Advertisement
  ਖ਼ਬਰਾਂ   ਵਪਾਰ  15 Jan 2020  ਸੋਨਾ ਖਰੀਦਣ-ਵੇਚਣ ਵਾਲਿਆਂ ਲਈ ਵੱਡੀ ਖ਼ਬਰ

ਸੋਨਾ ਖਰੀਦਣ-ਵੇਚਣ ਵਾਲਿਆਂ ਲਈ ਵੱਡੀ ਖ਼ਬਰ

ਸਪੋਕਸਮੈਨ ਸਮਾਚਾਰ ਸੇਵਾ
Published Jan 15, 2020, 1:06 pm IST
Updated Jan 15, 2020, 1:21 pm IST
ਬਿਨਾਂ ਹਾਲਮਾਰਕ ਨਹੀਂ ਵੇਚੇ ਜਾ ਸਕਣਗੇ ਸੋਨੇ ਦੇ ਗਹਿਣੇ
Photo
 Photo

ਨਵੀਂ ਦਿੱਲੀ: ਕੇਂਦਰ ਸਰਕਾਰ ਅੱਜ ਬੁੱਧਵਾਰ ਨੂੰ ਸੋਨੇ ਦੇ ਗਹਿਣਿਆਂ ਦੀ ਵਿਕਰੀ ਲਈ ਹਾਲਮਾਰਕਿੰਗ ਨੂੰ ਲਾਜ਼ਮੀ ਕਰਨ ਲਈ ਨੋਟੀਫਿਕੇਸ਼ਨ ਜਾਰੀ ਕਰੇਗੀ। ਇਸ ਤੋਂ ਇਕ ਸਾਲ ਬਾਅਦ ਯਾਨੀ 15 ਜਨਵਰੀ 2021 ਤੋਂ ਸਿਰਫ਼ ਹਾਲਮਾਰਕ ਵਾਲੇ ਗਹਿਣਿਆਂ ਨੂੰ ਹੀ ਵੇਚਣ ਦੀ ਇਜਾਜ਼ਤ ਹੋਵੇਗੀ। ਇਸ ਦਾ ਉਲੰਘਣ ਕਰਨ ਵਾਲਿਆਂ ਖਿਲਾਫ ਕਾਰਵਾਈ ਕੀਤੀ ਜਾਵੇਗੀ।

Gold PriceGold 

ਇਸ ਵਿਚ ਜ਼ੁਰਮਾਨਾ ਅਤੇ ਜੇਲ੍ਹ ਵੀ ਹੋ ਸਕਦੀ ਹੈ। ਕੇਂਦਰੀ ਗ੍ਰਾਹਕ ਮੰਤਰੀ ਰਾਮ ਵਿਲਾਸ ਪਾਸਵਾਨ ਨੇ ਕਿਹਾ ਕਿ 2021 ਤੋਂ ਹਾਲਮਾਰਕਿੰਗ ਦੇ ਬਗੈਰ ਗਹਿਣਿਆਂ ਦੀ ਵਿਕਰੀ ਨਹੀਂ ਹੋ ਸਕੇਗੀ। ਜਵੈਲਰਸ ਨੂੰ ਸਾਰੇ ਗਹਿਣਿਆਂ ਨੂੰ ਵੇਚਣ ਲਈ ਇਕ ਸਾਲ ਦਾ ਸਮਾਂ ਦਿੱਤਾ ਗਿਆ ਹੈ। ਇਸ ਮਿਆਦ ਦੌਰਾਨ ਸਾਰੇ ਜਵੈਲਰਸ ਨੂੰ ਰਜਿਸਟ੍ਰੇਸ਼ਨ ਵੀ ਕਰਾਵਾਉਣੀ ਹੋਵੇਗੀ।

Ram Vilas PaswanRam Vilas Paswan

ਕੇਂਦਰੀ ਗ੍ਰਾਹਕ ਮੰਤਰੀ ਰਾਮ ਵਿਲਾਸ ਪਾਸਵਾਨ ਨੇ ਮੰਗਲਵਾਰ ਨੂੰ ਕਿਹਾ ਕਿ ਹਾਲਮਾਰਕ ਲਾਜ਼ਮੀ ਕਰਨ ਤੋਂ ਬਾਅਦ ਧੋਖਾਧੜੀ ‘ਤੇ ਲਗਾਮ ਲਗਾਉਣ ਵਿਚ ਮਦਦ ਮਿਲੇਗੀ। ਕਈ ਵਿਕਰੇਤਾ ਖਰੀਦਦਾਰਾਂ ਨੂੰ 9 ਕੈਰੇਟ ਦੇ ਗਹਿਣੇ ਦੇ ਕੇ ਉਹਨਾਂ ਤੋਂ 22 ਕੈਰੇਟ ਦੀ ਕੀਮਤ ਵਸੂਲ ਕਰਦੇ ਹਨ। ਉਹਨਾਂ ਦੱਸਿਆ ਕਿ ਹਾਲਮਾਰਕਿੰਗ ਲਾਜ਼ਮੀ ਹੋਣ ਤੋਂ ਬਾਅਦ ਸਿਰਫ਼ ਤਿੰਨ ਸ਼੍ਰੇਣੀਆਂ ਦੇ ਗਹਿਣੇ ਵੇਚਣ ਦੀ ਇਜਾਜ਼ਤ ਹੋਵੇਗੀ।

