ਆਜ਼ਾਦੀ ਦੀ ਲੜਾਈ ਦੇ ਸਮੇਂ ਸੈਂਕੜੇ ਦੇਸ਼ ਭਗਤ ਜੇਲ ਗਏ ਸਨ। ਕੁੱਝ ਨੂੰ ਤਾਂ ਅੰਗਰੇਜ਼ਾਂ ਨੇ ਛੱਡ ਦਿਤਾ ਸੀ ਅਤੇ ਉਨ੍ਹਾਂ ਨੇ ਦੇਸ਼ ਦਾ ਇਤਹਾਸ ਲਿਖਿਆ ਅਤੇ ਕੁੱਝ ਨੇ ਹਸਦੇ...
ਆਜ਼ਾਦੀ ਦੀ ਲੜਾਈ ਦੇ ਸਮੇਂ ਸੈਂਕੜੇ ਦੇਸ਼ ਭਗਤ ਜੇਲ ਗਏ ਸਨ। ਕੁੱਝ ਨੂੰ ਤਾਂ ਅੰਗਰੇਜ਼ਾਂ ਨੇ ਛੱਡ ਦਿਤਾ ਸੀ ਅਤੇ ਉਨ੍ਹਾਂ ਨੇ ਦੇਸ਼ ਦਾ ਇਤਹਾਸ ਲਿਖਿਆ ਅਤੇ ਕੁੱਝ ਨੇ ਹਸਦੇ ਹਸਦੇ ਮੌਤ ਨੂੰ ਗਲ ਨਾਲ ਲਗਾ ਲਿਆ ਸੀ। ਹੁਣ ਤੁਹਾਡੇ ਕੋਲ ਇਕ ਮੌਕਾ ਉਨ੍ਹਾਂ ਨੂੰ ਥੋੜ੍ਹਾ ਹੋਰ ਨੇੜੇ ਤੋਂ ਜਾਣਨ ਦਾ।
ਜੇਲ ਟੂਰਿਜ਼ਮ ਵਿਦੇਸ਼ਾਂ ਵਿਚ ਬਹੁਤ ਮਸ਼ਹੂਰ ਹੈ ਅਤੇ ਭਾਰਤ ਵਿਚ ਇਹ ਹੁਣੇ ਚਲਨ ਵਿਚ ਨਹੀਂ ਆਇਆ ਹੈ। ਦੱਖਣ ਅਫ਼ਰੀਕਾ ਦੇ ਰੋਬੇਨ ਆਇਲੈਂਡ ਨੂੰ ਦੇਖਣ ਲਈ ਕਈ ਸੈਲਾਨੀ ਆਉਂਦੇ ਹਨ। ਇਥੇ ਨੇਲਸਨ ਮੇਂਡੇਲਾ ਨੂੰ ਬੰਦੀ ਬਣਾ ਕੇ ਰੱਖਿਆ ਗਿਆ ਸੀ।
Cellular Jail
ਭਾਰਤ ਦੇ ਅੰਡੇਮਾਨ ਦੇ ਸੈਲੁਲਰ ਜੇਲ ਨੂੰ ਦੇਖਣ ਲਈ ਹਰ ਸਾਲ ਕਈ ਸੈਲਾਨੀ ਆਉਂਦੇ ਹਨ। ਮਹਾਰਾਸ਼ਟਰ ਸਰਕਾਰ ਸੈਲਾਨੀਆਂ ਲਈ ਅਪਣੇ ਜੇਲਾਂ ਦੇ ਦਰਵਾਜੇਂ ਖੋਲ੍ਹਣ ਜਾ ਰਹੀ ਹੈ। ਮਹਾਰਾਸ਼ਟਰ ਵਿਚ ਕਈ ਇਤਿਹਾਸਿਕ ਜੇਲਾਂ ਹਨ ਜਿੱਥੇ ਜਾਂਚ ਅਤੇ ਘੁੱਮਣ ਲਈ ਕਈ ਸੈਲਾਨੀ ਆਉਂਦੇ ਹਨ। ਜਿੰਨੇ ਵੀ ਇਤਿਹਾਸਿਕ ਮਹੱਤਤਾ ਦੀਆਂ ਜੇਲਾਂ ਹਨ ਉਨ੍ਹਾਂ ਨੂੰ ਹਫ਼ਤੇ ਵਿਚ ਕੁੱਝ ਦਿਨਾਂ ਲਈ ਸੀਮਤ ਸਮੇਂ ਲਈ ਹੀ ਖੋਲ੍ਹਿਆ ਜਾਵੇਗਾ।
Robben Island
