ਇੱਥੇ ਅਸੀਂ ਤੁਹਾਨੂੰ ਗੁਲਮਰਗ ਦੀਆਂ ਕੁੱਝ ਖੂਬਸੂਰਤ ਤਸਵੀਰਾਂ ਦਿਖਾ ਰਹੇ ਹਾਂ।
ਨਵੀਂ ਦਿੱਲੀ: ਕਸ਼ਮੀਰ ਵਿਚ ਸੀਜ਼ਨ ਦੀ ਪਹਿਲੀ ਬਰਫ਼ਬਾਰੀ ਬੁੱਧਵਾਰ ਤੋਂ ਜਾਰੀ ਹੈ। ਮੈਦਾਨੀ ਇਲਾਕਿਆਂ ਵਿਚ ਵੀ ਤਾਪਮਾਨ ਘਟ ਹੋਣ ਲੱਗਿਆ ਹੈ। ਇਸ ਸੁਹਾਣੇ ਮੌਸਮ ਦਾ ਲੁਤਫ ਲੈਣ ਲਈ ਸੈਲਾਨੀ ਵੀ ਪਹੁੰਚ ਰਹੇ ਹਨ।
ਅਜਿਹੇ ਵਿਚ ਜੇ ਤੁਸੀਂ ਵੀ ਬਰਫ਼ ਦੀ ਚਾਦਰ ਵਿਚ ਲਿਪਟੀਆਂ ਵਾਦੀਆਂ ਦਾ ਲੁਤਫ ਉਠਾਉਣਾ ਚਾਹੁੰਦੇ ਹੋ ਤਾਂ ਗੁਲਮਰਗ ਲਈ ਅਪਣਾ ਬੈਗ ਪੈਕ ਕਰ ਲਓ। ਇੱਥੇ ਅਸੀਂ ਤੁਹਾਨੂੰ ਗੁਲਮਰਗ ਦੀਆਂ ਕੁੱਝ ਖੂਬਸੂਰਤ ਤਸਵੀਰਾਂ ਦਿਖਾ ਰਹੇ ਹਾਂ।
ਗੁਲਮਰਗ ਜੰਮੂ ਅਤੇ ਕਸ਼ਮੀਰ ਦਾ ਖੂਬਸੂਰਤ ਅਤੇ ਫੇਮਸ ਹਿਲ ਸਟੇਸ਼ਨ ਦੇ ਨਾਲ ਯਾਤਰੀਆਂ ਦਾ ਪਸੰਦੀਦਾ ਦਾ ਸਪਾਟ ਵੀ ਹੈ। ਕਸ਼ਮੀਰ ਦੇ ਬਾਰਾਮੂਲਾ ਜ਼ਿਲ੍ਹੇ ਵਿਚ ਗੁਲਮਰਗ ਦੀ ਖੂਬਸੂਰਤੀ ਸਰਦੀ ਦੇ ਮੌਸਮ ਵਿਚ ਬਰਫ਼ਬਾਰੀ ਦੇ ਨਾਲ ਹੀ ਕਾਫੀ ਵਧ ਜਾਂਦੀ ਹੈ।
ਗੁਲਮਰਗ ਸਿਰਫ ਇਕ ਹਿੱਲ ਸਟੇਸ਼ਨ ਹੀ ਨਹੀਂ ਹੈ ਬਲਕਿ ਦੁਨੀਆ ਦਾ ਸਭ ਤੋਂ ਉੱਚਾ ਗੋਲਫ ਕੋਰਸ ਵੀ ਹੈ। ਇੱਥੇ ਦੁਨੀਆ ਦੇ ਫੈਮਸ ਸਕੀ ਰੇਜਾਰਟ ਵੀ ਸਥਿਤ ਹਨ। ਜੇ ਤੁਸੀਂ ਅਡਵੈਂਚਰ ਦੇ ਸ਼ੌਂਕੀਨ ਹੋ ਤਾਂ ਤੁਹਾਨੂੰ ਗੁਲਮਰਗ ਘੁੰਮਣ ਲਈ ਜਾਣਾ ਚਾਹੀਦਾ ਹੈ। ਮੌਸਮ ਅਤੇ ਖੂਬਸੂਰਤ ਵਾਦੀਆਂ ਦੇ ਨਾਲ ਇਹ ਸਕੀਇੰਗ ਦੇ ਲਈ ਕਾਫੀ ਮਸ਼ਹੂਰ ਹੈ। ਸਕੀਇੰਗ ਦੇ ਮਾਮਲੇ ਵਿਚ ਗੁਲਮਰਗ ਦੇ ਦੁਨੀਆ ਦੀ ਬੈਸਟ ਜਗ੍ਹਾ ਵਿਚ ਗਿਣਿਆ ਜਾਂਦਾ ਹੈ।
