Netflix ਨੇ ਵੀ ਹਾਲ ਹੀ ਵਿਚ ਯੂਕੇ ਅਤੇ ਆਇਰਲੈਂਡ ਲਈ ਆਪਣੇ ਸਬਸਕ੍ਰਿਪਸ਼ਨ ਦੀਆਂ ਕੀਮਤਾਂ ਵਿਚ ਵਾਧਾ ਕੀਤਾ ਹੈ
ਨਵੀਂ ਦਿੱਲੀ - ਮਸ਼ਹੂਰ ਵੀਡੀਓ ਸਟ੍ਰੀਮਿੰਗ ਪਲੇਟਫਾਰਮ Netflix ਆਪਣੇ ਗਾਹਕਾਂ ਨੂੰ ਝਟਕਾ ਦੇਣ ਦੀ ਤਿਆਰੀ ਕਰ ਰਿਹਾ ਹੈ, ਜੋ ਆਪਣੇ ਘਰਾਂ ਦੇ ਬਾਹਰ ਵੀ ਲੋਕਾਂ ਨਾਲ ਆਪਣਾ ਪਾਸਵਰਡ ਸਾਂਝਾ ਕਰਦੇ ਹਨ। ਰਿਪੋਰਟਾਂ ਮੁਤਾਬਕ ਕੰਪਨੀ ਅਜਿਹੇ ਲੋਕਾਂ ਨੂੰ Netflix ਦੀ ਵਰਤੋਂ ਕਰਦੇ ਰਹਿਣ ਲਈ ਵਾਧੂ ਫੀਸ ਅਦਾ ਕਰਨ ਲਈ ਕਹੇਗੀ। ਕੰਪਨੀ ਦਾ ਇਹ ਕਦਮ ਉਨ੍ਹਾਂ ਉਪਭੋਗਤਾਵਾਂ ਲਈ ਵੱਡਾ ਝਟਕਾ ਹੋਵੇਗਾ ਜੋ ਆਪਣੇ ਘਰ ਦੇ ਮੈਂਬਰਾਂ ਦੇ ਨਾਲ-ਨਾਲ ਬਾਹਰਲੇ ਲੋਕਾਂ ਨਾਲ ਨੈੱਟਫਲਿਕਸ ਪਾਸਵਰਡ ਸਾਂਝਾ ਕਰ ਰਹੇ ਹਨ। ਉਤਪਾਦ ਇਨੋਵੇਸ਼ਨ ਦੇ ਨਿਰਦੇਸ਼ਕ, ਚੇਂਗਹਾਈ ਲੌਂਗ ਨੇ ਇੱਕ ਪੋਸਟ ਵਿਚ ਕਿਹਾ ਕਿ ਘਰ ਵਿੱਚ ਪਾਸਵਰਡ ਸਾਂਝਾ ਕਰਨ ਨਾਲ ਸਾਡੀ ਨਿਵੇਸ਼ ਕਰਨ ਦੀ ਸਮਰੱਥਾ ਪ੍ਰਭਾਵਿਤ ਹੋ ਰਹੀ ਹੈ।
Password Sharing
Netflix ਇਸ ਸਮੇਂ ਟੈਸਟਿੰਗ ਪੀਰੀਅਡ ਦੌਰਾਨ ਚਿਲੀ, ਕੋਸਟਾ ਰੀਕਾ ਅਤੇ ਪੇਰੂ ਵਰਗੇ ਤਿੰਨ ਦੇਸ਼ਾਂ ਵਿਚ ਇਸ ਯੋਜਨਾ ਨੂੰ ਅਜਮਾਉਣ ਦੀ ਤਿਆਰੀ ਕਰ ਰਿਹਾ ਹੈ। ਇੱਥੇ ਟ੍ਰਾਇਲ ਦੇ ਦੌਰਾਨ, Netflix ਨਵੇਂ ਖਾਤਿਆਂ ਜਾਂ ਪ੍ਰਾਇਮਰੀ ਖਾਤੇ ਵਿਚ ਪ੍ਰੋਫਾਈਲਾਂ ਨੂੰ ਦੇਖਣ ਦੀ ਯੋਗਤਾ ਨੂੰ ਟ੍ਰਾਂਸਫਰ ਕਰਨ ਤੋਂ ਇਲਾਵਾ, ਇੱਕ ਛੋਟ ਵਾਲੀ ਕੀਮਤ 'ਤੇ ਆਪਣੇ ਪੈਕੇਜ ਵਿਚ ਹੋਰ ਦਰਸ਼ਕਾਂ ਨੂੰ ਜੋੜਨ ਦਾ ਵਿਕਲਪ ਪੇਸ਼ ਕਰੇਗਾ। ਕੰਪਨੀ ਟੈਸਟਿੰਗ ਤੋਂ ਬਾਅਦ ਹੀ ਇਸ ਦਿਸ਼ਾ 'ਚ ਕੋਈ ਠੋਸ ਕਦਮ ਚੁੱਕੇਗੀ। ਫਿਲਹਾਲ ਕੰਪਨੀ ਇਨ੍ਹਾਂ ਦੇਸ਼ਾਂ 'ਚ ਹੀ ਇਸ ਯੋਜਨਾ 'ਤੇ ਕੰਮ ਕਰੇਗੀ।
Netflix
ਦੱਸ ਦੇਈਏ ਕਿ Netflix ਨੇ ਵੀ ਹਾਲ ਹੀ ਵਿਚ ਯੂਕੇ ਅਤੇ ਆਇਰਲੈਂਡ ਲਈ ਆਪਣੇ ਸਬਸਕ੍ਰਿਪਸ਼ਨ ਦੀਆਂ ਕੀਮਤਾਂ ਵਿਚ ਵਾਧਾ ਕੀਤਾ ਹੈ। ਐਂਪੀਅਰ ਵਿਸ਼ਲੇਸ਼ਣ ਦੇ ਅਨੁਸਾਰ, ਵੀਡੀਓ ਸਟ੍ਰੀਮਿੰਗ ਦਿੱਗਜ ਦੇ ਯੂਕੇ ਵਿਚ ਲਗਭਗ 14 ਮਿਲੀਅਨ ਅਤੇ ਆਇਰਲੈਂਡ ਵਿਚ 600,000 ਗਾਹਕ ਹਨ। ਕੰਪਨੀ ਨੇ ਫਿਲਹਾਲ ਇਨ੍ਹਾਂ ਦੇਸ਼ਾਂ 'ਚ ਕੀਮਤਾਂ ਵਧਾ ਦਿੱਤੀਆਂ ਹਨ, ਇਸ ਲਈ ਭਾਰਤੀ ਯੂਜ਼ਰਸ ਨੂੰ ਚਿੰਤਾ ਕਰਨ ਦੀ ਲੋੜ ਨਹੀਂ ਹੈ। ਕਿਉਂਕਿ ਭਾਰਤ 'ਚ ਇਹ ਅਜੇ ਵੀ ਪੁਰਾਣੀਆਂ ਕੀਮਤਾਂ 'ਤੇ ਹੀ ਮਿਲੇਗਾ।
