ਨਵੀਂ ਦਿੱਲੀ: ਪੰਜਾਬ ਅਤੇ ਮਹਾਰਾਸ਼ਟਰ ਸਹਿਕਾਰੀ ਬੈਂਕ ਮਾਮਲੇ ਵਿਚ ਨਵਾਂ ਖੁਲਾਸਾ ਹੋਇਆ ਹੈ। ਪੀਐਮਸੀ ਬੈਂਕ ਦੀ ਅੰਦਰੂਨੀ ਜਾਂਚ ਕਮੇਟੀ ਦੀ ਜਾਂਚ ਵਿਚ ਬੈਂਕ ਰਿਕਾਰਡ ਵਿਚੋਂ 10.5 ਕਰੋੜ ਰੁਪਏ ਗਾਇਬ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮਿਲੀ ਖ਼ਬਰ ਮੁਤਾਬਕ ਜਾਂਚ ਟੀਮ ਨੇ ਦੇਖਿਆ ਕਿ ਰਿਅਲ ਏਸਟੇਟ ਕੰਪਨੀ ਐਚਡੀਆਈਐਲ ਅਤੇ ਸਬੰਧਿਤ ਬਰਾਂਚਾਂ ਵੱਲੋਂ ਕਈ ਚੈੱਕ ਜਾਰੀ ਕੀਤੇ ਗਏ ਪਰ ਇਹ ਬੈਂਕ ਵਿਚ ਕਦੀ ਜਮਾਂ ਨਹੀਂ ਕੀਤੇ ਅਤੇ ਉਹਨਾਂ ਨੂੰ ਕੈਸ਼ ਦੇ ਦਿੱਤਾ ਗਿਆ।ਇਹਨਾਂ ਚੈੱਕਾਂ ਦੀ ਰਾਸ਼ੀ 10 ਕਰੋੜ ਤੋਂ ਜ਼ਿਆਦਾ ਹੈ। ਇਸ ਦੇ ਤਹਿਤ 50-55 ਲੱਖ ਰੁਪਏ ਦਾ ਵੀ ਕੋਈ ਹਿਸਾਬ ਨਹੀਂ ਮਿਲਿਆ ਹੈ।

HDIL

ਸ਼ੁਰੂਆਤ ਵਿਚ ਬੈਂਕ ਅਧਿਕਾਰੀਆਂ ਵੱਲੋਂ 4355 ਕਰੋੜ ਰੁਪਏ ਦੱਸੇ ਜਾ ਰਹੇ ਲੋਨ ਦੀ ਧੋਖਾਧੜੀ ਦੀ ਰਕਮ ਹੁਣ 6500 ਕਰੋੜ ਰੁਪਏ ਪਾਰ ਕਰ ਗਈ ਹੈ। ਆਰਬੀਆਈ ਵੱਲੋਂ ਨਿਯੁਕਤ ਪ੍ਰਬੰਧਕ ਦੇ ਅਦੇਸ਼ ਤੋਂ ਬਾਅਦ ਬੈਂਕ ਦੀ ਅੰਦਰੂਨੀ ਕਮੇਟੀ ਨੇ ਇਸ ਮਾਮਲੇ ਦੀ ਜਾਂਚ ਕੀਤੀ। ਅੰਦਰੂਨੀ ਜਾਂਚ ਕਮੇਟੀ ਨੇ ਬੈਂਕ ਦੇ ਲੈਣ-ਦੇਣ ਨੂੰ ਲੈ ਕੇ ਜਾਂਚ ਵਿਚ ਪਾਇਆ ਕਿ 10.5 ਕਰੋੜ ਰੁਪਏ ਦੀ ਰਾਸ਼ੀ ਗਾਇਬ ਹੈ। ਇਹ ਸਾਹਮਣੇ ਆਇਆ ਕਿ ਐਚਡੀਆਈਐਲ ਅਤੇ ਉਹਨਾਂ ਦੀਆਂ ਸਮੂਹ ਕੰਪਨੀਆਂ ਨਗਦ ਚਾਹੁੰਦੀਆਂ ਸਨ। ਉਹਨਾਂ ਨੇ ਬੈਂਕ ਦੇ ਸਾਬਕਾ ਪ੍ਰਬੰਧਕ ਨਿਰਦੇਸ਼ਕ ਜਾਏ ਥਾਮਸ ਨੂੰ ਪਿਛਲੇ ਦੋ ਸਾਲ ਵਿਚ ਚੈੱਕ ਭੇਜੇ। ਇਸ ਦੇ ਬਦਲੇ ਥਾਮਸ ਨੇ ਉਹਨਾਂ ਨੂੰ ਨਗਦ ਰਾਸ਼ੀ ਦਿੱਤੀ।

