ਇਕ ਰਿਪੋਰਟ ਅਨੁਸਾਰ ਸ਼ੁੱਕਰਵਾਰ ਨੂੰ ਰਿਟੇਲਰ ਇਕ ਕਿੱਲੋ ਪਿਆਜ਼ ਲਈ 180 ਟਕਾ...
ਨਵੀਂ ਦਿੱਲੀ: ਬੰਗਲਾਦੇਸ਼ ਵਿਚ ਪਿਆਜ਼ ਦੀਆਂ ਕੀਮਤਾਂ ਵਿਚ ਫਿਰ ਤੋਂ ਵਾਧਾ ਹੋਇਆ ਹੈ। ਪਿਆਜ਼ ਦੇ ਆਯਾਤ ਵਿਚ ਕਮੀ ਆਉਣ ਅਤੇ ਨਵੀ ਫ਼ਸਲ ਦੀ ਆਮਦ ਘਟਣ ਨਾਲ ਕੀਮਤ ਵਿਚ ਵਾਧਾ ਹੋਇਆ ਹੈ। ਇਕ ਰਿਪੋਰਟ ਅਨੁਸਾਰ ਸ਼ੁੱਕਰਵਾਰ ਨੂੰ ਰਿਟੇਲਰ ਇਕ ਕਿੱਲੋ ਪਿਆਜ਼ ਲਈ 180 ਟਕਾ ਮੰਗ ਰਹੇ ਸਨ ਜਦਕਿ ਬੀਤੇ ਹਫ਼ਤੇ ਪਿਆਜ਼ ਦੀ ਕੀਮਤ 100-110 ਟਕਾ ਪ੍ਰਤੀ ਕਿੱਲੋ ਦੇ ਵਿਚਕਾਰ ਸੀ।
Onions
ਕਾਰੋਬਾਰੀਆਂ ਨੇ ਦਸਿਆ ਕਿ ਵੀਰਵਾਰ ਦੀ ਰਾਤ ਨੂੰ ਅਚਾਨਕ ਹੋਈ ਬਾਰਿਸ਼ ਕਾਰਨ ਪਿਆਜ਼ ਦੀਆਂ ਕੀਮਤਾਂ ਵਿਚ ਵਾਧਾ ਹੋ ਗਿਆ। ਮੀਰਪੁਰ ਦੇ ਪਿਰੇਰਬਾਗ ਦੇ ਸਬਜ਼ੀ ਵਿਕਰੇਤਾ ਅਲਮਸ ਹੂਸੈਨ ਨੇ ਦਸਿਆ ਕਿ ਘਰੇਲੂ ਪਿਆਜ਼ ਦੀ ਕੀਮਤ ਦੋ ਦਿਨ ਪਹਿਲਾਂ 120 ਟਕਾ ਪ੍ਰਤੀ ਕਿਲੋ ਸੀ।
Onion
ਉਹਨਾਂ ਕਿਹਾ ਕਿ ਪਰ ਉਹਨਾਂ ਨੂੰ ਥੋਕ ਵਿਕਰੇਤਾ ਤੋਂ 160 ਟਕਾ ਪ੍ਰਤੀ ਕਿਲੋ ਪਿਆਜ਼ ਮਿਲਿਆ ਤਾਂ ਫਿਰ ਉਹ 180 ਟਕਾ ਪ੍ਰਤੀ ਕਿਲੋ ਤੋਂ ਘਟ ਕੀਮਤ ਤੇ ਨਹੀਂ ਵੇਚ ਸਕਦਾ। ਚੀਨ ਅਤੇ ਮਿਸਰ ਤੋਂ ਦਰਾਮਦ ਪਿਆਜ਼ ਦੀ ਕੀਮਤ ਪਿਛਲੇ ਹਫ਼ਤੇ 45-55 ਟਕਾ ਪ੍ਰਤੀ ਕਿਲੋ ਸੀ ਪਰ ਸ਼ੁੱਕਰਵਾਰ ਨੂੰ ਇਹ ਵੀ ਵਧ ਕੇ 70 ਟਕ ਪ੍ਰਤੀ ਕਿਲੋ ਹੋ ਗਈ।
Onion
ਪਿਆਜ਼ ਦੀਆਂ ਕੀਮਤਾਂ ਵਿਚ ਵਾਧੇ ਦੇ ਇਕ ਦਿਨ ਬਾਅਦ ਵਣਜੀ ਮੰਤਰੀ ਟਿਪੂ ਮੁਨਸ਼ੀ ਨੇ ਕਾਰੋਬਾਰੀਆਂ ਤੋਂ ਇਸ ਦੇ ਲਈ ਜਵਾਬ ਮੰਗਿਆ ਹੈ। ਅਪ੍ਰੈਲ ਵਿਚ ਰਮਜਾਨ ਸ਼ੁਰੂ ਹੋਣ ਤੋਂ ਪਹਿਲਾਂ ਪਿਆਜ਼ ਦੀਆਂ ਕੀਮਤਾਂ ਵਿਚ ਵਾਧੇ ਨੂੰ ਲੈ ਕੇ ਉਹਨਾਂ ਨੂੰ ਚੇਤਾਵਨੀ ਦਿੱਤੀ ਗਈ। ਬੰਗਲਾਦੇਸ਼ ਵਿਚ ਰਮਜ਼ਾਨ ਦੌਰਾਨ ਪਿਆਜ਼ ਦੀ ਖਪਤ ਵਧ ਜਾਂਦੀ ਹੈ।
Onionਮੁਨਸ਼ੀ ਅਨੁਸਾਰ ਇਸ ਮਹੀਨੇ ਵਿਚ ਦੇਸ਼ ਵਿਚ ਆਮ ਤੌਰ ਤੇ 2,00,000 ਟਨ ਜ਼ਿਆਦਾ ਪਿਆਜ਼ ਦੀ ਜ਼ਰੂਰਤ ਹੁੰਦੀ ਹੈ। ਉਹਨਾਂ ਨੇ ਕਿਹਾ ਕਿ ਸਰਕਾਰ ਪਿਆਜ਼ ਦੀ ਖਪਤ ਨੂੰ ਪੂਰਾ ਕਰਨ ਲਈ ਦਰਾਮਦ ਵਧਾਉਣ ਦੀ ਤਿਆਰੀ ਕਰ ਰਹੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
