ਸੰਯੁਕਤ ਅਰਬ ਅਮੀਰਾਤ ਦੀ ਰਾਜਧਾਨੀ ਆਬੂ ਧਾਬੀ ਵਿੱਚ ਆਯੋਜਿਤ ਕੀਤੀ ਇਕ ਲਾਟਰੀ ਵਿੱਚ ਇਕ ਭਾਰਤੀ ਨੇ ਲਗਭਗ 18 ਕਰੋੜ ਰੁਪਏ (27 ਲੱਖ ਡਾਲਰ) ਜਿੱਤੇ ਹਨ।
ਆਬੂ ਧਾਬੀ : ਸੰਯੁਕਤ ਅਰਬ ਅਮੀਰਾਤ ਦੀ ਰਾਜਧਾਨੀ ਆਬੂ ਧਾਬੀ ਵਿੱਚ ਆਯੋਜਿਤ ਕੀਤੀ ਇਕ ਲਾਟਰੀ ਵਿੱਚ ਇਕ ਭਾਰਤੀ ਨੇ ਲਗਭਗ 18 ਕਰੋੜ ਰੁਪਏ (27 ਲੱਖ ਡਾਲਰ) ਜਿੱਤੇ ਹਨ। ਮੀਡੀਆ ਰਿਪੋਰਟ ਨੇ ਮੰਗਲਵਾਰ ਨੂੰ ਇਹ ਜਾਣਕਾਰੀ ਦਿੱਤੀ ਸੀ। ਖਲੀਜ਼ ਟਾਈਮਜ਼ ਅਨੁਸਾਰ, ਬਿਗ ਟਿਕਟ ਆਬੂ ਧਾਬੀ ਲਾਟਰੀ ਜੇਤੂਆਂ ਦੀ ਸੂਚੀ ਵਿੱਚ ਜਿਥੇ ਸੰਜੈ ਨਾਥ ਨੇ ਪਹਿਲਾ ਸਥਾਨ ਜਿੱਤਿਆ, ਤਾਂ ਉਥੇ 10 ਜੇਤੂਆਂ ਵਿੱਚ ਪੰਜ ਹੋਰ ਪਰਵਾਸੀ ਭਾਰਤੀ ਵੀ ਰਹੇ। ਜੇਤੂਆਂ ਦਾ ਐਲਾਨ ਸੋਮਵਾਰ ਨੂੰ ਹੋਇਆ।
Indian wins Big Ticket lottery
ਪਿਛਲੇ ਮਹੀਨੇ ਬਿਗ ਟਿਕਟ ਲਾਟਰੀ ਵਿੱਚ ਸ਼ਾਰਜਾਹ ਵਿੱਚ ਰਹਿਣ ਵਾਲਾ ਭਾਰਤੀ ਮੂਲ ਦਾ ਇੱਕ ਵਿਅਕਤੀ ਸ਼ੋਜਿਤ ਕੇ ਐਸ ਨੇ ਵਿਜੇਤਾ ਦੇ ਤੌਰ ਉੱਤੇ 15 ਕਰੋੜ ਦਿਰਹਮ ਜਿੱਤੇ ਹੋਏ ਸਨ। ਬਿਗ ਟਿਕਟ ਆਬੂ ਧਾਬੀ ਵਿੱਚ ਇਨਾਮ ਦੇ ਤੌਰ ਤੇ ਨਕਦ ਅਤੇ ਆਲੀਸ਼ਾਨ ਕਾਰਾਂ ਦੇਣ ਵਾਲਾ ਸਭ ਤੋਂ ਵੱਡਾ ਅਤੇ ਸਭ ਤੋਂ ਲੰਬਾ ਮਹੀਨਾਵਾਰ ਲਾਟਰੀ ਡਰਾਅ ਹੈ। ਇਸ ਦੀ ਟਿਕਟ ਆਨਲਾਈਨ ਜਾਂ ਆਬੂ ਧਾਬੀ ਇੰਟਰਨੈਸ਼ਨਲ ਏਅਰਪੋਰਟ, ਐੱਨ ਡਿਊ਼ਟੀ ਫ੍ਰੀ ਅਤੇ ਸਿਟੀ ਟਰਮੀਨਲ ਆਬੂ ਧਾਬੀ ਤੋਂ ਖ਼ਰੀਦੀ ਜਾ ਸਕਦੀ ਹੈ।
