ ਮੌਜੂਦ ਹੈ।
Mars Planet
ਇਹ ਪਹਿਲੀ ਵਾਰ ਹੋਇਆ ਹੈ ਜਦੋਂ ਮੰਗਲ 'ਤੇ ਪਾਣੀ ਦੇ ਭੰਡਾਰ ਪਾਏ ਗਏ ਹਨ। ਕੀ ਜ਼ਿੰਦਗੀ ਧਰਤੀ ਤੋਂ ਇਲਾਵਾ ਕਿਤੇ ਵੀ ਮੌਜੂਦ ਹੈ? ਇਹ ਉਹ ਪ੍ਰਸ਼ਨ ਹੈ, ਜਿਸ ਦਾ ਜਵਾਬ ਜਾਣਨ ਲਈ ਮਨੁੱਖ ਅਤੇ ਵਿਗਿਆਨ ਹਮੇਸ਼ਾ ਲੱਭਣ ਦੀ ਕੋਸ਼ਿਸ਼ ਕਰ ਰਹੇ ਸਨ। ਹਾਲਾਂਕਿ ਅਜੇ ਤੱਕ ਮੰਗਲ 'ਤੇ ਜੀਵਨ ਦਾ ਕੋਈ ਪੱਕਾ ਸਬੂਤ ਨਹੀਂ ਮਿਲਿਆ ਹੈ, ਪਰ ਜਿਉਣ ਦੇ ਲਈ ਪਾਣੀ ਸਭ ਤੋਂ ਪਹਿਲੀ ਅਤੇ ਅਹਿਮ ਚੀਜ਼ ਮੰਨੀ ਜ਼ਾਂਦੀ ਹੈ ਅਜਿਹੇ ਵਿਚ ਕਈ ਖੋਜਾਂ ਕਰਨ ਤੋਂ ਬਾਅਦ ਮੰਗਲ 'ਤੇ ਜੀਵਨ ਦੀਆਂ ਸੰਭਾਵਨਾਵਾਂ ਕਾਫੀ ਵਧ ਗਈਆਂ ਹਨ।
