ਟਿਕਟਾਕ ਦੀ ਪਾਪੂਲੈਰਿਟੀ ਨੇ ਵੱਡੀ ਕੰਪਨੀਆਂ ਨੂੰ ਚਿੰਤਾ 'ਚ ਪਾ ਦਿੱਤਾ ਹੈ। ਇਹ ਕਾਰਨ ਹੈ ਕਿ ਫੇਸਬੁੱਕ ਤੋਂ ਬਾਅਦ ਹੁਣ ਗੂਗਲ ਵੀ ਟਿਕਟਾਕ
ਨਵੀਂ ਦਿੱਲੀ : ਟਿਕਟਾਕ ਦੀ ਪਾਪੂਲੈਰਿਟੀ ਨੇ ਵੱਡੀ ਕੰਪਨੀਆਂ ਨੂੰ ਚਿੰਤਾ 'ਚ ਪਾ ਦਿੱਤਾ ਹੈ। ਇਹ ਕਾਰਨ ਹੈ ਕਿ ਫੇਸਬੁੱਕ ਤੋਂ ਬਾਅਦ ਹੁਣ ਗੂਗਲ ਵੀ ਟਿਕਟਾਕ ਨੂੰ ਟੱਕਰ ਦੇਣ ਲਈ ਇਕ ਐਪ ਲਿਆਉਣ ਦੀ ਸੋਚ ਰਿਹਾ ਹੈ। ਹਾਲ ਹੀ 'ਚ ਆਈ ਵਾਲ ਸਟਰੀਟ ਜਨਰਲ ਦੀ ਇਕ ਖ਼ਬਰ 'ਚ ਕਿਹਾ ਗਿਆ ਹੈ ਕਿ ਗੂਗਲ ਅਮਰੀਕਾ ਦੀ ਮਸ਼ਹੂਰ ਸੋਸ਼ਲ ਵੀਡੀਓ ਸ਼ੇਅਰਿੰਗ ਐਪ ਫਾਇਰਵਰਕ ਨੂੰ ਖਰੀਦਣ ਦੀ ਕੋਸ਼ਿਸ਼ 'ਚ ਲੱਗਿਆ ਹੈ।
Google New App
ਚੀਨ ਦੀ ਕੰਪਨੀ ਵੀ ਚਾਹੁੰਦੀ ਹੈ ਖਰੀਦਣਾ
ਫਾਇਰਵਰਕ ਨੂੰ ਖਰੀਦਣ 'ਚ ਸਭ ਤੋਂ ਮਜ਼ੇਦਾਰ ਗੱਲ ਇਹ ਹੈ ਕਿ ਗੂਗਲ ਤੋਂ ਇਲਾਵਾ ਚੀਨ ਦੀ ਮਸ਼ਹੂਰ ਮਾਈਕ੍ਰੋ ਬਲਾਗਿੰਗ ਵੈੱਬਸਾਈਟ Weibo ਵੀ ਇਸ ਨੂੰ ਖਰੀਦਣਾ ਚਾਹਵਾਨ ਹੈ। ਹਾਲਾਂਕਿ ਦੱਸਿਆ ਜਾ ਰਿਹਾ ਹੈ ਕਿ ਫਾਇਰਵਰਕ ਨੂੰ ਖਰੀਦਣ ਦੀ ਰੇਸ 'ਚ ਗੂਗਲ ਦੂਜੀ ਕੰਪਨੀਆਂ ਤੋਂ ਅੱਗੇ ਹੈ।
Google New App
ਟਿਕਟਾਕ ਤੋਂ ਜ਼ਿਆਦਾ ਹੈ ਫਾਇਰਵਰਕ ਦੀ ਵੈਲੀਊ
ਫਾਇਰਵਰਕ ਨੇ ਪਿਛਲੇ ਮਹੀਨੇ ਭਾਰਤ 'ਚ ਐਂਟਰੀ ਕੀਤੀ ਹੈ। ਫੰਡ ਰੇਜਿੰਗ 'ਚ ਕੰਪਨੀ ਦੀ ਕੀਮਤ ਇਸ ਸਾਲ ਦੀ ਸ਼ੁਰੂਆਤ 'ਚ 100 ਮਿਲੀਅਨ ਡਾਲਰ ਦੀ ਆਂਕੀ ਗਈ ਸੀ। ਉੱਥੇ ਟਿਕਟਾਕ ਦੀ ਪੈਰੰਟ ਕੰਪਨੀ ਬਾਈਟਡਾਂਸ ਦੀ ਇਹ ਵੈਲੀਊ 75 ਮਿਲੀਅਨ ਡਾਲਰ ਰਹੀ। ਫਾਇਰਵਰਕ ਲੂਪ ਨਾਓ ਟੈਕਨਾਲੋਜੀ ਦੁਆਰਾ ਤਿਆਰ ਕੀਤੇ ਗਏ ਐਪਸ ਦਾ ਇਕ ਹਿੱਸਾ ਹੈ। ਲੂਪ ਨਾਓ ਟੈਕਨਾਲੋਜੀ ਇਕ ਅਮਰੀਕੀ ਸਟਾਰਟਅਪ ਕੰਪਨੀ ਹੈ ਜੋ ਨੈਕਸਟ ਜਨਰੇਸ਼ਨ ਕੰਜ਼ਿਉਮਰ ਮੋਬਾਇਲ ਐਪਲੀਕੇਸ਼ਨ ਬਣਾਉਣ ਦਾ ਕੰਮ ਕਰਦੀ ਹੈ।
