LPG ਦੀ ਥਾਂ ਲਵੇਗੀ PNG ਗੈਸ
ਨਵੀਂ ਦਿੱਲੀ- ਕੇਂਦਰ ਸ਼ਾਸਤ ਪ੍ਰਦੇਸ਼ ਜੰਮੂ–ਕਸ਼ਮੀਰ ’ਚ ਰਸੋਈ ਗੈਸ ਦੀ ਥਾਂ ਛੇਤੀ ਹੀ ਪਾਈਪ ਨੈਚੁਰਲ ਗੈਸ (PNG) ਲੈ ਲਵੇਗੀ। ਇਸ ਲਈ ਸਰਕਾਰੀ ਤੌਰ ’ਤੇ ਕੰਮ ਸ਼ੁਰੂ ਕਰ ਦਿੱਤਾ ਗਿਆ ਹੈ। LG ਪ੍ਰਸ਼ਾਸਨ ਨੇ ਇਸ ਸਬੰਧ ਵਿਚ ਕੇਂਦਰ ਸਰਕਾਰ ਤੋਂ ਇਲਾਵਾ ਹੋਰ ਹਿੱਸੇਦਾਰਾਂ ਨਾਲ ਗੱਕ ਕ ਚੁੱਕਿਆ ਹੈ। ਇਸ ਯੋਜਨਾ ਦੇ ਤਹਿਤ ਗੁਜਰਾਤ ਦੇ ਮਹਿਸਾਨਾ ਤੋਂ ਪੰਜਾਬ ਦੇ ਬਠਿੰਡਾ ਤੱਕ ਪਹੁੰਚਣ ਵਾਲੀ ਗੈਸ ਪਾਈਪ ਲਾਈਨ ਨੂੰ ਜੰਮੂ ਕਸ਼ਮੀਰ ਤੱਕ ਵਧਾਈ ਜਾਏਗੀ।
File
ਪ੍ਰਾਜੈਕਟ ਦੇ ਪੂਰਾ ਹੋਣ ਤੋਂ ਬਾਅਦ, ਲੋਕਾਂ ਨੂੰ 20% ਤੱਕ ਗੈਸ ਸਸਤੀ ਮਿਲੇਗੀ। ਸੂਤਰਾਂ ਮੁਤਾਬਕ ਜੰਮੂ–ਕਸ਼ਮੀਰ ਦੇ ਲੈਫ਼ਟੀਨੈਂਟ ਜਨਰਲ ਗਿਰੀਸ਼ ਚੰਦਰ ਮੁਰਮੂ ਤੇ ਉਨ੍ਹਾਂ ਦੇ ਪ੍ਰਸ਼ਾਸਨਿਕ ਅਧਿਕਾਰੀ ਕੇਂਦਰੀ ਪੈਟਰੋਲੀਅਮ ਮੰਤਰਾਲੇ ਤੇ ਗੁਜਰਾਤ ਸਟੇਟ ਪੈਟਰੋਨੈੱਟ ਲਿਮਿਟੇਡ ਨਾਲ ਇਸ ਬਾਰੇ ਚਰਚਾ ਕਰ ਚੁੱਕੇ ਹਨ। ਅਤੇ ਕੇਂਦਰ ਸਰਕਾਰ ਵੱਲੋਂ ਇਸ ਪ੍ਰੋਜੈਕਟ ਨੂੰ ਹਰੀ ਝੰਡੀ ਮਿਲ ਚੁੱਕੀ ਹੈ।
File
ਜੇ ਕੋਈ ਅੜਿੱਕਾ ਨਾ ਪਿਆ, ਤਾਂ ਜੰਮੂ-ਕਸ਼ਮੀਰ 2022 ਤੱਕ ਨੈਸ਼ਨਲ ਗੈਸ ਗ੍ਰਿੱਡ ਨਾਲ ਜੁੜ ਜਾਵੇਗਾ। ਸਭ ਤੋਂ ਪਹਿਲਾਂ ਗੁਜਰਾਤ ਦੇ ਮਹਿਸਾਣਾ ਤੋਂ ਬਠਿੰਡਾ ਤੱਕ ਗੈਸ ਪਾਈਪ-ਲਾਈਨ ਵਿਛਾਈ ਜਾਵੇਗੀ। ਫਿਰ ਉਸ ਨੂੰ ਜੰਮੂ ਲਿਜਾਂਦਾ ਜਾਵੇਗਾ ਤੇ ਉਸ ਤੋਂ ਬਾਅਦ ਇਹ ਪਾਈਪ-ਲਾਈਨ ਕਸ਼ਮੀਰ (ਸ੍ਰੀਨਗਰ) ਪਹੁੰਚਾਈ ਜਾਵੇਗੀ। ਹਾਲੇ ਜੰਮੂ–ਕਸ਼ਮੀਰ ’ਚ ਵਾਹਨਾਂ ਰਾਹੀਂ ਗੈਸ ਸਿਲੰਡਰ ਲਿਆਂਦੇ ਜਾਂਦੇ ਹਨ।
File
ਜੰਮੂ ਤੋਂ ਉਨ੍ਹਾਂ ਨੂੰ ਸ੍ਰੀਨਗਰ ਲਿਜਾਂਦਾ ਜਾਂਦਾ ਹੈ। ਕਦੇ ਬਰਫ਼ਬਾਰੀ ਤੇ ਕਦੇ ਢਿੱਗਾਂ ਡਿੱਗਣ ਕਾਰਨ ਅਕਸਰ ਨੈਸ਼ਨਲ ਹਾਈਵੇਅ ਬੰਦ ਰਹਿੰਦੇ ਹਨ। ਜਿਸ ਕਾਰਨ ਕਸ਼ਮੀਰ ਵਾਦੀ ਦੇ ਜ਼ਿਲ੍ਹਿਆਂ ਵਿੱਚ ਗੈਸ ਦੀ ਸਪਲਾਈ ਵਿੱਚ ਔਖਿਆਈ ਆਉਂਦੀ ਹੈ। ਗ੍ਰਿੱਡ ਨਾਲ ਜੁੜਨ ਤੋਂ ਬਾਅਦ ਸੂਬੇ ਵਿੱਚ ਰਸੋਈ ਗੈਸ ਦੀ ਕੋਈ ਕਿੱਲਤ ਨਹੀਂ ਰਹੇਗੀ। ਗੈਸ ਹਰ ਮੌਸਮ ਵਿੱਚ ਮਿਲਦੀ ਰਹੇਗੀ।
File
ਜੰਮੂ-ਕਸ਼ਮੀਰ ਵਿੱਚ ਗੈਸ ਪਾਈਪ-ਲਾਈਨ ਕਠੂਆ, ਸਾਂਬਾ, ਜੰਮੂ, ਊਧਮਨਗਰ, ਰਾਮਬਨ ਤੇ ਅਨੰਨਾਗ ਹੁੰਦੀ ਹੋਈ ਸ੍ਰੀਨਗਰ ਪੁੱਜੇਗੀ।
