ਇਕ ਲੱਖ ਤੋਂ ਇਕ ਕਰੋੜ ਰੁਪਏ ਤੱਕ ਦੀ ਬੰਪਰ ਲਾਟਰੀ...
ਨਵੀਂ ਦਿੱਲੀ: ਸਰਕਾਰ ਹੁਣ ਹਰ ਵਿਅਕਤੀ ਨੂੰ ਇਕ ਕਰੋੜ ਰੁਪਏ ਦੀ ਲਾਟਰੀ ਵਿਚ ਸ਼ਾਮਲ ਹੋਣ ਦਾ ਆਸਾਨ ਮੌਕਾ ਦੇਣ ਜਾ ਰਹੀ ਹੈ। ਇਸਦੇ ਲਈ ਬਸ ਤੁਹਾਨੂੰ ਕਿਸੇ ਵੀ ਸਾਮਾਨ ਦੀ ਖਰੀਦ ਜਾਂ ਸਰਵਿਸ ਦੇ ਇਸਤੇਮਾਲ ਉਤੇ ਜੀਐਸਟੀ ਬਿਲ ਲੈਣ ਦੀ ਆਦਤ ਪਾਉਣੀ ਹੋਵੇਗੀ। ਅਸਲ ਵਿਚ ਸਰਕਾਰ ਨੇ ਮਾਲ ਅਤੇ ਸੇਵਾ ਕਰ (ਜੀਐਸਟੀ) ਵਿਚ ਹੇਰਾ-ਫ਼ੇਰੀ ਨੂੰ ਰੋਕਣ ਦੇ ਤਰੀਕਿਆਂ ਦੇ ਅਧੀਨ ਇਕ ਅਪ੍ਰੈਲ ਤੋਂ ਇਕ ਲਾਟਰੀ ਸ਼ੁਰੂ ਕਰਨ ਦੀ ਯੋਜਨਾ ਬਣਾਈ ਹੈ।
GST
ਹਰ ਮਹੀਨੇ ਹੋਵੇਗਾ ਡਰਾਅ
ਇਸ ਵਿਵਸਥਾ ਦੇ ਤਹਿਤ ਹਰ ਮਹੀਨੇ ਦੁਕਾਨਦਾਰ ਅਤੇ ਖਰੀਦਦਾਰ ਦੇ ਵਿੱਚ ਸਮਾਨ ਦੇ ਹਰ ਬਿਲ ਨੂੰ ਲੱਕੀ-ਡਰਾਅ ਵਿੱਚ ਸ਼ਾਮਲ ਕੀਤਾ ਜਾਵੇਗਾ। ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਇਸ ਲਾਟਰੀ ਵਿੱਚ ਉਪਭੋਕਤਾਵਾਂ ਨੂੰ ਇੱਕ ਕਰੋੜ ਰੁਪਏ ਤੱਕ ਦਾ ਇਨਾਮ ਮਿਲ ਸਕਦਾ ਹੈ। ਖ਼ਬਰਾਂ ਮੁਤਾਬਿਕ ਇਸਦੇ ਅਧੀਨ ਹਰ ਮਹੀਨੇ ਲੱਕੀ ਡਰਾਅ ਵਿੱਚ 1 ਲੱਖ ਰੁਪਏ ਤੋਂ ਲੈ ਕੇ 1 ਕਰੋੜ ਰੁਪਏ ਦਾ ਇਨਾਮ ਦਿੱਤਾ ਜਾਵੇਗਾ।
GST
ਕਿਵੇਂ ਲੈ ਸਕਦੇ ਹਾਂ ਲਾਟਰੀ ਵਿੱਚ ਹਿੱਸਾ