PhotoPhoto

ਉਹਨਾਂ ਕਿਹਾ ਕਿ ਕੋਈ ਜਵੈਲਰ ਜਾਂ ਹਾਲਮਾਰਕ ਕੇਂਦਰ ਧੋਖਾਧੜੀ ਕਰਦਾ ਹੈ ਤਾਂ ਉਸ ‘ਤੇ ਘੱਟੋ ਘੱਟ ਇਕ ਲੱਖ ਜਾਂ ਕੁੱਲ ਗਹਿਣਿਆਂ ਦੀ ਕੀਮਤ ਦਾ ਪੰਜ ਗੁਣਾ ਤੱਕ ਜ਼ੁਰਮਾਨਾ ਵਸੂਲਿਆ ਜਾਵੇਗਾ। ਹਾਲਮਾਰਕਿੰਗ ਲਈ ਸਰਕਾਰ ਸਾਰੇ ਸ਼ਹਿਰਾਂ ਵਿਚ ਹਾਲਮਾਰਕਿੰਗ ਕੇਂਦਰ ਖੋਲ੍ਹਣ ਦੀ ਤਿਆਰੀ ਕਰ ਰਹੀ ਹੈ। ਹਾਲੇ ਤੱਕ ਸਿਰਫ 234 ਸ਼ਹਿਰਾਂ ਵਿਚ ਇਸ ਤਰ੍ਹਾਂ ਦੇ ਕੇਂਦਰ ਹਨ।

BISBIS

ਉਹਨਾਂ ਨੇ ਕਿਹਾ ਕਿ ਲੋਕ ਵੀ ਤੈਅ ਕੀਮਤ ਦੇ ਕੇ ਗਹਿਣਿਆਂ ਦੀ ਗੁਣਵੱਤਾ ਦੀ ਜਾਂਚ ਕਰ ਸਕਦੇ ਹਨ। ਪਾਸਵਾਨ ਨੇ ਕਿਹਾ ਕਿ ਦੇਸ਼ ਵਿਚ ਕਰੀਬ 4 ਲੱਖ ਜਵੈਲਰਸ ਹਨ। ਇਹਨਾਂ ਵਿਚੋਂ ਸਿਰਫ 28 ਹਜ਼ਾਰ 849 ਜਵੈਲਰਸ ਨੇ ਹਾਲਮਾਰਕਿੰਗ ਲਈ ਰਜਿਸਟ੍ਰੇਸ਼ਨ ਕਰਵਾਈ ਹੈ। ਬਿਊਰੋ ਆਫ ਇੰਡੀਅਨ ਸਟੈਂਡਰਡ ਹਾਲਮਾਰਕਿੰਗ ਸੋਨੇ ਦੀ ਸ਼ੁੱਧਤਾ ਨੂੰ ਪ੍ਰਮਾਣਿਤ ਕਰਨ ਦੀ ਇਕ ਪ੍ਰਣਾਲੀ ਹੈ।

Ram Vilas PaswanRam Vilas Paswan

ਬੀਆਈਐਸ ਦਾ ਇਕ ਚਿੰਨ ਪ੍ਰਮਾਣਿਤ ਕਰਦਾ ਹੈ ਕਿ ਗਹਿਣੇ ਬੀਆਈਐਸ ਦੇ ਮਾਪਦੰਡਾਂ ‘ਤੇ ਖਰਾ ਉਤਰਦਾ ਹੈ। ਇਸ ਲਈ ਗਹਿਣਿਆਂ ਨੂੰ ਖਰੀਦਣ ਤੋਂ ਪਹਿਲਾਂ ਇਹ ਸੁਨਿਸ਼ਚਿਤ ਕਰ ਲਓ ਕੇ ਗਹਿਣਿਆਂ ‘ਤੇ ਕਿੰਨੈ ਕੈਰੇਟ ਦੀ ਹਾਲਮਾਰਕਿੰਗ ਹੈ। ਇਸ ਦੇ ਨਾਲ ਹੀ ਕਿਸ ਹਾਲਮਾਰਕ ਕੇਂਦਰ ਵਿਚ ਇਹਨਾਂ ਗਹਿਣਿਆਂ ਦੀ ਜਾਂਚ ਕੀਤੀ ਗਈ ਹੈ, ਉਸ ਦਾ ਵੀ ਨਿਸ਼ਾਨ ਹੋਵੇਗਾ।

Location: India, Delhi, New Delhi
Advertisement
Advertisement

 

Advertisement
Advertisement