ਸਟੀਲ ਅਤੇ ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਮੰਤਰੀ ਧਰਮਿੰਦਰ ਪ੍ਰਧਾਨ ਰਾਏਪੁਰ...
ਨਵੀਂ ਦਿੱਲੀ: ਆਮ ਆਦਮੀ ਲਈ ਖੁਸ਼ਖਬਰੀ, ਗੈਸ ਸਿਲੰਡਰ ਦੀਆਂ ਕੀਮਤਾਂ ਅਗਲੇ ਮਹੀਨੇ ਘਟ ਹੋ ਸਕਦੀਆਂ ਹਨ। ਇਸ ਗੱਲ ਦਾ ਸੰਕੇਤ ਕੇਂਦਰੀ ਮੰਤਰੀ ਧਰਮਿੰਦਰ ਪ੍ਰਧਾਨ ਨੇ ਵੀਰਵਾਰ ਨੂੰ ਰਾਇਪੁਰ ਵਿਚ ਕਿਹਾ ਕਿ ਰਸੋਈ ਗੈਸ ਦੀਆਂ ਕੀਮਤਾਂ ਵਿਚ ਅਗਲੇ ਮਹੀਨੇ ਗਿਰਾਵਟ ਹੋ ਸਕਦੀ ਹੈ। ਪ੍ਰਧਾਨ ਦੋ ਦਿਨ ਤੋਂ ਛਤੀਸਗੜ੍ਹ ਰਾਜ ਦੇ ਦੌਰੇ ਤੇ ਆਏ ਹਨ।
Photo
ਸਟੀਲ ਅਤੇ ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਮੰਤਰੀ ਧਰਮਿੰਦਰ ਪ੍ਰਧਾਨ ਰਾਏਪੁਰ ਦੇ ਸਵਾਮੀ ਵਿਵੇਕਾਨੰਦ ਹਵਾਈ ਅੱਡੇ 'ਤੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰ ਰਹੇ ਸਨ। LPG ਦੀਆਂ ਕੀਮਤਾਂ ਵਿਚ ਲਗਾਤਾਰ ਹੋ ਰਹੇ ਵਾਧੇ ਨਾਲ ਸਬੰਧਿਤ ਸਵਾਲਾਂ ਦਾ ਜਵਾਬ ਦਿੰਦੇ ਹੋਏ ਮੰਤਰੀ ਨੇ ਕਿਹਾ ਕਿ ਇਹ ਸਹੀ ਨਹੀਂ ਹੈ ਕਿ ਕੀਮਤਾਂ ਵਿਚ ਲਗਾਤਾਰ ਵਧ ਰਹੀ ਹੈ। ਅੰਤਰਰਾਸ਼ਟਰੀ ਬਾਜ਼ਾਰ ਕਾਰਨ ਇਸ ਮਹੀਨੇ ਕੀਮਤਾਂ ਵਿਚ ਵਾਧਾ ਹੋਇਆ ਹੈ।
Photo
ਹਾਲਾਂਕਿ ਅਜਿਹੇ ਸੰਕੇਤ ਹਨ ਕਿ ਅਗਲੇ ਮਹੀਨੇ ਇਸ ਦੀਆਂ ਕੀਮਤਾਂ ਵਿਚ ਕਮੀ ਆ ਸਕਦੀ ਹੈ। ਮਿਨਿਸਟਰ ਦਾ ਕਹਿਣਾ ਹੈ ਕਿ ਇਸ ਸਮੇਂ ਦੌਰਾਨ ਐਲਪੀਜੀ ਦੀ ਖਪਤ ਵਧੀ ਸੀ ਜਿਸ ਕਰ ਕੇ ਖੇਤਰ ਵਿਚ ਦਬਾਅ ਵਧਿਆ ਸੀ। ਇਸ ਮਹੀਨੇ ਕੀਮਤਾਂ ਵਿਚ ਵਾਧਾ ਹੋਇਆ ਹੈ ਜਦਕਿ ਅਗਲੇ ਮਹੀਨੇ ਇਸ ਵਿਚ ਕਮੀ ਆਵੇਗੀ। ਪਿਛਲੇ ਹਫ਼ਤੇ ਬਿਨਾਂ ਸਬਸਿਡੀ ਵਾਲੇ ਰਸੋਈ ਗੈਸ ਸਿਲੰਡਰ ਦੀਆਂ ਕੀਮਤਾਂ ਵਿਚ 149 ਰੁਪਏ ਤਕ ਦਾ ਵਾਧਾ ਹੋਇਆ ਹੈ।