ਜੀਐਸਟੀ ਨੈੱਟਵਰਕ ਦਾ ਇਸਦੇ ਲਈ ਇੱਕ ਮੋਬਾਇਲ ਐਪ ਹੋਵੇਗਾ। ਇਸ ਲਾਟਰੀ ਵਿੱਚ ਸ਼ਾਮਲ ਹੋਣ ਲਈ ਉਪਭੋਕਤਾਵਾਂ ਨੂੰ ਕਿਸੇ ਵੀ ਖਰੀਦ ਦੀ ਰਸੀਦ ਸਕੈਨ ਕਰਕੇ ਉਸਨੂੰ ਐਪ ‘ਤੇ ਅਪਲੋਡ ਕਰਨੀ ਹੋਵੇਗੀ। ਐਪ ਇਸ ਮਹੀਨੇ ਦੇ ਅੰਤ ਤੱਕ ਐਂਡਰਾਇਡ ਅਤੇ ਆਈਓਐਸ ਯਾਨੀ ਐਪਲ ਉਪਭੋਕਤਾਵਾਂ ਲਈ ਉਪਲੱਬਧ ਹੋਵੇਗਾ।
GST
ਟੈਕਸ ਚੋਰੀ ਰੋਕਨ ਦੀ ਕਵਾਇਦ
ਅਧਿਕਾਰੀ ਨੇ ਕਿਹਾ ਕਿ ਇਹ ਲਾਟਰੀ ਯੋਜਨਾ ਗਾਹਕਾਂ ਨੂੰ ਦੁਕਾਨਾਂ ਤੋਂ ਹਰ ਖਰੀਦ ਦਾ ਬਿਲ/ਰਸੀਦ ਮੰਗਣ ਨੂੰ ਪ੍ਰਾਤਸਾਹਿਤ ਕਰਨ ਲਈ ਸੋਚੀ ਗਈ ਹੈ। ਇਸਤੋਂ ਜੀਐਸਟੀ ਦੀ ਚੋਰੀ ਰੋਕਣ ਵਿੱਚ ਮਦਦ ਮਿਲੇਗੀ। ਅਧਿਕਾਰੀ ਨੇ ਕਿਹਾ ਕਿ ਇਸ ਲਾਟਰੀ ਵਿੱਚ ਭਾਗ ਲੈਣ ਲਈ ਇਸ ਤਰ੍ਹਾਂ ਦੀ ਕੋਈ ਸੀਮਾ ਨਹੀਂ ਹੋਵੇਗੀ ਕਿ ਰਸੀਦ ਹੇਠਲਾ ਜਾਂ ਘੱਟੋ-ਘੱਟ ਕਿਸੇ ਤੈਅ ਰਾਸ਼ੀ ਦੀ ਹੋਵੇ।
Currency
ਲਾਟਰੀ ਵਿੱਚ ਪਹਿਲਾਂ ਜੇਤੂ ਨੂੰ ਇੱਕ ਕਰੋੜ ਰੁਪਏ ਦਾ ਬੰਪਰ ਇਨਾਮ ਮਿਲੇਗਾ। ਐਲਾਨ ਮਾਮਲਾ ਵਿਭਾਗ ਦੁਆਰਾ ਕੀਤੀ ਜਾਵੇਗਾ ਰਾਜਾਂ ਦੇ ਪੱਧਰ ‘ਤੇ ਦੂਜੇ ਅਤੇ ਤੀਜੇ ਜੇਤੂ ਵੀ ਚੁਣੇ ਜਾਣਗੇ।
ਕਿੱਥੋ ਆਵੇਗਾ ਪੈਸਾ
2000 Note
ਇਸ ਲਾਟਰੀ ਦਾ ਪੈਸਾ ਮੁਨਾਫਾਖੋਰੀ ਦੇ ਮਾਮਲਿਆਂ ਵਿੱਚ ਲੱਗੇ ਜੁਰਮਾਨੇ ਤੋਂ ਆਵੇਗਾ। ਜੀਐਸਟੀ ਕਨੂੰਨ ਵਿੱਚ ਮੁਨਾਫਾਖੋਰੀ ਦੇ ਖਿਲਾਫ ਕਾਰਵਾਈ ਦਾ ਪ੍ਰਾਵਧਾਨ ਹੈ। ਇਸ ਵਿੱਚ ਸਜਾ ਦਾ ਪੈਸਾ ਖਪਤਕਾਰ ਕਲਿਆਣ ਕੋਸ਼ ਵਿੱਚ ਰੱਖਿਆ ਜਾਂਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
