1 ਫਰਵਰੀ ਤੋਂ ਤੁਹਾਡਾ ਟੀਵੀ ਵੇਖਣਾ ਮਹਿੰਗਾ ਹੋਣ ਜਾ ਰਿਹਾ ਹੈ। ਟੈਲੀਕਾਮ ਰੈਗੁਲੇਟਰੀ ਅਥਾਰਟੀ ਆਫ਼ ਇੰਡੀਆ (ਟਰਾਈ) ਦੇ ਰਾਹੀਂ ਅਧਿਸੂਚਨਾ ਜਾਰੀ ਹੋਣ ਤੋਂ ਬਾਅਦ ...
ਨਵੀਂ ਦਿੱਲੀ : 1 ਫਰਵਰੀ ਤੋਂ ਤੁਹਾਡਾ ਟੀਵੀ ਵੇਖਣਾ ਮਹਿੰਗਾ ਹੋਣ ਜਾ ਰਿਹਾ ਹੈ। ਟੈਲੀਕਾਮ ਰੈਗੁਲੇਟਰੀ ਅਥਾਰਟੀ ਆਫ਼ ਇੰਡੀਆ (ਟਰਾਈ) ਦੇ ਰਾਹੀਂ ਅਧਿਸੂਚਨਾ ਜਾਰੀ ਹੋਣ ਤੋਂ ਬਾਅਦ ਕੇਬਲ ਟੀਵੀ ਅਤੇ ਡੀਟੀਐਚ ਕੰਪਨੀਆਂ ਨੂੰ ਨਵੇਂ ਨਿਯਮਾਂ ਦੇ ਤਹਿਤ ਹਰ ਇਕ ਚੈਨਲ ਦਾ ਪੈਸਾ ਤੈਅ ਹੋ ਗਿਆ ਹੈ। ਹਾਲਾਂਕਿ ਟਰਾਈ ਦਾ ਕਹਿਣਾ ਹੈ ਕਿ 1 ਫਰਵਰੀ ਤੋਂ ਟੀਵੀ ਵੇਖਣਾ ਸਸਤਾ ਹੋ ਜਾਵੇਗਾ, ਪਰ ਬਾਜ਼ਾਰ ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਸ ਤੋਂ ਟੀਵੀ ਵੇਖਣਾ ਮਹਿੰਗਾ ਹੋ ਜਾਵੇਗਾ। ਟਰਾਈ ਦਾ ਦਾਅਵਾ ਇਸ ਲਈ ਸੱਚਾ ਨਹੀਂ ਹੈ, ਕਿਉਂਕਿ ਇਸ ਵਿਚ ਪੇਡ ਚੈਨਲਾਂ ਦਾ ਜਿਕਰ ਨਹੀਂ ਹੈ।
TV
ਹਰ ਬਰਾਡਕਾਸਟਰ ਨੇ ਅਪਣੇ ਚੈਨਲਾਂ ਦਾ ਅਲੱਗ ਤੋਂ ਬੁਕੇ ਤਿਆਰ ਕੀਤਾ ਹੈ। ਇਹਨਾਂ ਵਿਚ ਪੇ ਅਤੇ ਐਚਡੀ ਚੈਨਲ ਵੀ ਸ਼ਾਮਿਲ ਹਨ। ਸਟਾਰ ਪਲਸ, ਸੋਨੀ, ਜੀ, ਐਂਡ ਟੀਵੀ, ਕਲਰਸ ਆਦਿ ਚੈਨਲ ਪੇ ਕੈਟੇਗਿਰੀ ਵਿਚ ਆਉਂਦੇ ਹਨ। ਜੇਕਰ ਤੁਸੀਂ ਐਸਡੀ ਦੇ ਨਾਲ ਐਚਡੀ ਚੈਨਲ ਵੇਖਣਾ ਚਾਹੁੰਦੇ ਹੋ ਤਾਂ ਫਿਰ ਉਨ੍ਹਾਂ ਦਾ ਪੈਸਾ ਵੱਖ ਤੋਂ ਦੇਣਾ ਹੋਵੇਗਾ। ਇਥੇ ਇਕ ਗੱਲ ਹੋਰ ਗੌਰ ਕਰਨ ਦੀ ਹੈ ਜਿਨ੍ਹਾਂ 100 ਚੈਨਲਾਂ ਲਈ 153 ਰੁਪਏ ਚੁਕਾਉਣੇ ਹੋਣਗੇ, ਉਨ੍ਹਾਂ ਵਿਚ ਕਿਸੇ ਵੀ ਬਰਾਡਕਾਸਟਰ ਦੇ ਪੇਡ ਚੈਨਲ ਸ਼ਾਮਿਲ ਨਹੀਂ ਹੋਣਗੇ।
DTH operators
