ਕਰੋੜਾਂ ਦਾ ਕਾਰੋਬਾਰ ਕਰਨ ਵਾਲੀ ਮਲਟੀ ਨੈਸ਼ਨਲ ਟੈਲੀਕਾਮ ਕੰਪਨੀ ਵੋਡਾਫੋਨ ਨੇ ਇਕ ਗ੍ਰਾਹਕ ਦੇ 98 ਪੈਸੇ ਬਕਾਇਆ ਰਹਿਣ .......
ਮੋਰਬੀ, 24 ਮਈ (ਏਜੰਸੀ) : ਕਰੋੜਾਂ ਦਾ ਕਾਰੋਬਾਰ ਕਰਨ ਵਾਲੀ ਮਲਟੀ ਨੈਸ਼ਨਲ ਟੈਲੀਕਾਮ ਕੰਪਨੀ ਵੋਡਾਫੋਨ ਨੇ ਇਕ ਗ੍ਰਾਹਕ ਦੇ 98 ਪੈਸੇ ਬਕਾਇਆ ਰਹਿਣ ਦੇ ਕਾਰਨ ਉਸਦੀ ਸਰਵਿਸ ਬੰਦ ਕਰ ਦਿੱਤੀ| ਗ੍ਰਾਹਕ ਨੇ ਕੰਪਨੀ ਨੂੰ ਇਕ ਰੁਪਏ ਦਾ ਭੁਗਤਾਨ ਕੀਤਾ ਜਿਸਦੇ ਬਾਅਦ ਉਸਦੀ ਸਰਵਿਸ ਸ਼ੁਰੂ ਕਰ ਦਿੱਤੀ ਗਈ| ਖਾਸ ਗੱਲ ਇਹ ਹੈ ਕਿ ਕੰਪਨੀ ਨੇ ਉਸ ਗ੍ਰਾਹਕ ਦਾ ਬਕਾਇਆ ਦੋ ਪੈਸੇ ਵਾਪਸ ਕਰਕੇ ਉਸਨੂੰ ਹੈਰਾਨ ਕਰ ਦਿੱਤਾ|
Vodafoneਇਹ ਮਾਮਲਾ ਗੁਜਰਾਤ ਦੇ ਮੋਰਬੀ ਜਿਲ੍ਹੇ ਦਾ ਹੈ| ਵੋਡਾਫੋਨ ਕੰਪਨੀ ਨੇ ਸਿਰਫ 0.98 ਪੈਸੇ ਦੀ ਵਸੂਲੀ ਲਈ ਇਕ ਮੋਰਬੀ ਦੇ ਰਹਿਣ ਵਾਲੇ ਸੰਦੀਪ ਰਾਵਲ ਦੀ ਸਰਵਿਸ ਬੰਦ ਕਰ ਦਿੱਤੀ| ਇਸਦੇ ਬਾਅਦ ਸੰਦੀਪ ਨੇ ਵੋਡਾਫੋਨ ਸਟੋਰ ਵਿਚ ਜਾ ਕੇ ਇਕ ਰੁਪਇਆ ਜਮ੍ਹਾਂ ਕਰਵਾਇਆ, ਉਸ ਤੋਂ ਬਾਅਦ ਉਨ੍ਹਾਂ ਦੀ ਸਰਵਿਸ ਸ਼ੁਰੂ ਕੀਤੀ ਗਈ| ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਆਪਣੇ ਗ੍ਰਾਹਕ ਨੂੰ ਬਾਕੀ ਬਚਦੀ ਰਕਮ ਮਤਲਬ ਕਿ 0.02 ਪੈਸੇ ਵੋਡਾਫੋਨ ਨੇ ਚੈੱਕ ਦੇ ਰਾਹੀਂ ਵਾਪਿਸ ਕੀਤੀ| ਅਜਿਹਾ ਕਰਕੇ ਗ੍ਰਾਹਕ ਅਤੇ ਕੰਪਨੀ ਦੋਵਾਂ ਨੇ ਨਵਾਂ ਇਤਿਹਾਸ ਰਚਿਆ ਹੈ| ‘ਸਮਾਲੇਸਟ ਐਵਰ ਅਮਾਉਂਟ ਚੈੱਕ ਪੇਮੈਂਟ ਪੇਡ’ ਲਈ ਸੰਦੀਪ ਰਾਵਲ ਦਾ ਨਾਮ ਇੰਡੀਆ ਬੁੱਕ ਆਫ ਰਿਕਾਰਡਸ ਵਿਚ ਸ਼ਾਮਿਲ ਕੀਤਾ ਗਿਆ ਹੈ|
