ਟੈਕ ਕੰਪਨੀ ਗੂਗਲ 'ਤੇ ਯੂਰੋਪੀ ਯੂਨੀਅਨ (ਈਯੂ) ਨੇ ਬੁੱਧਵਾਰ ਨੂੰ 34 ਹਜ਼ਾਰ ਕਰੋਡ਼ (5 ਅਰਬ ਡਾਲਰ) ਦਾ ਜੁਰਮਾਨਾ ਲਗਾਇਆ ਹੈ। ਯੂਨੀਅਨ ਨੇ ਗੂਗਲ ਨੂੰ ਮੁਕਾਬਲੇ ਨਿਯਮ...
ਟੈਕ ਕੰਪਨੀ ਗੂਗਲ 'ਤੇ ਯੂਰੋਪੀ ਯੂਨੀਅਨ (ਈਯੂ) ਨੇ ਬੁੱਧਵਾਰ ਨੂੰ 34 ਹਜ਼ਾਰ ਕਰੋਡ਼ (5 ਅਰਬ ਡਾਲਰ) ਦਾ ਜੁਰਮਾਨਾ ਲਗਾਇਆ ਹੈ। ਯੂਨੀਅਨ ਨੇ ਗੂਗਲ ਨੂੰ ਮੁਕਾਬਲੇ ਨਿਯਮ ਤੋਡ਼ਨ ਦਾ ਦੋਸ਼ੀ ਪਾਇਆ ਹੈ ਅਤੇ ਕਿਹਾ ਹੈ ਕਿ ਜੇਕਰ ਕੰਪਨੀ 90 ਦਿਨ ਵਿਚ ਅਪਣੇ ਤਰੀਕਿਆਂ ਵਿਚ ਸੁਧਾਰ ਨਹੀਂ ਕਰਦੀ ਹੈ ਤਾਂ ਜੁਰਮਾਨੇ ਦੀ ਰਕਮ ਨੂੰ ਵਧਾਇਆ ਵੀ ਜਾ ਸਕਦਾ ਹੈ। ਯੂਰੋਪੀ ਯੂਨੀਅਨ ਵਲੋਂ ਕਿਸੇ ਵੀ ਕੰਪਨੀ 'ਤੇ ਲਗਾਇਆ ਗਿਆ ਇਹ ਹੁਣ ਤੱਕ ਦਾ ਸੱਭ ਤੋਂ ਵੱਡਾ ਜੁਰਮਾਨਾ ਹੈ। ਈਯੂ ਦੀ ਕਾਂਪਿਟੀਸ਼ਨ ਕਮਿਸ਼ਨਰ ਮਾਰਗਰੇਟ ਵੈਸਟੇਜਰ ਨੇ ਗੂਗਲ ਨੂੰ ਮੁਕਾਬਲੇ ਨਿਯਮ ਤੋਡ਼ਨ ਦਾ ਦੋਸ਼ੀ ਪਾਉਂਦੇ ਹੋਏ ਇਹ ਜੁਰਮਾਨਾ ਲਗਾਇਆ ਹੈ।
Google
ਵੈਸਟੇਜਰ ਨੇ ਹੀ 2017 ਵਿਚ ਗੂਗਲ 'ਤੇ 19 ਹਜ਼ਾਰ ਕਰੋਡ਼ ਰੁਪਏ ਦਾ ਜੁਰਮਾਨਾ ਲਗਾਇਆ ਸੀ। ਉਸ ਸਮੇਂ ਸ਼ਾਪਿੰਗ ਕੰਪੈਰਿਜ਼ਨ ਸਰਵਿਸ ਲਈ ਜੁਰਮਾਨਾ ਲਗਾਇਆ ਸੀ। ਗੂਗਲ 'ਤੇ ਇਲਜ਼ਾਮ ਸੀ ਕਿ ਸ਼ਾਪਿੰਗ ਲਈ ਕੀਤੀ ਜਾਣ ਵਾਲੀ ਸਰਚਿੰਗ ਦੇ ਦੌਰਾਨ ਕੰਪਨੀ ਅਪਣੇ ਇਸ਼ਤਿਹਾਰ ਦਿਖਾਉਂਦੀ ਹੈ। ਇਸ ਫੈਸਲੇ ਦੇ ਖਿਲਾਫ ਗੂਗਲ ਨੇ ਅਪੀਲ ਕੀਤੀ ਹੈ, ਜਿਸ 'ਤੇ ਹੁਣੇ ਸੁਣਵਾਈ ਚੱਲ ਰਹੀ ਹੈ। ਹੁਣ ਤਾਜ਼ਾ ਫੈਸਲੇ ਤੋਂ ਬਾਅਦ ਸਮਾਰਟਫੋਨ ਯੂਜ਼ ਕਰਨ ਵਾਲੇ ਯੂਜ਼ਰਸ ਦੇ ਮਨ ਵਿਚ ਕਈ ਸਵਾਲ ਹੋਣਗੇ, ਜਿਸ ਦੇ ਜਵਾਬ ਅਸੀਂ ਦੱਸਣ ਜਾ ਰਹੇ ਹਾਂ।
Google
ਗੂਗਲ 'ਤੇ ਇਹ ਜੁਰਮਾਨਾ ਕਿਉਂ ਲਗਾਇਆ ਗਿਆ ?