ਟਰਾਈ ਦੇ ਇਕ ਅਧਿਕਾਰੀ ਦਾ ਕਹਿਣਾ ਹੈ ਕਿ 153 ਰੁਪਏ ਵਿਚ ਸਾਰੇ ਤਰ੍ਹਾਂ ਦੇ ਐਫਟੀਏ ਅਤੇ ਪੇਡ ਚੈਨਲ ਵਿਖਾਉਣ ਦੀ ਗੱਲ ਗਲਤ ਪ੍ਰਚਾਰ ਕੀਤੀ ਗਈ ਹੈ। ਜੇਕਰ ਤੁਸੀਂ ਇਸ ਲਿਸਟ ਵਿਚ ਐਚਡੀ ਪੇਡ ਚੈਨਲ ਸ਼ਾਮਿਲ ਕਰਦੇ ਹੋ ਤਾਂ ਹਰ ਇਕ ਲਈ 19 ਰੁਪਏ ਖਰਚ ਕਰਨੇ ਹੋਣਗੇ। ਇਸ ਦੇ ਚਲਦੇ ਪੇਡ ਚੈਨਲਾਂ ਦੀ ਵੀ ਨਵੀਂ ਕੀਮਤ ਹੋ ਜਾਵੇਗੀ। ਜਿੱਥੇ ਪਿੰਡ - ਕਸਬਿਆਂ ਅਤੇ ਛੋਟੇ ਸ਼ਹਿਰਾਂ ਵਿਚ ਰਹਿਣ ਵਾਲੇ ਲੋਕਾਂ ਲਈ 200 - 250 ਰੁਪਏ ਖਰਚ ਕਰਨੇ ਪੈਂਦੇ ਹਨ, ਉਥੇ ਹੀ ਹੁਣ ਇਹ ਵਧ ਕੇ 440 ਰੁਪਏ ਹੋ ਜਾਵੇਗਾ।
Sony Pictures Networks
ਜੇਕਰ ਸਪੋਰਟਸ ਅਤੇ ਐਚਡੀ ਚੈਨਲ ਦੇਖਣੇ ਹੋਣਗੇ ਤਾਂ ਫਿਰ 600 ਰੁਪਏ ਖਰਚ ਕਰਨੇ ਹੋਣਗੇ। ਜੇਕਰ ਦਰਸ਼ਕ ਏ - ਲਾ - ਕਾਰਟੇ ਬੇਸਿਸ 'ਤੇ ਚੈਨਲ ਵੇਖਦੇ ਹਨ ਤਾਂ ਫਿਰ ਉਨ੍ਹਾਂ ਨੂੰ 800 ਰੁਪਏ ਖਰਚ ਕਰਨੇ ਪੈਣਗੇ। ਸਟਾਰ ਨੈੱਟਵਰਕ ਦੇ ਚੈਨਲ ਦੀ ਬਾਸਕਿਟ 1 ਰੁਪਏ ਤੋਂ 19 ਰੁਪਏ ਤੱਕ ਕੀਤੀ ਹੈ। ਸੋਨੀ ਪਿਕਚਰਸ ਨੈੱਟਵਰਕ ਦੇ ਚੈਨਲ ਦੀ ਬਾਸਕਿਟ 1 ਰੁਪਏ ਤੋਂ 19 ਰੁਪਏ ਦੇ ਵਿਚ ਹੈ। ਜ਼ੀ ਨੈੱਟਵਰਕ ਦੇ ਚੈਨਲ ਬਾਸਕਿਟ ਵੀ 50 ਪੈਸੇ ਤੋਂ ਲੈ ਕੇ 19 ਰੁਪਏ ਦੇ ਵਿਚ ਹਨ।
ਟਾਈਮਸ ਨੈੱਟਵਰਕ ਦੇ ਚੈਨਲ ਦੀ ਬਾਸਕਿਟ 50 ਪੈਸੇ ਤੋਂ ਸ਼ੁਰੂ ਹੈ। ਨੈੱਟਵਰਕ18 ਦੇ ਚੈਨਲ ਦੀ ਬਾਸਕਿਟ 25 ਪੈਸੇ ਤੋਂ ਸ਼ੁਰੂ ਹੈ। ਟੀਵੀ ਟੁਡੇ ਦੇ ਚੈਨਲਾਂ ਦੇ ਮੁੱਲ 25 ਪੈਸੇ ਪ੍ਰਤੀ ਮਹੀਨਾ ਤੋਂ ਸ਼ੁਰੂ ਹੁੰਦੇ ਹਨ। ਡਿਸਕਵਰੀ ਦੇ ਚੈਨਲਾਂ ਦੇ ਮੁੱਲ 1 ਰੁਪਏ ਪ੍ਰਤੀ ਮਹੀਨਾ ਤੋਂ ਸ਼ੁਰੂ ਹੁੰਦੇ ਹਨ। ਟਰਨਰ ਇੰਟਰਨੇਸ਼ਨਲ ਦੇ ਚੈਨਲਾਂ ਦੇ ਮੁੱਲ 4.25 ਰੁਪਏ ਤੋਂ ਸ਼ੁਰੂ ਹੁੰਦੇ ਹਨ।