Photo
ਇੰਡੀਅਨ ਆਇਲ ਕਾਰਪੋਰੇਸ਼ਨ ਦੀ ਵੈਬਸਾਈਟ ਤੇ ਉਪਲੱਭਧ ਜਾਣਕਾਰੀ ਮੁਤਾਬਕ 14.2 ਕਿਲੋਗ੍ਰਾਮ ਵਾਲੇ ਐਲਪੀਜੀ ਸਿਲੰਡਰ ਦੀ ਕੀਮਤ ਦਿੱਲੀ ਵਿਚ ਵਧ ਕੇ 858 ਰੁਪਏ ਹੋ ਚੁੱਕੀ ਹੈ। ਜੋ ਪਹਿਲਾਂ 714 ਰੁਪਏ ਸੀ। ਉੱਥੇ ਹੀ ਮੁੰਬਈ ਵਿਚ ਕੀਮਤ 747 ਰੁਪਏ ਤੋਂ ਵਧ ਕੇ 896 ਰੁਪਏ, ਚੇਨੱਈ ਵਿਚ 684 ਰੁਪਏ ਤੋਂ ਵਧ ਕੇ 829.50 ਰੁਪਏ ਅਤੇ ਕੋਲਕਾਤਾ ਵਿਚ 734 ਰੁਪਏ ਵਧ ਕੇ 881 ਰੁਪਏ ਹੋ ਚੁੱਕੀ ਹੈ।
Photo
ਦਸ ਦਈਏ ਕਿ ਐਲਪੀਜੀ ਗੈਸ ਸਲੰਡਰ ਦੀ ਕੀਮਤ ਵਿਚ 144.5 ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ। ਇਸ ਦਾ ਕਾਰਨ ਕੌਮਾਂਤਰੀ ਪੱਧਰ 'ਤੇ ਕੀਮਤਾਂ ਵਧਣ ਨੂੰ ਦੱਸਿਆ ਜਾ ਰਿਹਾ ਹੈ। ਪਰ ਘਰੇਲੂ ਵਰਤੋਂ ਲਈ ਦਿੱਤੇ ਜਾਂਦੇ ਸਲੰਡਰਾਂ ਦੀ ਕੀਮਤ ਵਿਚ ਵਾਧਾ ਨਹੀਂ ਹੋਵੇਗਾ ਕਿਉਂਕਿ ਸਰਕਾਰ ਨੇ ਵਧੀ ਕੀਮਤ ਦੇ ਬਰਾਬਰ ਸਬਸਿਡੀ ਵਧਾਉਣ ਦਾ ਫੈਂਸਲਾ ਕੀਤਾ ਹੈ।
ਸਬਸਿਡੀ ਤੋਂ ਬਿਨ੍ਹਾਂ ਹੁਣ 14.2 ਕਿੱਲੋ ਦੇ ਸਲੰਡਰ ਦੀ ਕੀਮਤ ਵਧ ਕੇ 858.50 ਰੁਪਏ ਹੋ ਗਈ ਹੈ। ਘਰੇਲੂ ਵਰਤੋਂ ਲਈ ਸਰਕਾਰ 12 ਸਲੰਡਰਾਂ 'ਤੇ ਸਬਸਿਡੀ ਦਿੰਦੀ ਹੈ। ਇਹ ਸਬਸਿਡੀ ਪਹਿਲਾਂ 153.86 ਰੁਪਏ ਸੀ ਜੋ ਹੁਣ ਵਧਾ ਕੇ 291.48 ਰੁਪਏ ਕਰ ਦਿੱਤੀ ਗਈ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
