ਅਮਰੀਕਾ ਦੀ ਦਿੱਗਜ਼ ਸਰਚ ਇੰਜਨ ਕੰਪਨੀ ਗੂਗਲ ਨੇ ਸ਼ਨੀਵਾਰ ਨੂੰ ਇਕ ਐਜੁਕੇਸ਼ਨਲ ਕੋਰੋਨਾ ਵਾਇਰਸ ਵੈੱਬਸਾਈਟ ਲਾਂਚ ਕੀਤੀ ਹੈ।

ਨਵੀਂ ਦਿੱਲੀ: ਅਮਰੀਕਾ ਦੀ ਦਿੱਗਜ਼ ਸਰਚ ਇੰਜਨ ਕੰਪਨੀ ਗੂਗਲ ਨੇ ਸ਼ਨੀਵਾਰ ਨੂੰ ਇਕ ਐਜੁਕੇਸ਼ਨਲ ਕੋਰੋਨਾ ਵਾਇਰਸ ਵੈੱਬਸਾਈਟ ਲਾਂਚ ਕੀਤੀ ਹੈ। ਇਸ ਵਿਚ ਮਹਾਮਾਰੀ ਸਬੰਧੀ ਸੁਰੱਖਿਆ ਅਤੇ ਅਧਿਕਾਰਕ ਜਾਣਕਾਰੀਆਂ ਦਿੱਤੀਆਂ ਗਈਆਂ ਹਨ।

ਇਸ ਤੋਂ ਪਹਿਲਾਂ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇਕ ਹਫ਼ਤੇ ਪਹਿਲਾਂ ਹੀ ਪ੍ਰੈੱਸ ਕਾਨਫਰੰਸ ਅਯੋਜਤ ਕਰ ਕੇ ਦਾਅਵਾ ਕੀਤਾ ਸੀ, ਕਿ ਗੂਗਲ ਕੋਰੋਨਾ ਵਾਇਰਸ ਲਈ ਇਕ ਸਕਰੀਨਿੰਗ ਵੈੱਬਸਾਈਟ ਦਾ ਨਿਰਮਾਣ ਕਰੇਗੀ, ਜੋ ਲੋਕਾਂ ਨੂੰ ਟੈਸਟਿੰਗ ਸਾਈਟ ਲਈ ਨਿਰਦੇਸ਼ਿਤ ਕਰੇਗੀ। ਵੈੱਬਸਾਈਟ ‘ਤੇ ਜਾਣ ਲਈ ਇਸ ਲਿੰਕ ‘ਤੇ ਜਾਓ https://www.google.com/covid19/

ਗੂਗਲ ਨੇ ਇਕ ਬਲਾਗ ਪੋਸਟ ਵਿਚ ਕਿਹਾ ਕਿ ਵੈੱਬਸਾਈਟ ‘ਗੂਗਲ ਡਾਟ ਕਾਮ/ ਕੋਵਿਡ-19’ ਸਿੱਖਿਆ, ਰੋਕਥਾਮ ਅਤੇ ਸਥਾਨਕ ਸਰੋਤਾਂ ‘ਤੇ ਕੇਂਦਰਿਤ ਹੈ। ਲੋਕ ਇਸ ਦੇ ਰਾਹੀ ਕੋਵਿਡ-19 ਨਾਲ ਸਬੰਧਿਤ ਸੂਬਾ-ਅਧਾਰਤ ਸੂਚਨਾ, ਸੁਰੱਖਿਆ ਅਤੇ ਰੋਕਥਾਮ ਦੇ ਉਪਾਅ, ਖੋਜ ਅਤੇ ਰੁਝਾਨ ਦੇ ਸਰੋਤ ਪਾ ਸਕਦੇ ਹਨ।

ਕੰਪਨੀ ਨੇ ਕਿਹਾ, ‘ਅਮਰੀਕਾ ਵਿਚ ਸਾਈਟ ਨੂੰ ਅੱਜ ਲਾਂਚ ਕਰ ਦਿੱਤਾ ਗਿਆ ਹੈ। ਆਉਣ ਵਾਲੇ ਦਿਨਾਂ ਵਿਚ ਸਾਈਟ ਹੋਰ ਜ਼ਿਆਦਾ ਭਾਸ਼ਾਵਾਂ ਅਤੇ ਦੇਸ਼ਾਂ ਵਿਚ ਉਪਲਬਧ ਹੋਵੇਗੀ ਅਤੇ ਜ਼ਿਆਦਾ ਸਰੋਤ ਪ੍ਰਾਪਤ ਹੋਣ ‘ਤੇ ਵੈੱਬਸਾਈਟ ਨੂੰ ਅਪਡੇਟ ਕੀਤਾ ਜਾਵੇਗਾ’। ਜ਼ਿਕਰਯੋਗ ਹੈ ਕਿ ਯੂਰੋਪ ਵਿਚ ਕੋਵਿਡ-19 ਦੇ ਚਲਦਿਆਂ ਪੰਜ ਹਜ਼ਾਰ ਤੋਂ ਜ਼ਿਆਦਾ ਲੋਕਾਂ ਦੀ ਮੌਤ ਹੋ ਗਈ ਹੈ। ਇਟਲੀ, ਸਪੇਨ ਅਤੇ ਜਰਮਨੀ ਵਿਚ ਪੀੜਤਾਂ ਦੇ ਮਾਮਲਿਆਂ ਵਿਚ ਤੇਜ਼ੀ ਨਾਲ ਵਾਧਾ ਹੋ ਰਿਹਾ ਹੈ।