Sandeep Rawalਮੋਰਬੀ ਦੇ ਸਾਮਾਕਾਂਠੇ ਇਲਾਕੇ ਵਿਚ ਰਹਿਣ ਵਾਲੇ ਸੰਦੀਪਭਾਈ ਰਾਵਲ ਨੇ ਦੱਸਿਆ ਕਿ ਉਨ੍ਹਾਂ ਦਾ ਸਿਰਾਮੀਕ ਦਾ ਕੰਮਕਾਜ ਹੈ| ਉਹ ਕਈ ਸਾਲਾਂ ਤੋਂ ਵੋਡਾਫੋਨ ਕੰਪਨੀ ਦਾ ਪੋਸਟਪੇਡ ਕਾਰਡ ਇਸਤੇਮਾਲ ਕਰ ਰਿਹਾ ਹੈ| ਕੁੱਝ ਸਮਾਂ ਪਹਿਲਾਂ ਹੀ ਉਨ੍ਹਾਂ ਨੇ ਇਸਨੂੰ ਪ੍ਰੀਪੇਡ ਕਰਵਾਉਣਾ ਸੀ ਪਰ ਕੰਪਨੀ ਨੇ ਸਿਰਫ 0.98 ਪੈਸੇ ਲਈ ਉਨ੍ਹਾਂ ਦੀ ਸਰਵਿਸ ਬੰਦ ਕਰ ਦਿੱਤੀ| ਸੰਦੀਪਭਾਈ ਨੇ ਕਿਹਾ ਕਿ ਆਪਣੀ ਸਰਵਿਸ ਫਿਰ ਤੋਂ ਸ਼ੁਰੂ ਕਰਾਉਣ ਲਈ ਮੈਂ ਵੋਡਾਫੋਨ ਕੰਪਨੀ ਵਿਚ ਇਕ ਰੁਪਇਆ ਜਮ੍ਹਾਂ ਕਰਵਾ ਦਿੱਤਾ|
vodafone logoਉਨ੍ਹਾਂ ਨੇ ਦੱਸਿਆ ਕਿ ਕੁੱਝ ਸਮੇਂ ਦੇ ਬਾਅਦ ਕੰਪਨੀ ਨੇ ਉਨ੍ਹਾਂ ਦੇ ਬਾਕੀ ਬਚੇ 0.02 ਪੈਸੇ ਕੋਟਕ ਮਹਿੰਦਰਾ ਬੈਂਕ ਚੈੱਕ ਨੰਬਰ 892237 ਦੁਆਰਾ ਵਾਪਸ ਕਰ ਦਿਤੇ ਗਏ| ਜਾਣਕਾਰੀ ਦੇ ਮੁਤਾਬਕ ਕਿਸੇ ਮਲਟੀ ਨੈਸ਼ਨਲ ਕੰਪਨੀ ਦੁਆਰਾ ਇੰਨੀ ਛੋਟੀ ਰਕਮ ਦਾ ਚੈੱਕ ਦੇਣ ਦਾ ਇਹ ਪਹਿਲਾ ਮਾਮਲਾ ਹੈ| ਸੰਦੀਪ ਦਾ ਨਾਮ ‘ਇੰਡੀਆ ਬੁੱਕ ਆਫ ਰਿਕਾਰਡਸ’ ਵਿਚ ਦਰਜ ਹੋ ਗਿਆ ਹੈ, ਨਾਲ ਹੀ ਉਨ੍ਹਾਂ ਨੂੰ ਸਮਾਲੇਸਟ ਐਵਰ ਅਮਾਉਂਟ ਚੈੱਕ ਪੇਡ ਦਾ ਖਿਤਾਬ ਵੀ ਹਾਸਲ ਹੋਇਆ ਹੈ|