ਮਹਾਰਾਸ਼ਟਰ ਦੇ ਯਰਵਦਾ ਜੇਲ ਵਿਚ ਹੀ ਮਹਾਤਮਾ ਗਾਂਧੀ, ਜਵਾਹਰਲਾਲ ਨੇਹਰੂ, ਬਾਲ ਗੰਗਾਧਰ ਤਿਲਕ, ਵੀਰ ਸਾਵਰਕਰ ਵਰਗੇ ਅਜ਼ਾਦੀ ਸੈਨਾਨੀਆਂ ਨੂੰ ਆਜ਼ਾਦੀ ਦੀ ਲੜਾਈ ਦੇ ਸਮੇਂ ਰੱਖਿਆ ਗਿਆ ਸੀ। ਜ਼ਰਾ ਸੋਚੋ ਇਸ ਜੇਲ ਦੀਆਂ ਕੰਧਾਂ ਦੇ ਸਹਾਰੇ ਬੈਠ ਕੇ ਹੀ ਉਨ੍ਹਾਂ ਨੇ ਅਪਣਿਆਂ ਨੂੰ ਖ਼ਤ ਲਿਖੇ ਸਨ। ਹਾਲ ਹੀ ਵਿਚ ਮਸ਼ਹੂਰ ਬਾਲੀਵੁਡ ਅਦਾਕਾਰ ਸੰਜੇ ਦੱਤ ਨੂੰ ਵੀ ਇਥੇ ਰੱਖਿਆ ਗਿਆ ਸੀ।
pune jail
ਜੇਲ੍ਹ ਦੇ ਰਿਕਾਰਡ ਤੋਂ ਤੁਸੀਂ ਅਜ਼ਾਦੀ ਸੈਨਾਨੀਆਂ ਦੇ ਬਾਰੇ ਵਿਚ ਜਾਣਕਾਰੀਆਂ ਹਾਸਲ ਕਰ ਸਕਦੇ ਹੋ। ਇਸ ਸੱਭ ਤੋਂ ਇਲਾਵਾ ਤੁਸੀਂ ਜੇਲ ਦੀ ਬਣਾਵਟ ਅਤੇ ਰਚਨਾ ਨੂੰ ਵੀ ਦੇਖ ਸਕਦੇ ਹੋ। ਇਤਹਾਸ ਅਤੇ ਆਰਕੀਟੈਕਚਰ ਵਿਚ ਰੂਚੀ ਰੱਖਣ ਵਾਲਿਆਂ ਲਈ ਤਾਂ ਇਹ ਵਧੀਆ ਜਗ੍ਹਾ ਹੋਵੇਗੀ। ਜੇਲ੍ਹ ਟੂਰਿਜ਼ਮ ਨੂੰ ਵਧਾਵਾ ਦੇਣ ਲਈ ਤੇਲੰਗਾਨਾ ਵਿਚ 220 ਸਾਲ ਪੁਰਾਣੀ ਸੰਗਰੇੱਡੀ ਜੇਲ ਵਿਚ ਮੁਸਾਫ਼ਰਾਂ ਦੇ ਠਹਿਰਣ ਦੀ ਸਹੂਲਤ ਵੀ ਬਣਾਈ ਗਈ ਹੈ। ਇਹ ਕੋਈ ਮਜ਼ਾਕ ਨਹੀਂ ਸਗੋਂ ਹਕੀਕਤ ਹੈ, ਜੇਕਰ ਤੁਸੀਂ ਕੁੱਝ ਘੰਟਿਆਂ ਲਈ ਇਕ ਜੇਲ ਦੀ ਕੋਠੜੀ ਵਿਚ ਬੀਤਾਉਣਾ ਚਾਹੁੰਦੇ ਹੋ ਤਾਂ ਕੁੱਝ ਰੁਪਏ ਦੇ ਕੇ ਤੁਸੀਂ ਅਜਿਹਾ ਕਰ ਸਕਦੇ ਹੋ।
sanjay dutt in jail
ਤੁਹਾਡੇ ਕੋਲ ਅਪਣੀ ਵਰਦੀ, ਸਟੀਲ ਦਾ ਕੱਪ, ਬਿਸਤਰਾ ਹੋਵੇਗਾ ਅਤੇ ਤੁਹਾਨੂੰ ਜੇਲ ਦਾ ਖਾਣਾ ਨਹੀਂ ਮਿਲੇਗਾ। ਜੇਲ੍ਹ ਜਾਣਾ ਚਾਹੁੰਦੇ ਹੋ ਤਾਂ ਦੇਰ ਨਾ ਕਰੋ ਬਸ ਬੁਕਿੰਗ ਕਰੋ ਅਤੇ ਜੇਲ ਦਾ ਤਜ਼ਰਬਾ ਲਓ।