ਗੂਗਲ 'ਤੇ ਇਲਜ਼ਾਮ ਹੈ ਕਿ ਉਸ ਨੇ ਮੁਕਾਬਲੇ ਨਿਯਮ ਤੋੜੇ। ਗੂਗਲ ਨੇ ਸੈਮਸੰਗ, ਹੁਵਾਈ ਸਮੇਤ ਸਾਰੇ ਸਮਾਰਟਫੋਨ ਅਤੇ ਟੈਬਲੇਟ ਬਣਾਉਣ ਵਾਲੀ ਕੰਪਨੀਆਂ ਨੂੰ ਗੂਗਲ ਸਰਚ ਇੰਜਨ ਅਤੇ ਗੂਗਲ ਕੁਰਮ ਬ੍ਰਾਉਜ਼ਰ ਪ੍ਰੀ - ਇੰਸਟਾਲ ਕਰਨ ਲਈ ਮਜਬੂਰ ਕੀਤਾ। ਇਸ ਦੇ ਲਈ ਗੂਗਲ ਨੇ ਕੰਪਨੀਆਂ 'ਤੇ ਦਬਾਅ ਬਣਾਇਆ ਕਿ ਜੇਕਰ ਇਹ ਐਪਸ ਪ੍ਰੀ - ਇੰਸਟਾਲ ਨਹੀਂ ਰਹਣਗੀਆਂ ਤਾਂ ਗੂਗਲ ਪਲੇ ਸਟੋਰ ਦਾ ਇਸਤੇਮਾਲ ਨਹੀਂ ਕਰ ਸਕਦੇ ਹਨ।
Google
ਕੀ ਗੂਗਲ ਨੇ ਇਸ ਦੇ ਲਈ ਕੰਪਨੀਆਂ ਨੂੰ ਪੈਸੇ ਵੀ ਦਿਤੇ ?
ਜੀ ਹਾਂ, ਅਪਣੀ ਐਪਸ ਪ੍ਰੀ - ਇੰਸਟਾਲ ਕਰਾਉਣ ਲਈ ਗੂਗਲ ਨੇ ਕੰਪਨੀਆਂ ਨੂੰ ਪੈਸੇ ਵੀ ਦਿਤੇ। ਹਾਲਾਂਕਿ ਇਸ ਗੱਲ ਦੀ ਜਾਣਕਾਰੀ ਨਹੀਂ ਹੈ ਕਿ ਕਿੰਨੇ ਪੈਸੇ ਦਿਤੇ ਗਏ। ਗੂਗਲ ਨੇ ਕੰਪਨੀਆਂ ਨਾਲ ਕਾਂਟਰੈਕਟ ਵੀ ਕੀਤਾ ਜਿਸ ਦੇ ਨਾਲ ਕੰਪਨੀਆਂ ਐਂਡਰਾਇਡ ਓਪਨ ਸੋਰਸ ਕੋਡ 'ਤੇ ਅਧਾਰਿਤ ਦੂਜੇ ਆਪਰੇਟਿੰਗ ਸਿਸਟਮ ਦੇ ਫੋਨ ਨਾ ਵੇਚ ਸਕਣ।
Google
ਗੂਗਲ ਨੇ ਅਜਿਹਾ ਕਿਉਂ ਕੀਤਾ ?
ਗੂਗਲ ਨੇ ਅਜਿਹਾ ਇਸ ਲਈ ਕੀਤਾ ਤਾਕਿ ਸਮਾਰਟਫੋਨ ਮਾਰਕੀਟ ਵਿਚ ਵੀ ਉਸ ਦਾ ਦਬਦਬਾ ਬਣਿਆ ਰਹੇ। ਗੂਗਲ ਨੂੰ ਡੈਸਕਟਾਪ ਸਰਚ ਇੰਜਨ 'ਤੇ ਵੱਡੀ ਸਫ਼ਲਤਾ ਮਿਲੀ ਸੀ ਅਤੇ ਇਸ ਦੇ ਜ਼ਰੀਏ ਹੀ ਗੂਗਲ ਇਸ਼ਤਿਹਾਰ ਦਿਖਾ ਕੇ ਕਮਾਈ ਕਰਦਾ ਹੈ। ਜੇਕਰ ਸਮਾਰਟਫੋਨ ਵਿਚ ਵੀ ਗੂਗਲ ਦਾ ਦਬਦਬਾ ਰਹਿੰਦਾ ਤਾਂ ਕੰਪਨੀ ਦੀ ਕਮਾਈ ਜ਼ਿਆਦਾ ਹੁੰਦੀ।
Android
ਜੇਕਰ ਗੂਗਲ ਅਜਿਹਾ ਨਹੀਂ ਕਰਦੀ ਤਾਂ ਉਸ ਨਾਲ ਕੀ ਫਰਕ ਪੈਂਦਾ ?
