ਕੀ ਤੁਹਾਨੂੰ ਪਤਾ ਹੈ ਕਿ ਮੰਗਲ ਗ੍ਰਹਿ ਤੇ ਇਨਸਾਨੀ ਬਸਤੀ ਯਾਨੀ ਹਿਊਮਨ ਕਾਲੋਨੀ ਵਸਾਉਣ ਲਈ ਸ਼ੁਰੂਆਤ ਵਿਚ ਕਿੰਨੇ ਲੋਕਾਂ ਦੀ ਜ਼ਰੂਰਤ ਹੈ?
ਕੀ ਤੁਹਾਨੂੰ ਪਤਾ ਹੈ ਕਿ ਮੰਗਲ ਗ੍ਰਹਿ ਤੇ ਇਨਸਾਨੀ ਬਸਤੀ ਯਾਨੀ ਹਿਊਮਨ ਕਾਲੋਨੀ ਵਸਾਉਣ ਲਈ ਸ਼ੁਰੂਆਤ ਵਿਚ ਕਿੰਨੇ ਲੋਕਾਂ ਦੀ ਜ਼ਰੂਰਤ ਹੈ? ਇਸ ਵੱਡੇ ਸਵਾਲ ਦਾ ਜਵਾਬ ਮਿਲ ਗਿਆ ਹੈ। ਇਕ ਨਵੇਂ ਅਧਿਐਨ ਅਨੁਸਾਰ ਮੰਗਲ ਗ੍ਰਹਿ ’ਤੇ ਬਹੁਤ ਜ਼ਿਆਦਾ ਲੋਕਾਂ ਦੀ ਕਾਲੋਨੀ ਵਸਾਉਣ ਦੀ ਜ਼ਰੂਰਤ ਨਹੀਂ। ਸਿਰਫ਼ ਉਨੇ ਹੀ ਲੋਕ ਚਾਹੀਦੇ ਹਨ ਜੋ ਉਥੇ ਰਹਿ ਸਕਣ, ਕੰਮ ਕਰ ਸਕਣ ਅਤੇ ਜਿਨ੍ਹਾਂ ਦਾ ਉਥੇ ਰਹਿਣਾ ਉਪਯੋਗੀ ਸਾਬਤ ਹੋਵੇ।
Mars Planet
ਇਹ ਅਧਿਐਨ ਕੀਤਾ ਹੈ ਫਰਾਂਸ ਦੇ ਬੋਰਡੀਕਸ ਇੰਸਟੀਚਿਊਟ ਆਫ਼ ਨੈਸ਼ਨਲ ਪਾਲੀਟੈਕਨੀਕ ਦੇ ਪ੍ਰੋਫ਼ੈਸਰ ਜੀਨ ਮਾਰਕ ਸਲੋਟੀ ਨੇ। ਪ੍ਰੋਫ਼ੈਸਰ ਜੀਨ ਨੇ ਇਸ ਸਵਾਲ ਦਾ ਜਵਾਬ ਗਣਿਤ ਫ਼ਾਰਮੂਲੇ ਤੋਂ ਲਭਿਆ ਹੈ। ਜੀਨ ਨੇ ਕਿਹਾ ਕਿ ਇਹ ਫ਼ਾਰਮੂਲਾ ਹੁਣ ਤਕ ਬੇਹਤਰੀਨ ਜਵਾਬ ਹੈ ਇਹ ਦਸਣ ਲਈ ਕਿ ਮੰਗਲ ’ਤੇ ਕਿੰਨੇ ਲੋਕ ਰਹਿ ਸਕਦੇ ਹਨ। ਜੀਨ ਨੇ ਦਸਿਆ ਕਿ ਮੰਗਲ ਗ੍ਰਹਿ ’ਤੇ ਬਹੁਤ ਜ਼ਿਆਦਾ ਲੋਕ ਲਿਜਾ ਕੇ ਵਸਾਉਣ ਦੀ ਜ਼ਰੂਰਤ ਨਹੀਂ।
Space
ਜੀਨ ਮੁਤਾਬਕ ਸਿਰਫ਼ 110 ਲੋਕਾਂ ਨੂੰ ਮੰਗਲ ਗ੍ਰਹਿ ’ਤੇ ਵਸਾਉਣਾ ਕਾਫ਼ੀ ਹੋਵੇਗਾ ਕਿਉਂਕਿ ਉਥੇ ਜਿਹੜਾ ਵੀ ਰਹੇਗਾ ਉਸ ਨੂੰ ਕੋਈ ਨਾ ਕੋਈ ਕੰਮ ਕਰਨਾ ਪਵੇਗਾ ਤਾਕਿ ਸਮੇਂ ਅਤੇ ਸਰੋਤਾਂ ਦੀ ਸਹੀ ਵੰਡ ਹੋ ਸਕੇ। ਪ੍ਰੋਫ਼ੈਸਰ ਜੀਨ ਸਲੋਟੀ ਦਾ ਕਹਿਣਾ ਹੈ ਕਿ ਕਈ ਪੁਲਾੜ ਕੰਪਨੀਆਂ ਜਿਵੇਂ ਸਪੇਸ ਐਕਸ ਅਜਿਹੇ ਰਾਕਟ ਬਣਾ ਰਹੀਆਂ ਹਨ ਜੋ ਕਿ ਇਕੱਠੇ ਹੀ ਕਈ ਕੰਪਨੀਆਂ ਨੂੰ ਮੰਗਲ ਗ੍ਰਹਿ ਤਕ ਪਹੁੰਚਾ ਸਕਦੀਆਂ ਹਨ।
Mars Planet
ਜੇ ਕੋਈ ਮੰਗਲ ਤੇ ਜਾ ਕੇ ਰਹਿਣਾ ਚਾਹੁੰਦਾ ਹੈ ਤਾਂ ਉਸ ਨੂੰ ਗਣਿਤ, ਮੌਸਮ ਅਤੇ ਕੰਮ ਅਨੁਸਾਰ ਉਥੇ ਚਲਣਾ ਪਵੇਗਾ ਨਹੀਂ ਤਾਂ ਉਥੇ ਰਹਿਣਾ ਬਹੁਤ ਮੁਸ਼ਕਲ ਹੋਵੇਗਾ। ਪ੍ਰੋਫ਼ੈਸਰ ਜੀਨ ਨੇ ਕਿਹਾ ਕਿ ਮੰਗਲ ’ਤੇ ਰਹਿਣ ਲਈ ਬਹੁਤ ਸਾਰੇ ਲੋਕਾਂ ਲਈ ਇਕ ਬਹੁਤ ਵੱਡਾ ਗੁੰਬਦ, ਇਕ ਗੁੰਬਦਦਾਰ ਆਕਾਰ ਦਾ ਚਿੱਤਰ ਬਣਾਇਆ ਜਾਣਾ ਹੈ ਜਿਸ ਵਿਚ ਆਕਸੀਜਨ ਨਿਰੰਤਰ ਸਪਲਾਈ ਕੀਤੀ ਜਾਏਗੀ।
Mars Planet
ਖੇਤੀਬਾੜੀ ਅਤੇ ਉਦਯੋਗ ਦੋਵਾਂ ਨੂੰ ਇਸ ਗੁੰਬਦ ਦੇ ਅੰਦਰ ਸਥਾਪਤ ਕਰਨਾ ਪਵੇਗਾ ਤਾਂ ਜੋ ਖਾਣਾ ਅਤੇ ਕੰਮ ਦੋਵੇਂ ਇਕੋ ਥਾਂ ’ਤੇ ਮਿਲ ਸਕਣ। ਪ੍ਰੋਫ਼ੈਸਰ ਜੀਨ ਨੇ ਕਿਹਾ,‘‘ਮੈਂ ਸਿਰਫ਼ ਇਕ ਛੋਟਾ ਜਿਹਾ ਫ਼ਾਰਮੂਲਾ ਦਿਤਾ ਹੈ ਤਾਂ ਜੋ ਅਸੀ ਲੋਕਾਂ ਨੂੰ ਦਸ ਸਕੀਏ ਮੰਗਲ ’ਤੇ ਰਹਿਣ ਲਈ ਘੱਟੋ ਘੱਟ 110 ਲੋਕਾਂ ਦੀ ਜ਼ਰੂਰਤ ਹੈ।
ਜਿਵੇਂ-ਜਿਵੇਂ ਮੰਗਲ ’ਤੇ ਜ਼ਰੂਰਤ ਵਧਦੀ ਹੈ ਰਹਿਣ ਲਈ ਥਾਂ ਦਾ ਵਿਕਾਸ ਵਧਦਾ ਜਾਵੇਗਾ। ਉਸੇ ਤਰ੍ਹਾਂ ਹੀ ਮਨੁੱਖੀ ਬਸਤੀ ਵਿਚ ਰਹਿਣ ਵਾਲੇ ਲੋਕਾਂ ਦੀ ਗਿਣਤੀ ਵਿਚ ਵਾਧਾ ਕੀਤਾ ਜਾ ਸਕਦਾ ਹੈ। ਪ੍ਰੋਫ਼ੈਸਰ ਜੀਨ ਨੇ ਕਿਹਾ ਕਿ ਕੰਮ ਨੂੰ ਸਾਂਝਾ ਕੀਤੇ ਬਿਨਾਂ ਉਥੇ ਰਹਿਣਾ ਮੁਸ਼ਕਲ ਹੋਵੇਗਾ।