ਸਿਰਫ ਸਕੀਇੰਗ ਹੀ ਨਹੀਂ ਇੱਥੇ ਤੁਸੀਂ ਸਨੋ ਬਾਈਕਿੰਗ ਯਾਨੀ ਬਰਫ਼ ਤੇ ਬਾਈਕ ਚਲਾਉਣ ਦਾ ਅਨੰਦ ਵੀ ਲੈ ਸਕਦੇ ਹੋ।
ਸਕੀ ਰੇਜਾਰਟ ਤੋਂ ਇਲਾਵਾ ਇੱਥੇ ਗੋਨਡੋਲਾ ਕੇਬਲ ਕਾਰ ਵੀ ਮੌਜੂਦ ਹੈ, ਜਿਸ ਦੁਆਰਾ ਤੁਸੀਂ ਬਰਫ਼ ਨਾਲ ਢਕੇ ਪਹਾੜਾਂ ਦਾ ਅਨੰਦ ਲੈ ਸਕਦੇ ਹੋ। ਗੁਲਮਰਗ ਵਿਚ ਹੀ ਖਿਲਨਮਰਗ ਨਾਮ ਦੀ ਖੂਬਸੂਰਤ ਘਾਟੀ ਹੈ, ਜਿੱਥੇ ਫੁੱਲਾਂ ਅਤੇ ਪਹਾੜੀਆਂ ਦੇ ਨਾਲ ਨਾਲ ਬਹੁਤ ਸੁੰਦਰ ਦ੍ਰਿਸ਼ ਦੇਖਣ ਨੂੰ ਮਿਲਦੇ ਹਨ।
ਗੁਲਮਰਗ ਤੋਂ ਕਰੀਬ 8 ਕਿਲੋਮੀਟਰ ਦੀ ਦੂਰੀ ਤੇ ਸਥਿਤ ਹੈ ਨਿੰਗਲੀ ਨਲਾਹ ਨਾਮ ਦੀ ਇਕ ਛੋਟੀ ਨਦੀ ਜਾਂ ਜਲਧਾਰਾ।
ਨਿੰਗਲੀ ਨਾਲੇ ਦਾ ਪਾਣੀ ਦੀ ਧਾਰਾ ਅਫਾਰਵਤ ਚੋਟੀ ਅਤੇ ਪਿਘਲਦੇ ਅਲਪਥਰ ਝੀਲ ਦੇ ਪਾਣੀ ਵਿਚੋਂ ਪਿਘਲ ਰਹੀ ਬਰਫ ਨਾਲ ਬਣਦੀ ਹੈ ਅਤੇ ਜੇਹਲਮ ਨਦੀ ਵਿਚ ਡਿੱਗਦੀ ਹੈ ਜੋ ਚਿੱਟੀ ਬਰਫ਼ ਦੀ ਤਰ੍ਹਾਂ ਚਮਕ ਰਹੀ ਹੈ।
ਸਰਦੀਆਂ ਦੇ ਮੌਸਮ ਦੌਰਾਨ ਗੁਲਮਰਗ ਵਿਚ ਬਰਫ ਦੇ ਤਿਉਹਾਰ ਦਾ ਆਯੋਜਨ ਕੀਤਾ ਜਾਂਦਾ ਹੈ, ਜਿਸ ਵਿਚ ਵੱਡੀ ਗਿਣਤੀ ਵਿਚ ਸੈਲਾਨੀ ਸ਼ਾਮਲ ਹੁੰਦੇ ਹਨ।
ਤਿਉਹਾਰ ਜਨਵਰੀ ਵਿਚ ਹੁੰਦਾ ਹੈ। ਤਿੰਨ ਦਿਨਾਂ ਚੱਲਣ ਵਾਲੇ ਇਸ ਤਿਉਹਾਰ ਦੌਰਾਨ ਸਾਈਕਲਿੰਗ, ਸਕੀਇੰਗ, ਸਨੋ ਬੋਰਡਿੰਗ, ਬੇਸ ਬਾਲ ਆਦਿ ਦਾ ਅਨੰਦ ਲਿਆ ਜਾ ਸਕਦਾ ਹੈ।Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।