ਰਿਲਾਇੰਸ ਜੀਓ ਦੇ ਲਾਂਚ ਹੋਣ ਦੇ ਬਾਅਦ ਭਾਰਤ ਵਿੱਚ ਡਾਟਾ ਦੀ ਕੀਮਤ 70 ਫੀਸਦੀ ਤੋਂ ਵੀ ਜ‍ਿਆਦਾ ਘਟੀ ਹੈ ਅਤੇ ਅਜਿਹੇ ਵਿੱਚ ਜੀਓ ਆਪਣੇ ਪਲਾਨ ਮਹਿੰਗੇ ਕਰਕੇ ਇਸ ਉਦਯੋਗ ਵਿੱਚ ਇੱਕ ਨਵਾਂ ਤੂਫਾਨ ਮਚਾ ਸਕਦੀ ਹੈ। ਟੈਰਿਫ ਪਲਾਨ ਦੀਆਂ ਕੀਮਤਾਂ ਵਿੱਚ ਵਾਧੇ ਦਾ ਨਮੂਨਾ ਕੰਪਨੀ ਨੇ ਇਸ ਸਾਲ ਅਕਤੂਬਰ ਮਹੀਨੇ ਵਿੱਚ ਦਿੱਤਾ ਸੀ। ਰਿਲਾਇੰਸ ਜੀਓ ਦੇ ਸਾਰੇ ਸਸਤੇ ਟੈਰਿਫ ਪਲਾਨ ਰਿਵਾਇਜ ਕੀਤੇ ਗਏ ਅਤੇ ਇਹਨਾਂ ਦੀ ਕੀਮਤ ਵਧਾ ਦਿੱਤੀ ਗਈ।

ਇਹ ਟ੍ਰੈਂਡ ਅਲਗੇ ਸਾਲ ਤੱਕ ਜਾਰੀ ਰਹੇਗਾ। 4G ਬਾਜ਼ਾਰ ਵਿੱਚ ਜੀਓ ਦਾ ਉਹੋ ਜਿਹਾ ਹੀ ਦਬਦਬਾ ਰਹੇਗਾ ਜਿਹੋ ਜਿਹਾ ਹੁਣ ਹੈ। ਫਰੀ ਅਤੇ ਸਸਤਾ ਡਾਟਾ ਇੱਕ ਸਾਲ ਤੱਕ ਦੇਣ ਦੇ ਬਾਅਦ ਰਿਲਾਇੰਸ ਜੀਓ 2018 ਵਿੱਚ ਆਪਣੀ ਸਰਵਿਸ ਦੀਆਂ ਕੀਮਤਾਂ ਵਿੱਚ ਵਾਧਾ ਕਰ ਸਕਦੀ ਹੈ। 

ਗਲੋਬਲ ਰਿਸਰਚ ਫਰਮ ਕਰਿਸਿਲ ਦੇ ਮੁਤਾਬਕ ਸਾਲ 2020 ਤੱਕ ਭਾਰਤ ਵਿੱਚ ਡਾਟਾ ਖਪਤ 40 ਫੀਸਦੀ ਤੋਂ ਵਧਕੇ 80 ਫੀਸਦੀ ਹੋ ਜਾਵੇਗੀ। ਰਿਪੋਰਟ ਅਨੁਸਾਰ, ਟੈਲੀਕਾਮ ਸੈਕਟਰ ਵਿੱਚ ਰਿਲਾਇੰਸ ਜੀਓ ਦੇ ਆਉਣ ਦੇ ਬਾਅਦ ਭਾਰਤ 4G ਦੇ ਵੱਲ ਤੇਜੀ ਨਾਲ ਵੱਧ ਰਿਹਾ ਹੈ। ਦੱਸ ਦਈਏ ਕਿ ਰਿਲਾਇੰਸ ਜੀਓ ਨੇ ਆਪਣੇ ਲਾਂਚ ਦੇ ਨਾਲ ਹੀ ਤਿੰਨ ਮਹੀਨੇ ਤੱਕ ਫਰੀ ਸੇਵਾਵਾਂ ਦਿੱਤੀਆਂ ਸੀ ਇਸਦੇ ਬਾਅਦ ਹੈਪੀ ਨਿਊ ਈਅਰ ਆਫਰ ਵਿੱਚ ਵੀ ਫਰੀ ਸਰਵਿਸ ਦਿੱਤੀ ਗਈ ਸੀ।