ਗੂਗਲ ਜੇਕਰ ਅਜਿਹਾ ਨਹੀਂ ਕਰਦੀ ਤਾਂ ਉਸ ਦੇ ਮਾਰਕੀਟ ਸ਼ੇਅਰ 'ਤੇ ਇਸ ਦਾ ਅਸਰ ਪੈਂਦਾ। ਰੂਸ ਵਿਚ ਵੀ ਗੂਗਲ 'ਤੇ ਇਸੇ ਤਰ੍ਹਾਂ ਦੇ ਇਲਜ਼ਾਮ ਲੱਗੇ ਸਨ, ਜਿਸ ਤੋਂ ਬਾਅਦ ਕੰਪਨੀ ਨੇ ਉਥੇ ਐਂਡਰਾਇਡ ਫੋਨ ਵਿਚ ਰੂਸੀ ਸਰਚ ਇੰਜਨ ਯਾਂਡੇਕਸ ਇੰਸਟਾਲ ਕਰਨ ਦਿਤਾ ਸੀ। ਇਸ ਤੋਂ ਗੂਗਲ ਦਾ ਮਾਰਕੀਟ ਸ਼ੇਅਰ 63 ਫ਼ੀ ਸਦੀ ਤੋਂ ਡਿੱਗ ਕੇ 52 ਫ਼ੀ ਸਦੀ 'ਤੇ ਆ ਗਿਆ ਸੀ।
Google
ਗੂਗਲ ਵਿਰੁਧ ਕਿਸਨੇ ਕੀਤੀ ਸੀ ਸ਼ਿਕਾਇਤ ?
ਗੂਗਲ ਖਿਲਾਫ਼ ਅਪ੍ਰੈਲ 2015 ਵਿਚ ਇਕ ਬਿਜ਼ਨਸ ਗਰੁਪ ਫੇਅਰਸਰਚ ਨੇ ਯੂਰੋਪੀ ਯੂਨੀਅਨ ਵਿਚ ਸ਼ਿਕਾਇਤ ਕੀਤੀ ਸੀ। ਇਸ ਗਰੁਪ 'ਚ ਮਾਈਕ੍ਰੋਸਾਫ਼ਟ, ਨੋਕੀਆ ਅਤੇ ਓਰੇਕਲ ਵਰਗੀ ਕੰਪਨੀਆਂ ਸ਼ਾਮਿਲ ਹਨ। ਫੇਅਰਸਰਚ ਨੇ ਅਪਣੀ ਸ਼ਿਕਾਇਤ ਵਿਚ ਕਿਹਾ ਸੀ ਕਿ ਗੂਗਲ ਐਂਡਰਾਇਡ ਸਮਾਰਟਫੋਨ ਵਿਚ ਅਪਣਾ ਕਰਜ਼ਾ ਜਮਾਂ ਰਿਹਾ ਹੈ। ਜਿਸ ਤੋਂ ਬਾਅਦ ਇਸ ਉਤੇ ਤਿੰਨ ਸਾਲ ਤੱਕ ਜਾਂਚ ਚਲੀ ਅਤੇ ਬੁੱਧਵਾਰ ਨੂੰ ਫੈਸਲਾ ਸੁਣਾਇਆ ਗਿਆ।
Google
ਕੀ ਗੂਗਲ ਦੇ ਕੋਲ ਹੁਣ ਕੋਈ ਰਸਤਾ ਹੈ ?
ਜੀ ਹਾਂ, ਬਿਲਕੁੱਲ। ਗੂਗਲ ਕੋਲ ਯੂਰੋਪੀ ਯੂਨੀਅਨ ਦੇ ਇਸ ਫੈਸਲੇ ਨੂੰ ਊਪਰੀ ਅਦਾਲਤ ਵਿਚ ਅਪੀਲ ਕਰਨ ਦਾ ਵਿਕਲਪ ਹੈ। ਗੂਗਲ ਨੇ ਵੀ ਇਹੀ ਕਿਹਾ ਹੈ ਕਿ ਉਹ ਇਸ ਫੈਸਲੇ ਖਿਲਾਫ਼ ਅਪੀਲ ਕਰਣਗੇ। ਹਾਲਾਂਕਿ, ਜਾਣਕਾਰਾਂ ਦਾ ਮੰਨਣਾ ਹੈ ਕਿ ਜੇਕਰ ਅਪੀਲ ਹੁੰਦੀ ਹੈ ਤਾਂ ਇਹ ਕੇਸ ਸਾਲਾਂ ਤੱਕ ਚੱਲਦਾ ਰਹੇਗਾ।
