ਇਸਟੈਂਟ ਮੈਸੇਜਿੰਗ ਐਪ ਵਟਸਐਪ ਦੁਆਰਾ ਫੈਲਾਈ ਜਾ ਰਹੀ ਫੇਕ ਨਿਊਜ ਨੂੰ ਲੈ ਕੇ ਕੰਪਨੀ ਨੇ ਕਈ ਕੜੇ ਕਦਮ ਚੁੱਕੇ ਹਨ। ਇਸ ਕ੍ਰਮ 'ਚ ਵਟਸਐਪ ਨੇ ਇਕ ਨਵਾਂ ਮਸ਼ੀਨ ਲਰਨਿੰਗ ...
ਨਵੀਂ ਦਿੱਲੀ: ਇਸਟੈਂਟ ਮੈਸੇਜਿੰਗ ਐਪ ਵਟਸਐਪ ਦੁਆਰਾ ਫੈਲਾਈ ਜਾ ਰਹੀ ਫੇਕ ਨਿਊਜ ਨੂੰ ਲੈ ਕੇ ਕੰਪਨੀ ਨੇ ਕਈ ਕੜੇ ਕਦਮ ਚੁੱਕੇ ਹਨ। ਇਸ ਕ੍ਰਮ 'ਚ ਵਟਸਐਪ ਨੇ ਇਕ ਨਵਾਂ ਮਸ਼ੀਨ ਲਰਨਿੰਗ ਸਿਸਟਮ ਬਣਾਇਆ ਹੈ। ਇਸ ਸਿਸਟਮ ਦੇ ਜਰੀਏ ਉਨ੍ਹਾਂ ਅਕਾਉਂਟਸ ਦੀ ਪਹਿਚਾਣ ਕੀਤੀ ਜਾਂਦੀ ਹੈ ਜੋ ਇਕੱਠੇ ਕਈ ਲੋਕਾਂ ਨੂੰ ਮੈਸੇਜ ਕਰਦੇ ਹਨ। ਇਸ ਨੂੰ ਬਲਕ ਮੈਸੇਜਿੰਗ ਵੀ ਕਿਹਾ ਜਾਂਦਾ ਹੈ।
ਇਸ ਲਰਨਿੰਗ ਸਿਸਟਮ ਦੇ ਜਰੀਏ ਵਟਸਐਪ ਫੇਕ ਕੰਟੇਂਟ ਸ਼ੇਅਰਿੰਗ 'ਤੇ ਰੋਕ ਲਗਾਉਣਾ ਚਾਹੁੰਦੀ ਹੈ। ਫੇਕ ਨਿਊਜ਼ ਨੂੰ ਲੈ ਕੇ ਕੁਝ ਮਹੀਨੇ ਤੋਂ ਸਰਕਾਰ ਅਤੇ ਵਟਸਐਪ ਵਿਚਾਲੇ ਗੱਲਬਾਤ ਚੱਲ ਰਹੀ ਹੈ ਪਰ ਹੁਣ ਖ਼ਬਰ ਆ ਰਹੀ ਹੈ ਕਿ ਭਾਰਤ 'ਚ ਜਲਦੀ ਵਟਸਐਪ ਨੂੰ ਬੰਦ ਕੀਤਾ ਜਾ ਸਕਦਾ ਹੈ। ਭਾਰਤ 'ਚ ਜੇਕਰ ਕੁਝ ਨਿਯਮ ਲਾਗੂ ਹੋ ਜਾਂਦੇ ਹਨ ਤਾਂ ਭਾਰਤੀ ਬਾਜ਼ਾਰ 'ਚ ਸੋਸ਼ਲ ਮੀਡੀਆ ਖ਼ਤਰੇ 'ਚ ਆ ਜਾਵੇਗਾ। ਕੰਪਨੀ ਦੇ ਇਕ ਅਧਿਕਾਰੀ ਨੇ ਇਸ ਦੀ ਜਾਣਕਾਰੀ ਬੁੱਧਵਾਰ ਨੂੰ ਦਿੱਤੀ। ਭਾਰਤ 'ਚ ਵਟਸਐਪ ਦੇ 20 ਕਰੋੜ ਯੂਜ਼ਰ ਹਨ ਜੋ ਸਭ ਤੋਂ ਵੱਡਾ ਬਾਜ਼ਾਰ ਹੈ।
ਹੁਣ ਕਿਹਾ ਜਾ ਰਿਹਾ ਹੈ ਕਿ ਵਟਸਐਪ ਹਰ ਮਹੀਨੇ 20 ਲੱਖ ਅਕਾਉਂਟ ਡਿਲੀਟ ਕਰ ਰਹੀ ਹੈ। ਕੰਪਨੀ ਨੇ ਇਹ ਕਦਮ ਫੇਕ ਨਿਊਜ਼ ਨੂੰ ਰੋਕਣ ਲਈ ਚੁੱਕਿਆ ਹੈ। ਇਸ ਲਈ ਕੰਪਨੀ ਨੇ ਮਸ਼ੀਨ ਲਰਨਿੰਗ ਸਿਸਟਮ ਦਾ ਸਹਾਰਾ ਲਿਆ ਹੈ। ਇਸ ਤੋਂ ਪਤਾ ਲੱਗ ਰਿਹਾ ਹੈ ਕਿ ਕੌਣ ਕਿੰਨੀ ਤਾਦਾਦ 'ਚ ਮੈਸੇਜ ਕਰ ਰਿਹਾ ਹੈ। ਬੈਨ ਹੋਏ ਹੁਣ ਤਕ 20 ਲੱਖ ਅਕਾਉਂਟ 'ਚ 75% ਅਜਿਹੇ ਹਨ ਜਿਨ੍ਹਾਂ ਨੂੰ ਬਗੈਰ ਅਲਰਟ ਦੇ ਬੈਨ ਕੀਤਾ ਗਿਆ ਹੈ।