ਨਵੀਂ ਦਿੱਲੀ: ਆਨਲਾਈਨ ਇੰਟੈਲੀਜੈਂਸ ਕੰਪਨੀ ਸਾਈਬਲ ਨੇ ਦੱਸਿਆ ਕਿ ਅਪਰਾਧੀਆਂ ਨੇ 2.9 ਕਰੋੜ ਭਾਰਤੀਆਂ ਦੀ ਨਿੱਜੀ ਜਾਣਕਾਰੀ ਡਾਰਕ ਵੈੱਬ 'ਤੇ ਪਾ ਦਿੱਤੀ ਹੈ। ਇਸ ਦੇ ਨਾਲ ਹੀ ਇਹ ਵੀ ਪਤਾ ਚੱਲਿਆ ਹੈ ਕਿ ਇਹ ਜਾਣਕਾਰੀ ਉੱਥੇ ਮੁਫਤ ਵਿਚ ਉਪਲਬਧ ਕਰਵਾਈ ਜਾ ਰਹੀ ਹੈ।
Photo
ਕੰਪਨੀ ਨੇ ਸ਼ੁੱਕਰਵਾਰ ਨੂੰ ਇਕ ਬਲਾਗ ਵਿਚ ਕਿਹਾ, 'ਨੌਕਰੀ ਦੀ ਤਲਾਸ਼ ਕਰ ਰਹੇ 2.91 ਕਰੋੜ ਭਾਰਤੀ ਲੋਕਾਂ ਦੀ ਨਿੱਜੀ ਜਾਣਕਾਰੀ ਰਿਲੀਜ਼ ਹੋ ਗਈ ਹੈ। ਆਮਤੌਰ 'ਤੇ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਆਮ ਨਜ਼ਰ ਆਉਂਦੀਆਂ ਰਹਿੰਦੀਆਂ ਹਨ ਪਰ ਇਸ ਨੇ ਖ਼ਾਸ ਧਿਆਨ ਖਿੱਚਿਆ ਕਿਉਂਕਿ ਇਸ ਵਿਚ ਬਹੁਤ ਸਾਰੀ ਨਿੱਜੀ ਜਾਣਕਾਰੀ ਵੀ ਸ਼ਾਮਲ ਹੈ।
Photo
ਇਸ ਜਾਣਕਾਰੀ ਵਿਚ ਸਿੱਖਿਆ, ਪਤਾ, ਈਮੇਲ, ਫੋਨ, ਯੋਗਤਾ, ਤਜ਼ੁਰਬਾ ਆਦਿ ਵੀ ਸ਼ਾਮਲ ਹੈ'। ਸਾਈਬਲ ਨੇ ਹਾਲ ਹੀ ਵਿਚ ਫੇਸਬੁੱਕ ਅਤੇ ਅਨਅਕੈਡਮੀ ਦੀ ਹੈਕਿੰਗ ਦੀ ਵੀ ਜਾਣਕਾਰੀ ਦਾ ਖੁਲਾਸਾ ਕੀਤਾ ਸੀ। ਸਾਈਬਲ ਨੇ ਇਕ ਬਿਆਨ ਵਿਚ ਕਿਹਾ ਹੈ ਕਿ ਸਾਈਬਰ ਅਪਰਾਧੀ ਇਸ ਤਰ੍ਹਾਂ ਦੀ ਨਿੱਜੀ ਜਾਣਕਾਰੀ ਦੀ ਤਾਕ ਵਿਚ ਰਹਿੰਦੇ ਹਨ ਤਾਂ ਜੋ ਉਹਨਾਂ ਦੇ ਨਾਮ ਤੇ ਪਛਾਣ ਚੋਰੀ ਕਰ ਕੇ ਘੁਟਾਲਾ ਜਾਂ ਫਿਰ ਜਾਸੂਸੀ ਆਦਿ ਕਰ ਸਕਣ।
Photo