Google New App
ਕਈ ਗੱਲਾਂ 'ਚ ਟਿਕਟਾਕ ਤੋਂ ਵੱਖ
ਸ਼ਾਰਟ ਵੀਡੀਓ ਮੇਕਿੰਗ ਅਤੇ ਸ਼ੇਅਰਿੰਗ 'ਚ ਫਾਇਰਵਰਕ ਟਿਕਟਾਕ ਤੋਂ ਕਈ ਗੱਲਾਂ ਤੋਂ ਵੱਖ ਹੋ ਸਕਦੀ ਹੈ। ਫਾਇਰਵਰਕ ਯੂਜ਼ਰਸ ਨੂੰ 30 ਸੈਕਿੰਡ ਦੀ ਵੀਡੀਓ ਬਣਾਉਣ ਦੀ ਸਹੂਲਤ ਦਿੰਦੀ ਹੈ ਜੋ ਟਿਕਟਾਕ 'ਚ 15 ਸੈਕਿੰਡ ਹੈ। ਉੱਥੇ ਇਕ ਹੋਰ ਚੀਜ ਜਿਹੜੀ ਇਸ ਨੂੰ ਟਿਕਟਾਕ ਤੋਂ ਵੱਖ ਕਰਦੀ ਹੈ ਉਹ ਇਹ ਹੈ ਕਿ ਇਸ 'ਚ ਯੂਜ਼ਰਸ ਵਰਟੀਕਲ ਦੇ ਨਾਲ ਵੀ ਹਾਰੀਜਾਂਟਨਲ ਵੀਡੀਓ ਵੀ ਸ਼ੂਟ ਕਰ ਸਕਦੇ ਹਨ। ਕੰਪਨੀ ਨੇ ਇਸ ਫੀਚਰ ਦਾ ਨਾਂ 'Reveal' ਰੱਖਿਆ ਹੈ।
Google New App
ਯੂਜ਼ਰਸ ਦੀ ਗਿਣਤੀ 10 ਲੱਖ ਤੋਂ ਵਧ
ਫਾਇਰਵਰਕ ਐਪ ਐਂਡ੍ਰਾਇਡ ਅਤੇ ਆਈ.ਓ.ਐੱਸ. ਯੂਜ਼ਰਸ ਲਈ ਉਪਲੱਬਧ ਹੈ। ਇਸ ਐਪ ਨੂੰ ਯੂਜ਼ ਕਰਨ ਵਾਲੇ ਯੂਜ਼ਰਸ ਦੀ ਗਿਣਤੀ 10 ਲੱਖ ਤੋਂ ਜ਼ਿਆਦਾ ਹੋ ਚੁੱਕੀ ਹੈ। ਕੰਪਨੀ ਨੂੰ ਉਮੀਦ ਹੈ ਕਿ ਭਾਰਤ 'ਚ ਇਹ ਐਪ ਟਿਕਟਾਕ ਵਾਂਗ ਹੀ ਮਸ਼ਹੂਰ ਹੋਵੇਗੀ।
Google New App
ਫੇਸਬੁੱਕ ਵੀ ਲਿਆਈ ਵੀਡੀਓ ਸ਼ੇਅਰਿੰਗ ਐਪ
ਸੋਸ਼ਲ ਮੀਡੀਆ ਕੰਪਨੀ ਫੇਸਬੁੱਕ ਵੀ ਯੂਜ਼ਰਸ 'ਚ ਸ਼ਾਰਟ ਵੀਡੀਓ ਮੇਕਿੰਗ ਦੇ ਵਧਦੇ ਕ੍ਰੇਜ਼ ਨੂੰ ਪਛਾਣ ਚੁੱਕੀ ਹੈ। ਇਸ ਦੇ ਲਈ ਫੇਸਬੁੱਕ ਨੇ ਪਿਛਲੇ ਸਾਲ ਨਵੰਬਰ 'ਚ Lasso ਨਾਂ ਦੀ ਐਪ ਨੂੰ ਲਾਂਚ ਕੀਤਾ ਸੀ। ਫੇਸਬੁੱਕ ਦਾ ਇਹ ਲੇਟੈਸਟ ਐਪ ਅਜੇ ਸਿਰਫ ਅਮਰੀਕਾ 'ਚ ਹੀ ਉਪਲੱਬਧ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
