ਵੱਖ ਵੱਖ ਸੁਵਿਧਾਵਾਂ ਉਪਲੱਬਧ
ਨਵੀਂ ਦਿੱਲੀ: ਦਿੱਲੀ ਸੈਰ ਸਪਾਟਾ ਅਤੇ ਆਵਾਜਾਈ ਵਿਕਾਸ ਨਿਗਮ ਹੁਣ ਨਵੀਆਂ ਏਸੀਆਂ ਵਾਲੀਆਂ ਬੱਸਾਂ ਦੀ ਸ਼ੁਰੂਆਤ ਕੀਤੀ ਜਾ ਰਹੀ ਹੈ। ਇਸ ਨਾਲ ਯਾਤਰੀਆਂ ਨੂੰ ਗਰਮੀਂ ਤੋਂ ਹੋ ਰਹੀ ਪਰੇਸ਼ਾਨੀ ਤੋਂ ਛੁਟਕਾਰਾ ਮਿਲੇਗਾ। ਨਾਲ ਹੀ ਉਹ ਪਹਿਲਾਂ ਨਾਲੋਂ ਬਿਹਤਰ ਸੁਵਿਧਾਵਾਂ ਨਾਲ ਯਾਤਰਾ ਕਰ ਸਕਣਗੇ। ਨਵੀਆਂ ਬੱਸਾਂ ਦੀ ਇਹ ਸੇਵਾ ਦਿੱਲੀ ਵਿਚ ਪਹਿਲਾਂ ਤੋਂ ਉਪਲੱਬਧ ਸੁਵਿਧਾ ਵਿਚ ਹੀ ਜੋੜੀਆਂ ਜਾਣਗੀਆਂ ਇਸ ਨਾਲ ਯਾਤਰੀ ਪਹਿਲਾਂ ਤੋਂ ਨਿਰਧਾਰਿਤ ਸਥਾਨਾਂ ਨਾਲ ਹਾਪ-ਆਨ ਅਤੇ ਹਾਪ-ਆਫ (HOHO) ਬੱਸ ਲੈ ਸਕਦੇ ਹਨ।
ਜਾਣਕਾਰੀ ਅਨੁਸਾਰ ਦਿੱਲੀ ਦੇ ਲਗਭਗ 50 ਇਤਿਹਾਸਿਕ ਸਮਾਰਕਾਂ, ਪ੍ਰਮੁੱਖ ਬਾਜ਼ਾਰਾਂ ਅਤੇ ਬਾਗ਼ਾਂ ਨੂੰ ਇਸ ਵਿਚ ਸ਼ਾਮਲ ਕੀਤਾ ਜਾਵੇਗਾ ਅਤੇ ਯਾਤਰੀਆਂ ਨੂੰ ਯਾਤਰਾ ਦੌਰਾਨ ਹੋਣ ਵਾਲੀਆਂ ਸੁਵਿਧਾਵਾਂ ਤੋਂ ਬਚਣ ਲਈ ਗਾਈਡ ਦੀ ਵਿਵਸਥਾ ਵੀ ਕੀਤੀ ਜਾਵੇਗੀ। ਸੂਤਰਾ ਮੁਤਾਬਕ ਇਹਨਾਂ ਲਗਜ਼ਰੀ ਬੱਸਾਂ ਦੁਆਰਾ ਲੋਕ ਵਧੀਆ ਮਹਿਸੂਸ ਹੀ ਨਹੀਂ ਕਰਨਗੇ ਸਗੋਂ ਉਹਨਾਂ ਦਾ ਧਿਆਨ ਉਹਨਾਂ ਦਰਸ਼ਨੀ ਸਥਾਨਾਂ ਵੱਲ ਜਾਵੇਗਾ ਜਿੱਥੇ ਕੋਈ ਟੂਰਿਸਟ ਨਹੀਂ ਪਹੁੰਚ ਪਾਉਂਦੇ।
ਬੱਸਾਂ ਪਹਿਲਾਂ ਤੋਂ ਹੀ ਨਿਰਧਾਰਿਤ ਸਟਾਪ 'ਤੇ ਉਪਲੱਬਧ ਹੋਣਗੀਆਂ ਅਤੇ ਹਰ 15 ਤੋਂ 20 ਮਿੰਟ ਦੀ ਫ੍ਰੀਕਿਊਏਂਸੀ 'ਤੇ ਸਟਾਪ 'ਤੇ ਪਹੁੰਚਣਗੀਆਂ। ਹਾਲਾਂਕਿ ਇਹਨਾਂ ਬੱਸਾਂ ਲਈ ਵੀ ਹੁਣ ਟਿਕਟ ਦੀ ਕੀਮਤ ਤੈਅ ਨਹੀਂ ਕੀਤੀ ਗਈ ਹੈ। ਇਹ ਉਮੀਦ ਜਤਾਈ ਜਾ ਰਹੀ ਹੈ ਕਿ ਟਿਕਟ ਦੀ ਕੀਮਤ ਆਈਐਨਆਰ 100 ਦੇ ਆਸ ਪਾਸ ਹੋ ਸਕਦੀ ਹੈ। ਜੇ ਅਜਿਹਾ ਹੁੰਦਾ ਹੈ ਤਾਂ ਇਹ ਕੀਮਤ ਇਹਨਾਂ ਬੱਸਾਂ ਨਾਲ ਸਫ਼ਰ ਦੀ ਆਮ ਰਾਸ਼ੀ ਨਾਲੋਂ 4 ਗੁਣਾਂ ਘਟ ਹੋਵੇਗੀ।
ਇਸ ਤੋਂ ਇਲਾਵਾ ਯਾਤਰੀਆਂ ਨੂੰ ਆਡੀਓ ਕਮੇਂਟਰੀ ਸੁਣਨ ਲਈ ਹੈਡਫੋਨ ਅਤੇ ਰੂਟ ਮੈਪ ਦਾ ਇਕ ਪੇਅਰ ਵੀ ਦਿੱਤਾ ਜਾਵੇਗਾ ਜੋ ਕਿ ਵੱਖ ਵੱਖ ਭਾਸ਼ਾਵਾਂ ਵਿਚ ਉਪਲੱਬਧ ਹੋਵੇਗਾ। ਹਾਲਾਂਕਿ ਐਚਓਐਚਓ ਬੱਸਾਂ 9 ਸਾਲਾਂ ਤੋਂ ਵਧ ਸਮੇਂ ਤੋਂ ਸੇਵਾ ਵਿਚ ਹਨ ਜੋ 2010 ਵਿਚ ਰਾਸ਼ਟਰਮੰਡਲ ਖੇਡਾਂ ਦੇ ਮੈਦਾਨ ਦੌਰਾਨ ਸ਼ੁਰੂ ਕੀਤੀਆਂ ਗਈਆਂ ਸਨ।
ਪਰ ਸਮੇਂ ਨਾਲ ਇਹਨਾਂ ਦੀਆਂ ਸਵਾਰੀਆਂ ਵਿਚ ਭਾਰੀ ਗਿਰਾਵਟ ਆਈ ਅਤੇ ਇਸ ਲਈ ਸਮੇਂ ਦੇ ਨਾਲ ਬੱਸਾਂ ਦੀ ਗਿਣਤੀ ਵਿਚ ਵੀ ਕਮੀ ਦੇਖੀ ਗਈ। ਪਰ ਹੁਣ ਇਸ ਨਵੀਂ ਸੇਵਾ ਲਈ ਲਗਭਗ 30 ਬੱਸਾਂ ਸ਼ੁਰੂ ਹੋ ਜਾਣਗੀਆਂ ਜੋ ਬਾਅਦ ਵਿਚ ਰੈਸਪਾਨਸ ਦੇ ਆਧਾਰ 'ਤੇ ਵਧਾਈ ਜਾਵੇਗੀ।