ਮੁੰਬਈ ਸਟਾਕ ਐਕਸਚੇਂਜ ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ ਦੁਪਹਿਰ ਦੇ ਕਾਰੋਬਾਰ 'ਚ 139.37 ਅੰਕ ਡਿੱਗ ਕੇ 71,612.74 ਅੰਕ 'ਤੇ ਆ ਗਿਆ।
Interim Budget 2024: ਅੰਤਰਿਮ ਬਜਟ ਪੇਸ਼ ਹੋਣ ਤੋਂ ਬਾਅਦ ਵੀਰਵਾਰ ਨੂੰ ਦੁਪਹਿਰ ਦੇ ਕਾਰੋਬਾਰ 'ਚ ਸਥਾਨਕ ਸ਼ੇਅਰ ਬਾਜ਼ਾਰਾਂ 'ਚ ਭਾਰੀ ਉਤਰਾਅ-ਚੜ੍ਹਾਅ ਦੇਖਣ ਨੂੰ ਮਿਲਿਆ। ਮੁੰਬਈ ਸਟਾਕ ਐਕਸਚੇਂਜ ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ ਦੁਪਹਿਰ ਦੇ ਕਾਰੋਬਾਰ 'ਚ 139.37 ਅੰਕ ਡਿੱਗ ਕੇ 71,612.74 ਅੰਕ 'ਤੇ ਆ ਗਿਆ।
ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 33.15 ਅੰਕ ਡਿੱਗ ਕੇ 21,692.55 ਅੰਕ 'ਤੇ ਬੰਦ ਹੋਇਆ। ਬੇਹੱਦ ਅਸਥਿਰ ਵਪਾਰ ਵਿਚ, ਦੋਵਾਂ ਸੂਚਕਾਂਕ ਨੇ ਥੋੜ੍ਹੇ ਸਮੇਂ ਵਿਚ ਵਾਪਸੀ ਕੀਤੀ। ਸੈਂਸੈਕਸ 91.52 ਅੰਕ ਵਧ ਕੇ 71,843.63 ਅੰਕਾਂ 'ਤੇ ਅਤੇ ਨਿਫਟੀ 17.95 ਅੰਕਾਂ ਦੇ ਵਾਧੇ ਨਾਲ 21,743.65 ਅੰਕਾਂ 'ਤੇ ਕਾਰੋਬਾਰ ਕਰਦਾ ਰਿਹਾ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਸੈਂਸੈਕਸ ਕੰਪਨੀਆਂ 'ਚ ਅਲਟਰਾਟੈੱਕ ਸੀਮੈਂਟ, ਲਾਰਸਨ ਐਂਡ ਟੂਬਰੋ ਵਿਪਰੋ ਅਤੇ ਬਜਾਜ ਫਾਈਨਾਂਸ ਦੇ ਸ਼ੇਅਰਾਂ 'ਚ ਸੱਭ ਤੋਂ ਜ਼ਿਆਦਾ ਗਿਰਾਵਟ ਦਰਜ ਕੀਤੀ ਗਈ। ਮਾਰੂਤੀ ਪਾਵਰ ਗਰਿੱਡ ਮਹਿੰਦਰਾ ਐਂਡ ਮਹਿੰਦਰਾ ਅਤੇ ਟਾਟਾ ਕੰਸਲਟੈਂਸੀ ਸਰਵਿਸਿਜ਼ ਦੇ ਸ਼ੇਅਰ ਲਾਭ ਦੇ ਨਾਲ ਕਾਰੋਬਾਰ ਕਰ ਰਹੇ ਸਨ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਵੀਰਵਾਰ ਨੂੰ ਸੰਸਦ 'ਚ ਅੰਤਰਿਮ ਬਜਟ ਪੇਸ਼ ਕਰਦੇ ਹੋਏ ਕਿਹਾ ਕਿ ਭਾਰਤੀ ਅਰਥਵਿਵਸਥਾ 'ਚ ਪਿਛਲੇ 10 ਸਾਲਾਂ 'ਚ ਵੱਡੇ ਸਕਾਰਾਤਮਕ ਬਦਲਾਅ ਦੇਖਣ ਨੂੰ ਮਿਲੇ ਹਨ।
(For more Punjabi news apart from Interim Budget 2024 Impacts on Share Markets, stay tuned to Rozana Spokesman)