Joy Thomas

ਥਾਮਸ ਨੇ ਇਹ ਚੈੱਕ ਬੈਂਕ ਵਿਚ ਜਮ੍ਹਾਂ ਹੀ ਨਹੀਂ ਕਰਵਾਏ। ਇਸ ਲਈ ਇਹਨਾਂ ਚੈੱਕਾਂ ਦੀ ਐਂਟਰੀ ਬੈਂਕ ਦੇ ਖਾਤਿਆਂ ਵਿਚ ਦਰਜ ਨਹੀਂ ਹੋ ਸਕੀ। ਇਸ ਮਾਮਲੇ ਵਿਚ ਸ਼ੱਕ ਹੈ ਕਿ ਥਾਮਸ ਨੇ ਇਸ ਦੌਰਾਨ 50 ਤੋਂ 55 ਲੱਖ ਰੁਪਏ ਅਪਣੀ ਜੇਬ ਵਿਚ ਪਾਏ। ਦੱਸ ਦਈਏ ਕਿ ਥਾਮਸ ਤੋਂ ਇਲਾਵਾ ਲੋਨ ਕਮੇਟੀ ਦੇ ਮੈਂਬਰਾਂ ਐਚਡੀਆਈਐਲ ਅਤੇ ਉਹਨਾਂ ਦੇ ਨਿਰਦੇਸ਼ਕਾਂ ਰਾਕੇਸ਼ ਵਧਾਵਨ ਅਤੇ ਸਾਰੰਗ ਵਧਾਵਨ ਨੂੰ ਲੋਨ ਦੇਣ ਦੀ ਮਨਜ਼ੂਰੀ ਸੀ। ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਮੁੰਬਈ ਪੁਲਿਸ ਦੀ ਆਰਥਕ ਅਪਰਾਧ ਸ਼ਾਖਾ ਨੇ ਰਾਕੇਸ਼ ਅਤੇ ਸਾਰੰਗ ਵਧਾਵਨ ਦੇ ਨਾਲ ਹੀ ਜਾਏ ਥਾਮਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਸੀ।

ਐਚਡੀਆਈਐਲ ਦੇ ਪ੍ਰਮੋਟਰ ਰਾਕੇਸ਼ ਅਤੇ ਸਾਰੰਗ ਹਾਲੇ ਵੀ ਨਿਆਇਕ ਹਿਰਾਸਤ ਵਿਚ ਹਨ। ਈਡੀ ਇਸ ਮਾਮਲੇ ਵਿਚ ਐਚਡੀਆਈਐਲ ਦੇ ਪ੍ਰਮੋਟਰਜ਼ ਨਾਲ ਜੁੜੀ ਕਰੋੜਾਂ ਰੁਪਏ ਦੀ ਜਾਇਦਾਦ ਨੂੰ ਅਟੈਚ ਕਰ ਚੁੱਕੀ ਹੈ। ਇਹਨਾਂ ਵਿਚੋਂ ਪ੍ਰਾਈਵੇਟ ਜੈੱਟ, ਨੌਕਾ, ਰਾਲਸ ਰਾਇਸ, ਬੇਂਟਲੇ ਆਦਿ ਲਗਜ਼ਰੀ ਗੱਡੀਆਂ ਵੀ ਸ਼ਾਮਲ ਹਨ। ਇਸ ਦੌਰਾਨ ਬੈਂਕ ਦੇ ਸਾਬਕਾ ਨਿਰਦੇਸ਼ਕ ਸੁਰਜੀਤ ਸਿੰਘ ਅਰੋੜਾ ਨੂੰ ਗ੍ਰਿਫ਼ਤਾਰ ਕਰ ਅਦਾਲਤ ਸਾਹਮਣੇ ਪੇਸ਼ ਕੀਤਾ ਗਿਆ। ਅਦਾਲਤ ਨੇ ਅਰੋੜਾ ਨੂੰ 22 ਅਕਤੂਬਰ ਤੱਕ ਨਿਆਇਕ ਹਿਰਾਸਤ ਵਿਚ ਭੇਜ ਦਿੱਤਾ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।