ਇੱਥੋਂ ਦਾ ਰਾਕ ਆਰਟ ਆਖਰੀ ਹਿਮਯੁਗ ਤੋਂ ਪਹਿਲਾਂ ਦੇ ਦਿਨਾਂ ਦੀ ਸੱਭਿਅਤਾ ਦੀ ਝਲਕ ਦਿਖਾਉਂਦਾ ਹੈ।
ਨਵੀਂ ਦਿੱਲੀ: ਜੇ ਤੁਸੀਂ 50,000 ਸਾਲ ਪੁਰਾਣੇ ਆਦਿਵਾਸੀ ਲੋਕਾਂ ਨੂੰ ਦੇਖਣਾ ਚਾਹੁੰਦੇ ਹੋ ਤਾਂ ਤੁਹਾਡੇ ਲਈ ਕਕਾਡੁ ਨੈਸ਼ਨਲ ਪਾਰਕ ਸਭ ਤੋਂ ਵਧੀਆ ਜਗ੍ਹਾ ਹੈ। ਇੱਥੇ ਚਟਾਨਾਂ ਉਪਰ ਚਿੱਤਰ ਬਣਾਏ ਗਏ ਹਨ। ਇੱਥੋਂ ਦਾ ਰਾਕ ਆਰਟ ਆਖਰੀ ਹਿਮਯੁਗ ਤੋਂ ਪਹਿਲਾਂ ਦੇ ਦਿਨਾਂ ਦੀ ਸੱਭਿਅਤਾ ਦੀ ਝਲਕ ਦਿਖਾਉਂਦਾ ਹੈ।
ਇਹਨਾਂ ਚਿੱਤਰਾਂ ਤੋਂ ਪਤਾ ਲਗਦਾ ਹੈ ਕਿ ਉਸ ਦੌਰ ਦੇ ਲੋਕ ਕਿਵੇਂ ਸ਼ਿਕਾਰ ਕਰਦੇ ਸਨ, ਕਿਵੇਂ ਉਹ ਅਪਣੇ ਭੋਜਨ ਦਾ ਪ੍ਰਬੰਧ ਕਰਦੇ ਸਨ, ਸਮਾਜਿਕ ਢਾਂਚੇ ਕਿਸ ਤਰ੍ਹਾਂ ਦੇ ਸਨ ਅਤੇ ਕਿਸ ਤਰ੍ਹਾਂ ਦੇ ਧਾਰਮਿਕ ਸਮਾਰੋਹ ਹੁੰਦੇ ਸਨ। ਇਹ ਆਸਟ੍ਰੇਲੀਆ ਦਾ ਸਭ ਤੋਂ ਵੱਡਾ ਨੈਸ਼ਨਲ ਪਾਰਕ ਹੈ। ਇੱਥੇ ਜੈਵਵਿਦਿਅਤਾ ਪਾਈ ਜਾਂਦੀ ਹੈ।
ਇੱਥੇ ਤੁਹਾਨੂੰ ਸੁਹਾਵਣਾ ਵੂਡਲੈਂਡਸ, ਖੁੱਲ੍ਹੇ ਜੰਗਲ, ਹੜ੍ਹ ਵਾਲੇ ਮੈਦਾਨ, ਖਣਿਜਾਂ, ਸਮੁੰਦਰੀ ਕੱਢੇ ਵਾਲੇ ਖੇਤਰਾਂ ਤੋਂ ਲੈ ਕੇ ਮਾਨਸੂਨ ਦੇ ਜੰਗਲਾਂ ਤਕ ਹਰ ਕਿਸਮ ਦੀ ਭੂਗੋਲਿਕ ਟੌਪੋਗ੍ਰਾਫੀ ਦੇਖਣ ਨੂੰ ਮਿਲੇਗੀ। ਹੋਰ ਤੇ ਹੋਰ ਦਰਖ਼ਤ-ਪੌਦੇ ਅਤੇ ਫੁੱਲ ਦੇਖਣ ਨੂੰ ਮਿਲਣਗੇ। ਆਸਟ੍ਰੇਲੀਆ ਮਹਾਦੇਸ਼ ਦੇ ਉਤਰ ਵਿਚ ਇਹ ਅਜਿਹਾ ਖੇਤਰ ਹੈ ਜੋ ਆਧੁਨਿਕਤਾ ਨਾਲ ਪ੍ਰਭਾਵਿਤ ਨਹੀਂ ਹੋਈ ਹੈ।
ਕਕਾਡੁ ਵਿਚ ਕਰੀਬ 10,000 ਮਗਰਮੱਛ ਪਾਏ ਜਾਂਦੇ ਹਨ। ਇੱਥੇ ਦੋ ਤਰ੍ਹਾਂ ਦੇ ਮਗਰਮੱਛ ਹਨ ਇਕ ਉਹ ਮਿੱਠੇ ਪਾਣੀ ਵਿਚ ਰਹਿੰਦੇ ਹਨ ਤੇ ਦੂਜੇ ਉਹ ਜੋ ਖਾਰੇ ਪਾਣੀ ਵਿਚ ਰਹਿੰਦੇ ਹਨ। ਇੱਥੋਂ ਦੇ ਲੋਕ ਵੱਡੇ ਮਗਰਮੱਛਾਂ ਦਾ ਆਦਰ ਕਰਦੇ ਹਨ ਤੇ ਛੋਟਿਆਂ ਨੂੰ ਖਾਂਦੇ ਹਨ।
ਕਕਾਡੂ ਦੇ ਸਥਾਨ ਬਿਨਿੰਜ ਭਾਈਚਾਰੇ ਦੇ ਲੋਕ ਛੇ ਤਰ੍ਹਾਂ ਦੇ ਸੀਜ਼ਨ ਮਨਾਉਂਦੇ ਹਨ। ਬਾਰਿਸ਼ ਦੇ ਮੌਸਮ ਵਿਚ ਇੱਥੋਂ ਦੀ ਕੁਦਰਤ ਹੋਰ ਵੀ ਰੰਗੀਨ ਹੋ ਜਾਂਦੀ ਹੈ, ਹਰ ਚੀਜ਼ ਹਰੀ-ਭਰੀ ਵਿਖਾਈ ਦੇਵੇਗੀ।
ਪਾਣੀ ਝਰਨੇ ਦੀ ਸ਼ਕਲ ਵਿਚ ਵਹਿੰਦਾ ਹੋਇਆ ਸੁੰਦਰ ਦ੍ਰਿਸ਼ ਬਣਾਉਂਦਾ ਹੈ। ਗਰਮੀ ਦੇ ਮੌਸਮ ਜੂਨ ਤੋਂ ਅਕਤੂਬਰ ਤਕ ਤੈਰਾਕੀ ਦਾ ਮਜ਼ਾ ਲੈ ਸਕਦੇ ਹੋ। ਕਕਾਡੁ ਨੈਸ਼ਨਲ ਪਾਰਕ ਵਿਚ ਹੁਣ ਐਂਟਰੀ ਫੀਸ ਲਗਦੀ ਹੈ। 16 ਸਾਲ ਤੋਂ ਉਪਰ ਦੇ ਲੋਕਾਂ ਨੂੰ 25 ਡਾਲਰ ਪ੍ਰਤੀ ਵਿਅਕਤੀ ਦੇਣਾ ਪੈਂਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।