ਅਪਣਾ ਘਰ ਹਰ ਕਿਸੇ ਦਾ ਇਕ ਸੁਪਨਾ ਹੁੰਦਾ ਹੈ। ਇਸ ਸਪਨੇ ਨੂੰ ਹਕੀਕਤ ਵਿਚ ਬਦਲਣ ਲਈ ਜ਼ਿਆਦਾਤਰ ਲੋਕ ਹੋਮ ਲੋਨ...
ਨਵੀਂ ਦਿੱਲੀ (ਭਾਸ਼ਾ) : ਅਪਣਾ ਘਰ ਹਰ ਕਿਸੇ ਦਾ ਇਕ ਸੁਪਨਾ ਹੁੰਦਾ ਹੈ। ਇਸ ਸਪਨੇ ਨੂੰ ਹਕੀਕਤ ਵਿਚ ਬਦਲਣ ਲਈ ਜ਼ਿਆਦਾਤਰ ਲੋਕ ਹੋਮ ਲੋਨ ਲੈਣਾ ਪਸੰਦ ਕਰਦੇ ਹਨ। ਹੁਣ ਨਿਜੀ ਖੇਤਰ ਦੇ ਐਕਸਿਸ ਬੈਂਕ ਨੇ ਨਵੇਂ ਹੋਮ ਲੋਨ ਗਾਹਕਾਂ ਨੂੰ ਇਕ ਖ਼ਾਸ ਤਰ੍ਹਾਂ ਦੀ ਅਤੇ ਬਹੁਤ ਦਿਲਚਸਪ ਪੇਸ਼ਕਸ਼ ਦਿਤੀ ਹੈ। ਬੈਂਕ ਦਾ ਦਾਅਵਾ ਹੈ ਕਿ ਇਸ ਆਪਸ਼ਨ ਨਾਲ ਹੋਮ ਲੋਨ ਲੈਣ ਵਾਲੇ ਗਾਹਕਾਂ ਨੂੰ ਰਾਹਤ ਮਿਲੇਗੀ।
ਦਰਅਸਲ, ਐਕਸਿਸ ਬੈਂਕ ਦੇ ਨਵੇਂ ਹੋਮ ਲੋਨ ਗਾਹਕਾਂ ਨੂੰ ਮਾਸਿਕ ਆਧਾਰ ਉਤੇ ਮੂਲ ਰਾਸ਼ੀ ਘੱਟ ਕਰਨ ਦਾ ਆਪਸ਼ਨ ਮਿਲੇਗਾ। ਅਜੇ ਸ਼ੁਰੂਆਤ ਵਿਚ ਮੁੱਖ ਰੂਪ ਵਿਚ ਵਿਆਜ ਦੇ ਹਿੱਸੇ ਦਾ ਭੁਗਤਾਨ ਕੀਤਾ ਜਾਂਦਾ ਹੈ। ਨਵੇਂ ਆਪਸ਼ਨ ਨਾਲ ਮਾਸਿਕ ਆਧਾਰ ਉਤੇ ਮੂਲ ਕਰਜ਼ ਦੀ ਰਾਸ਼ੀ ਘੱਟ ਹੋਣ ਨਾਲ ਕਰਜ਼ ਦੀ ਮਿਆਦ ਦੇ ਦੌਰਾਨ ਗਾਹਕਾਂ ਵਲੋਂ ਕੀਤਾ ਜਾਣ ਵਾਲਾ ਕੁੱਲ ਭੁਗਤਾਨ ਵੀ ਘੱਟ ਹੋ ਜਾਵੇਗਾ ਕਿਉਂਕਿ ਵਿਆਜ਼ ਵਿਚ ਕੀਤਾ ਜਾਣ ਵਾਲਾ ਭੁਗਤਾਨ ਘੱਟ ਜਾਵੇਗਾ।
ਹਾਲਾਂਕਿ ਇਸ ਵਿਸ਼ੇਸ਼ ਹੋਮ ਲੋਨ ਵਿਚ ਵਿਆਜ਼ ਦੀ ਦਰ 0.05 ਤੋਂ 9.25 ਪ੍ਰਤੀਸ਼ਤ ਹੋਵੇਗੀ, ਜਦੋਂ ਕਿ ਪੁਰਾਣੇ ਵਿਆਜ਼ ਦਰ 8.85 ਪ੍ਰਤੀਸ਼ਤ ਤੋਂ 9.05 ਪ੍ਰਤੀਸ਼ਤ ਹਨ। ਬੈਂਕ ਵਲੋਂ 50 ਲੱਖ ਦੇ ਹੋਮ ਲੋਨ ਦੇ ਮਾਮਲੇ ਵਿਚ ਉਦਾਹਰਣ ਦੇ ਕੇ ਸਮਝਾਇਆ ਗਿਆ ਹੈ। ਇਸ ਦੇ ਮੁਤਾਬਕ 50 ਲੱਖ ਰਾਸ਼ੀ ਦੇ 20 ਸਾਲ ਪੂਰੇ ਹੋਣ ‘ਤੇ ਮੌਜੂਦਾ ਈਐਮਆਈ ਪ੍ਰਣਾਲੀ ਦੇ ਤਹਿਤ ਵਿਆਜ਼ ਖਰਚ ਘੱਟ ਹੋ ਜਾਂਦਾ ਹੈ।
ਕਰਜਦਾਤਾ ਨੂੰ ਇਕੱਲੇ 57.96 ਲੱਖ ਰੁਪਏ ਦਾ ਭੁਗਤਾਨ ਕਰਨਾ ਹੁੰਦਾ ਹੈ, ਜਿਸ ਵਿਚ ਵਿਆਜ਼ ਦਰ 9 ਪ੍ਰਤੀਸ਼ਤ ਰਹਿੰਦੀ ਹੈ। ਜਦੋਂ ਕਿ ਨਵੇਂ ਲੋਨ ਦੀ ਪੇਸ਼ਕਸ਼ ਵਿਚ 9.20 ਪ੍ਰਤੀਸ਼ਤ ਦੀ ਵਿਆਜ਼ ਦਰ ਹੋਣ ਦੇ ਬਾਵਜੂਦ ਕਰਜ਼ ਲੈਣ ਵਾਲੇ ਨੂੰ ਸਿਰਫ਼ 46.19 ਲੱਖ ਦਾ ਭੁਗਤਾਨ ਕਰਨਾ ਹੋਵੇਗਾ।