ਇਸ ਮਹੀਨੇ ਦੀ ਸ਼ੁਰੂਆਤ ਵਿਚ ਭਾਰਤ ਦੇ ਸਭ ਤੋਂ ਵੱਡੇ ਈ-ਲਰਨਿੰਗ ਪਲੇਟਫਾਰਮ ਅਨਅਕੈਡਮੀ ਦੇ ਹੈਕ ਹੋਣ ਦੀ ਖ਼ਬਰ ਮਿਲੀ ਸੀ। ਉਸ ਸਮੇਂ ਵੀ ਇਸ ਦੀ ਜਾਣਕਾਰੀ ਯੂਐਸ ਬੇਸਡ ਸਕਿਓਰਿਟੀ ਫਰਮ ਸਾਈਬਲ ਨੇ ਦਿੱਤੀ ਸੀ, ਜਿਸ ਮੁਤਾਬਕ ਹੈਕਰਜ਼ ਨੇ ਇਸ ਦੇ ਸਰਵਰ ਨੂੰ ਹੈਕ ਕਰ ਕੇ 22 ਮਿਲੀਅਨ ਤੋਂ ਜ਼ਿਆਦਾ ਵਿਦਿਆਰਥੀਆਂ ਦੀ ਜਾਣਕਾਰੀ ਚੋਰੀ ਕੀਤੀ ਸੀ।
Photo
ਦੱਸਿਆ ਗਿਆ ਹੈ ਕਿ ਇਸ ਜਾਣਕਾਰੀ ਨੂੰ ਡਾਰਕ ਵੈੱਬ 'ਤੇ ਆਨਲਾਈਨ ਵੇਚਿਆ ਜਾ ਰਿਹਾ ਹੈ। ਇਹਨਾਂ ਵਿਚ ਵਿਪਰੋ, ਇਨਫੋਸਿਸ, ਕਾਂਗਨਿਜੇਂਡਟ, ਗੂਗਲ ਅਤੇ ਫੇਸਬੁੱਕ ਦੇ ਕਰਮਚਾਰੀਆਂ ਦੀ ਵੀ ਜਾਣਕਾਰੀ ਸੀ। ਸਕਿਓਰਿਟੀ ਫਰਮ ਦੀ ਰਿਪੋਰਟ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਅਨਅਕੈਡਮੀ ਦੇ 21,909,707 ਡੇਟਾ ਲੀਕ ਹੋਏ, ਜਿਨ੍ਹਾਂ ਦੀ ਕੀਮਤ 2,000 ਅਮਰੀਕੀ ਡਾਲਰ ਹੈ।
Photo
ਰਿਪੋਰਟ ਮੁਤਾਬਕ ਅਨਅਕੈਡਮੀ ਦੀ ਵੈੱਬਸਾਈਟ ਤੋਂ ਜੋ ਜਾਣਕਾਰੀ ਲੀਕ ਹੋਈ ਹੈ, ਉਸ ਵਿਚ ਵਿਦਿਆਰਥੀ ਦਾ ਯੂਜ਼ਰ ਨੇਮ, ਪਾਸਵਰਡ, ਲਾਸਟ ਲਾਗ ਇਨ, ਈਮੇਲ ਆਈਡੀ, ਪੂਰਾ ਨਾਮ, ਅਕਾਊਂਟ ਸਟੇਟਸ ਅਤੇ ਅਕਾਊਂਟ ਪ੍ਰੋਫਾਈਲ ਆਦਿ ਕਈ ਜ਼ਰੂਰੀ ਜਾਣਕਾਰੀ ਸ਼ਾਮਲ ਸੀ। ਦੱਸ ਦਈਏ ਕਿ ਅਨਅਕੈਡਮੀ ਦੀ ਮਾਰਕਿਟ ਕੀਮਤ 500 ਮਿਲੀਅਨ ਡਾਲਰ (ਕਰੀਬ 3,798 ਕਰੋੜ ਰੁਪਏ) ਹੈ।
